12
פיי׃ 17 ה׳ איס קונוסידﬞו קי איזו גﬞואיסייו. פור לה אובﬞרה די סוס מאנוס סי אינקאמפו איל מאלו. הגיון סלה׃ 18 לוס מאלוס טורנאראן אה לה פﬞוייה. טודﬞאס לאס גﬞינטיס קי סי אולבﬞידﬞאן דיל דייו׃ 19 פורקי איל דיזיאוזו נון סירה אולבﬞידﬞאן פארה סיימפרי. ני לה איספיראנסה די לוס אומילדיס סי דיפירדירה פארה סיימפרי׃ 20 אליבﬞאנטאטי, ה׳! נון סי מאייורגי איל אומברי. סיאן גﬞוזגאדﬞאס לאס גﬞינטיס דילאנטי די טוס פאסיס׃ 21 או ה׳! פון טימור אין אילייוס פארה קי סיפאן לאס גﬞינטיס קי סון אומבריס. סלה׃
י
1 פור קי ה׳, טי פאראס די לישﬞוס. פור קי טי אינקובﬞריס אה טיימפוס די אנסייה אין לה אנגוסטייה?׃ 2 פור לה אלטיגואיזה דיל מאלו סי קימה איל פרובﬞי. סון פריזוס פור לוס ארטיפﬞיסייוס קי אקילייוס אינגﬞינייארון׃ 3 פורקי איל מאלו אלאבﬞה איל דיזיאו די סו אלמה. אי איל גאנאדﬞור רינייגה אי מינוספריסייה אה ה׳׃ 4 איל מאלו, סיגון לה אלטיגואיזה די סו קארה, נון ריקירי. טודﬞוס סוס פינסאמיינטוס סון קי נון איי דייו׃ 5 סי אינפﬞורטיסין סוס קאריראס אין קאדﬞה אורה. קיטאדﬞוס אין לה אלטורה סון טוס גﬞואיסייוס די איסקואינטרה איל. טודﬞוס סוס אינימיגוס איל סופלה אה אילייוס׃
