לי: הלא תדע אתה איפה הם בגדי הקדש? אנא הודיעני והראני אותם! ואען: אני לא ידעתי. ויאמר: בקשתיך להגד לי למען אגמלך טוב, ואם לא תגיד, אעשה בך שפטים. ואען: אני לא ידעתי. ויתן אותי בבית האסורים ויאסרו את רגלי בכבלי ברזל וישימו עלי משמר. ואתפלל אל ה' ואֹמר: אל שדי! עד מה יבואוני צרות כאלה? סלח לי, שמע בקול תפלתי, הצילני מיד הרשע הזה ואל תתן את בגדי הקדש בידו. וישמע אלהים את תפלתי וישלח מלאך ויעַוֵר את עין דריוש ויאמר אליו: למה הרעות לדניאל ותתנהו בבית האסורים בגלל בגדי הקדש? ויען המלך דריוש: חטאתי לה' והרע עשיתי. סלח לי והשב לי מאור עיני. ויאמר אליו המלאך: אם דניאל יתפלל בעדך והשבותי לך את אור עינך. ויצו דריוש להריץ את דניאל מבית האסורים ויאמר אליו: לכה עמי ונלכה אל מקום המקדש והתפללת שם בעדי לאלהים כי ישיב לי את אור עיני.
ויקח המלך אלף פרשים ואותי לקח עמו ונסע אל מקום הקדש. בראותי את המקדש קראתי: עד מתי יהיה בית אלהים שָמֵם וישראל נפוץ! ויאמר עוד אלי מלאך האלהים: שמם בית אלהים עד כה ושמם יהיה עד ישובו [בני ישראל] וידעו כי חטאים הם לה' ועזבו את חטאיהם, אז יסלח להם אלהים והיכל ה' ישוב יבנה עוד.
ואברך את ה' ואתפלל לו בעד הרשע הזה כי ישיב לו את אור עינו. ומלאך ה' אמר לי: שמעתי את תפלתך. ויאמר עוד: לך והעמד את דריוש על יד נהר מים ורחץ את עינו במים ואחר כן תֵרפא והאלהים ישיב לו אור עינו. וירחץ דריוש את עינו ותרפא ובנפלאות אלהים שב אליו אור עינו. ויברך את ה' ויאמר: יהי שם אלהי ה'[1] דניאל מבורך, כי הוא בורא שמים וארץ, מאין כמוהו ואין דומה לו, אשר השפלים, הגבוהים... והעורים הוא רופא. ועל יד דניאל העלה רפואה לעיני וירפאנה.
והאלהים נתן בלבו ויפתח את אוצרו ויתן לכהנים ללוים וליתומים את המעשר, ולי דניאל נתן עֹשר רב, וישב ללכת אל שושתר ויקחני עמו, ונעבור את דרכנו בשלום. ויהי בדרך ויראו האנשים את דריוש המלך אשר ראוהו עִוֵר, ועתה הוא פִקֵחַ, ויתיהדו עם רב ע"י דניאל. ונבא על שושתר, והמלך שב ויקח את ממלכתו בידו כאשר בראשונה.
הערות שוליים
- ^ כנראה צריך להיות "ה' אלהי". ויקיעורך.
