22
20 אי מי סאקו אה לה אנגﬞורה. מי איסקאפו פורקי סי אינבﬞילונטו אין מי: 21 מי גואלארדונו ה׳ סיגון מי גﬞוסטידﬞאדﬞ. סיגון לה לימפייזה די מיס מאנוס טורנו ביין אה מי: 22 פורקי גוארדי לוס קאמינוס די ה׳. אי נון מי אינמאליסי קונטרה מי דייו: 23 פורקי טודﬞוס סוס גﬞואיסייוס איסטאן דילאנטי די מי. אי סוס פﬞואירוס נון טירו די מי: 24 אי סויי פריניזמו קון איל. אי מי גוארדו די מי דיליטו: 25 אי טורנו ה׳ אה מי ביין סיגון מי גﬞוסטידﬞאדﬞ. סיגון לה לימפייזה די מיס מאנוס דילאנטי די סוס אוזﬞוס: 26 קון איל בואינו טו סיראס בואינו. קון איל בﬞארון פריניזמו טו סיראס פריניזמו: 27 קון איל לימפייו טו סיראס לימפייו. אי קון איל טואירטו טי מוסטראס טואירטו: 28 פורקי טו סאלבﬞאס איל פואיבﬞלו פרובﬞי. אי לוס אוזﬞוס אלטיגוס אבאשﬞאס: 29 פורקי טו אזיס אלומבראר מי קאנדיל. ה׳ מי דייו איסקלאריסי מי איסקורידﬞאדﬞ: 30 פורקי קונטיגו קורו אין פונסאדﬞוס. אי קון מי דייו סאלטארי סובﬞרי מוראלייאס: 31 איל דייו, פריניזמו איס סו קאמינו. איל דיגﬞו די ה׳ איס איזמיראדﬞו. איל איס מאמפארו אה טודﬞוס לוס אבריגאדﬞוס אין איל: 32 פורקי, קיין איס דייו אפﬞואירה די ה׳? אי קיין איס פינייה אפﬞואירה די נואיסטרו דייו?: 33 איל דייו מי סיניי די פﬞואירסה. אי איל איזו מי קאמינו
