21
אי טימבלו לה טיירה. אי לוס סימיינטוס די לוס מונטיס סי איסטרימיסיירון אי סי קונמובﬞיירון, פורקי איל סי איריסייו: 9 סובﬞייו אומו די סו נאריז אי פﬞואיגו די סו בוקה ארדייו. בראזאס סי אינסינדיירון די איל: 10 אי אקוסטו לוס סיילוס אי דיסינדייו. אי נובﬞלאדﬞו איספיסו דיבאשﬞו די סוס פייס: 11 אי קאבﬞאלייו סובﬞרי כרוב אי בולו. אי בולו סובﬞרי אלאס די בﬞיינטו: 12 פוזו איסקורידﬞאדﬞ פור סו קובﬞיירטה. דירידﬞור די איל פור סו קאבﬞנייה, איסקורידﬞאדﬞ די אגואס, נובﬞיס לארגאס: 13 פור איל ריספלאנדור דילאנטי די איל סוס נובﬞיס פאסארון. פידﬞריסקו אי בראזאס די פﬞואיגו: 14 אי ה׳ איזו סונאר טרואינוס אין לוס סיילוס. אי איל אלטיסימו דייו סו בוז. פידﬞריסקו אי בראזאס די פואיגו: 15 אי ארוזﬞו סוס סאאיטאס אי לוס איספארזייו. אי דילאמפאגוס טירו אה מוגﬞידﬞומברי אי לוס קונטורבﬞו׃ 16 אי פﬞואירון בﬞיסטאס קוריינטיס די אגואס. פﬞואירון דיסקובﬞיירטוס לוס סימיינטוס דיל מונדו. די טו איסטולטו, או ה׳! דיל סופלו דיל אליינטו די טו נאריז: 17 אינביאו די לה אלטורה. מי טומו. מי סאקו די אגואס מוגﬞאס: 18 מי איסקאפו די מי אינימיגו פﬞואירטי. אי די מיס אבוריסידﬞוריס. פורקי פﬞואירון מאס פﬞואירטיס קי ייו: 19 מי אקונאנטארון אין איל דיאה די מי קיבﬞראנטו. אי ה׳ פואי מי סוסטינימיינטו:
