קינות/אמונים שררו

סימן: א"ב, דוד הלוי חזק

אֱמוּנִים שָׁרְרוּ, בְּתוֹךְ יָם עָבְרוּ,		בְּצֵאתִי מִמִּצְרָיִם.
בּוֹרְאָם הֵמִירוּ, וְאָחוֹר נָזֹרוּ,		בְּצֵאתִי מִירוּשָׁלָיִם.
גַּלֵּי יָם יָבָשׁוּ, וְאוֹיְבֵיהֶם כָּבָשׁוּ,		בְּצֵאתִי מִמִּצְרָיִם.
דֹּב אֹרֵב הוּא לִי, וְהֻמְעַד קַרְסֻלִּי,		בְּצֵאתִי מִירוּשָׁלָיִם.
הֶאֱכִילַנִי מָן, בַּבֹּקֶר מְזֻמָּן,		בְּצֵאתִי מִמִּצְרָיִם.
וְכָעֵת עָלָה בָאְשָׁם, בְּהִשְׁתַּפֵּךְ נַפְשָׁם,		בְּצֵאתִי מִירוּשָׁלָיִם.
זֶה סִינַי מַפְּנֵי צוּרִי שׁוֹכֵן סְנֶה,		בְּצֵאתִי מִמִּצְרָיִם.
חִבַּלְתִּי חֻקִּים, וְחָגַרְתִּי שַׂקִּים,		בְּצֵאתִי מִירוּשָׁלָיִם.
טוֹב לְסִינַי קְרָבָם, שְׁכִינָתוֹ בְּקִרְבָּם,		בְּצֵאתִי מִמִּצְרָיִם.
יָחִיד בָּזַנִי, וְרָחַק מִמֶּנִּי,		בְּצֵאתִי מִירוּשָׁלָיִם.
כֹּל יָכוֹל בּוֹרְאָם, כַּנֶּשֶׁר נְשָׂאָם,		בְּצֵאתִי מִמִּצְרָיִם.
לַעֲנָה הִרְוַנִי, מֵי רֹאשׁ הִשְׁקָנִי,		בְּצֵאתִי מִירוּשָׁלָיִם.
מִתְרַפֶּקֶת עַל דּוֹדָהּ מִמָּעַל,		בְּצֵאתִי מִמִּצְרָיִם.
נֶהְפַּךְ לִי לְאוֹיְבִי, וְיָדוֹ הָיְתָה בִּי,		בְּצֵאתִי מִירוּשָׁלָיִם.
שָׂשׂוֹן יַשִּׂיגוּ, וְעַמִּים נָמֹגוּ,		בְּצֵאתִי מִמִּצְרָיִם.
עֲבָדִים בִּי מָשָׁלוּ, וּבָעֵץ כָּשָׁלוּ,		בְּצֵאתִי מִירוּשָׁלָיִם.
פְּאֵרָם שָׁמַע, גַּם נַעֲשֶׂה וְנִשְׁמַע,		בְּצֵאתִי מִמִּצְרָיִם.
צָדוּ צְעָדֵינוּ, בִּרְחוֹב רוֹדֵינוּ,		בְּצֵאתִי מִירוּשָׁלָיִם.
קָמִים יֵחָפֵזוּן, רְעָדָה יֹאחֵזוּן,		בְּצֵאתִי מִמִּצְרָיִם.
רַגְלָם בִּרְשָׁתוֹת, חִבְּקוּ אַשְׁפַּתּוֹת,		בְּצֵאתִי מִירוּשָׁלָיִם.
שְׁמָרָם כְּאִישׁוֹן, מִכָּל עַם וְלָשׁוֹן,		בְּצֵאתִי מִמִּצְרָיִם.
תִּקְרָא כְּיוֹם מוֹעֵד, מְגוּרַי לְהִוָּעֵד,		בְּצֵאתִי מִירוּשָׁלָיִם.
דְּמוּת כֹּל לִכְרוֹעַ, הִזְהִיר לִגְרוֹעַ,		בְּצֵאתִי מִמִּצְרָיִם.
וְאֵלִים עָבָדוּ, וְלִפְנֵיהֶם סָגָדוּ,		בְּצֵאתִי מִירוּשָׁלָיִם.
דְּבַשׁ לְעַם תּוֹלָע, הֵינִיק מִסֶּלַע,		בְּצֵאתִי מִמִּצְרָיִם.
הָיוּ לִכְלִמָּה, בְּרָעָב וּבְצָמָא,		בְּצֵאתִי מִירוּשָׁלָיִם.
לֹא בָלְתָה שִׂמְלָה, וְלֶחֶם לֹא כָלָה,		בְּצֵאתִי מִמִּצְרָיִם.
וְהַלֶּחֶם שָׁאָלוּ, וּבְדָם נְגֹאֲלוּ,		בְּצֵאתִי מִירוּשָׁלָיִם.
יַרְדֵּן עָבַרְנוּ, וְהָאָרֶץ כָּבַשְׁנוּ,		בְּצֵאתִי מִמִּצְרָיִם.
חַדֵּשׁ יָמֵינוּ, כְּקֶּדֶם רוֹמְמֵנוּ,		בְּצֵאתִי מִירוּשָׁלָיִם.
זֶה כַּמֶּה שָׁנִים, בְּעָלוּנוּ אֲדוֹנִים,		חוּץ לִירוּשָׁלָיִם.
קָרֵב נָא גְּאֻלָּה, רֶוַח וְהַצָּלָה,		בְּשׁוּבִי לִירוּשָׁלָיִם.