קינות/שכרת ולא מיין

שׁכֻרַה לֹא מִיַּיִן הַשְׁלִיכִי תֻפַּיִךְ.
קָרְחִי נָא וָגֺזִּי וְְהַשְׁחִיתִי אַפַּיִךְ.
שְׂאִי עַל שְׁפָיִם קִינָה וְסֺבִּי כָּל אֲגַפַּיִךְ.
וְזַעֲקִי לִפְנֵי יהוה עַל חָרְבַּן סִפַּיִךְ
עַל חֺרֶב סִפַּיִךְ שְׂאִי אֵלָיו כַּפָּיִךְ:

אֵיכָה בָּצַר וְאוֹיֵב בְּצִיּוֹן עִיר מַמְלֶכֶת.
אֵיכָה רֶגֶל זֵדֵים אַדְמַת צְבִי דּוֹרֶכֶת.
בְּבוֹאָם מָצְאוּ כֺהֲנִים שׁוֹמְרֵי הַמַּעֲרֶכֶת.
וְעַל מִשְׁמְרוֹתָם עָמְדוּ וְלֹא אַזְבוּ הַמְּלֶכֶת.
עַד אֲשֶׁר שֻׁפַּךְ דָּמָם כְּמֵימֵי הַמַּהְפֶּכֶת.
וּבָא כָּל עָרֵל וְטָמֵא מִבֵּית לַפָּרֺכֶת.
מְקוֹם אֲשֶׁר כֺּהֵן גָּדוֹל יָרֵא שָׁם לָלֶכֶת.
וְהֶחֱרִיבוּ סְעִפַּיִךְ וְחַלּוֹנֵי שְׁקוּפַיִךְ.
וְזַעֲקִי לִפְנֵי יהוה עַל חָרְבַּן סִפַּיִךְ
עַל חֺרֶב סִפַּיִךְ שְׂאִי אֵלָיו כַּפָּיִךְ:

קוֹל יִלְלַת בַּת צִיּוֹן מֵרָחוֹק נִשְׁמַעַת.
תִּזְעַק זַעֲקַת חֶשְׁבּוֹן תִּבְכֶּה בְּכִי מֵיפָעַת.
אֲהָהּ כִּי כוֹס שָׁתִיתִי וּמָצִיתִי קֻבַּעַת.
אֲכָלוּנִי שִׁנֵּי אֲרָיוֹת חַדּוּדֵי מַלְתַּעַת.
בַּת בָּבֶל הַשְּׁדוּדָה וּבַת אֱדוֹם הַמִּרְשַׁעַת.
מַה תִּתְאוֹנְנִי צִיּוֹן וְחַטָּאתֵךְ נוֹדַעַת.
עַל רֺב עֲוֺנֵךְ גָּלָה עַמֵּךְ מִבְּלִי דַעַת.
עַל עָזְבֵךְ צוֹפַיִךְ לִשְׁאוֹל בִּתְרָפַיִךְ.
וְזַעֲקִי לִפְנֵי יהוה עַל חָרְבַּן סִפַּיִךְ
עַל חֺרֶב סִפַּיִךְ שְׂאִי אֵלָיו כַּפָּיִךְ:

אַל תִּשְׂמְחִי אוֹיַבְתִּי עַל כִּי נִשְׁבַּר קַרְנִי.
כִִּי נָפַלְתִּי קַמְתִּי וַיהוה עֲזָרַנִי.
הִנֵּה יַאַסְפֵנִי אֵלִי אֲשֶׁר פִּזְּרַנִי.
וְיִגְאָלֵנִי מִמֵּךְ צוּרִי אֲשֶׁר מְכָרַנִי.
וְגַם עָלַיִךְ תַּעֲבָר כּוֹס אֲשֶׁר עֲבָרַנִי.
וְאָז בְּסַלְעֵי סְעִפַּיִךְ אֲנַפֵּץ אֶת טַפַּיִךְ.
וְזַעֲקִי לִפְנֵי יהוה עַל חָרְבַּן סִפַּיִךְ
עַל חֺרֶב סִפַּיִךְ שְׂאִי אֵלָיו כַּפָּיִךְ: