מזמור קנא עם טעמים

• נוסח המזמור ע"פ מגילת תהלים. הניקוד והטעמים נעשו בידי נחום ונגרוב, ומשוחררים לציבור ברשיון CC BY-SA. הטעמים נעשו ע"פ שיטת ברויאר, כפי שהוא ביאר את שיטת כת"י כתר ארם צובא וכתה"י הקרובים אליו, במבוא לתהילים "דעת מקרא".

　　
קנא א הַֽלְלוּיָ֗הּ לְדָוִ֥ד בֶּן־יִשָֽׁי: ב קָטֹ֖ן הָיִ֣יתִי מֵאַחַ֑י וְ֜צָעִ֗יר מִבְּנֵ֥י אָבִֽי: ג וַיְשִׂימֵ֖נִי רוֹעֶ֣ה לצונו לְצֹאנֹ֑ו וּ֜מוֹשֵׁ֗ל בִּגְדִיּוֹתָֽיו: ד יָדַ֤י ׀ עָ֘שׂ֤וּ עוּגָ֗ב וְאֶצְבְּעוֹתַ֥י כִּנּ֑וֹר וְאָשִׂ֖ימָה לַֽיהֹוָ֣ה כָּבֽוֹד: ה אָמַ֥רְתִּי אֲנִ֗י בְּנַ֫פְשִׁ֥י הֶ֭הָרִים לוא לֹ֣א יָעִֽידוּ־ל֑וֹ וְהַגְּבָע֓וֹת ׀ לוא לֹ֖א יַגִּ֣דוּ עלו עָלָֽיו: ו הָ֭עֵצִים אֶת־דְּבָר֑וֹ והצואן וְ֜הַצֹּ֗אן את מעשו אֶת־מַעֲשָֽׂיו: ז כִּ֤י מִ֪י יַגִּ֡יד וּמִ֣י יְ֭דַבֵּר וּמִ֥י יְסַפֵּ֗ר את מעשו אֶת־מַעֲשָֽׂיו: ח אֲד֥וֹן הַכּ֗וֹל רָ֫אָ֥ה אֱל֣וֹהַּ הַ֭כֹּל ה֣וּא שָׁמַ֑ע וְ֜ה֗וּא הֶאֱזִֽין: ט שָׁלַ֣ח נְבִיא֣וֹ למושחני לְמָשְׁחֵ֑נִי אֶת־שְׁ֜מוּאֵ֗ל לְגַדְּלֵֽנִי: י יָצְא֣וּ אַ֭חַי לִקְרָאת֑וֹ יְפֵי־הַ֜תּ֗וֹר וִיפֵ֥י הַמַּרְאֶֽה: יא הַגְּבֹהִ֣ים בְּקוֹמָתָם֮ הַיָּפִ֪ים בִּשְׂעָ֫רָ֥ם לוא בחר לֹא־בָ֭חַר יְהֹוָ֨ה אֱלוֹהִ֬ים בָּֽם: יב וַיִּשְׁלַ֗ח וַ֭יִּקָּחֵנִי מֵאַחַ֣ר הצואן הַצֹּ֑אן וַ֜יִּמְשָׁחֵ֗נִי בְּשֶׁ֣מֶן הַקּֽוֹדֶשׁ: יג וַיְשִׂימֵ֣נִי נָגִ֣יד לְעַמּ֑וֹ וּ֜מוֹשֵׁ֗ל בִּבְנֵ֥י בְרִיתֽוֹ: