5 אורדינאס דילאנטי די מי אונה מיזה אין פריזינסייה די טודﬞוס מיס אנגוסטייאדﬞוריס. אונטאס קון אזייטי מי קאבﬞיסה. מי בﬞאזו איס ארטורה׃
6 סולאמינטי ביין אי מירסידﬞ מי סיגיראן טודﬞוס דוס דיאס די מי בﬞידﬞה. אי אולגארי אין לה קאזה די ה׳ אה לונגורה די דיאס.
כד
1 די דויד. סאלמו. די ה׳ איס לה טיירה אי סו לייאנה. איל מונדו אי לוס קי מודאן אין איל׃
2 פורקי איל סובﬞרי לאס מאדיס לה סימינטו. אי סובﬞרי ריאוס לה קומפוזו׃
3 קיין סובﬞידה אל מונטי די ה׳. אי קיין סי אליבﬞאנטארה אין סו לוגאר סאנטו?׃
4 אי ליבﬞרי די מאנוס אי לימפייו די קוראסון. קי נונ לייבﬞה סו אלמא אה לא בﬞאנידﬞאדﬞ, אי נונ גﬞודה פארא אינגאנייו׃
5 איל דיסיבﬞדה בינדיסייון די ה׳ אי גﬞוסטידﬞאדﬞ דיל דייו די סו סאלבﬞאסייון׃
6 איסטי איס איל גﬞירינאנסייו די לוס קי לו ריקיירין, לוס בושﬞקאדﬞוריס די טוס פﬞאסיס קי סון די יעקב. סלה׃
7 פואירטאס, אליבﬞאנטאדﬞ בﬞואיסטראס קאבﬞיסאס! אי אינשﬞאלשﬞאדﬞבﬞוס, פואירטאס איטירנאס! אי אינטרארה איל ריי די לה אונרה׃
8 קיין איס איסטי ריי די לה אונרה? ה׳ פﬞואירטי אי פודﬞירוזו. ה׳ פודﬞירוזו די פיליאה׃
9 פואירטאס, אליבﬞאנטאדﬞ בﬞואיסטראס קאבﬞיסאס! אי אלסידﬞבﬞ, פואירטאס איטירנאס! אי
