קינות/ציון תקונני עלי ביתך

צִיּוֹן תְּקוֹנְנִי עֲלֵי בֵיתֵךְ אֲשֶׁר נִשְׂרַף צָרְחִי בְּמֶרֶר עֲלֵי שׁוֹמֲמוֹת גְּפָנָיִךְ:

צִיּוֹן תְּעוְֹרַרִי כְּאַלְמָנָה אֲשׁר הָיְתָה לָמַס לְכָל עוֹבְרִים מֵרֺב עֲוֺנָיִךְ:

עַל הַגְּבָעוֹת שְׂאִי קִינָה וְתַמְרוּר וְגַם נֶהִי בְּקוֹל רָם אֲשֶׁר הֻכּוּ הֲמוֹנָיִךְ:

אֵיכָה לְמוֹאָב בְּנֵי צִיּוֹן בְּאַף חוֹלֲלוּ עַל רֺב גְּאוֹנֵךְ וְקִרְאִי אֶל מְקוֹנְנָיִךְ:

הֵילֵל וְקִינָה שְׂאִי צִיּוֹן בְּמַר וּנְהִי וּבְכִי שְׁמָמוֹת עֲלֵי שׁוֹמֲמוֹת מְעוֹנָיִךְ:

קוֹנְנִי וְאַל תִּדְמִי קוֹלֵךְ בְּבֶכִי שְׂאִי דֶּבֶר וְחֶרֶב אֲשֶׁר שֻׁלַּח לְמַחֲנָיִךְ:

צָדוּ כְצִפּוֹר וְאֵין עוֹזֵר לְנֶגְדּוֹ אֲשֶּׁר פַּרְשׂוּ רְשָׁתוֹת לְגַלּוֹת אֶת קְלוֹנָיִךְ:

אֵיךְ הִשְׁלִיךְ תִּפְאֶרֶת יִשְׂרָאֵל וְלֹא זָכַר שְׁבוּעָה אֲשֶׁר כָּרַת לְאוֹמְנָיִךְ:

קוֹלֵךְ כְּקוֹל נַהֲמַת תַּנִּים נְוֹת יַעֲקֺב בֶּכִי וְקִינָה שְׂאִי עַל רֺב תְּלוּנָּיִךְ:

גָּזִּי לְנִזְרֵךְ וְהַשְׁלִיכִי לְרֺאשֵׁךְ עֲלֵי אֶרֶץ וְשַׂק תִּקְשְׁרִי עָצְרִי בְּמָתְנָיִךְ:

קוֹנְנִי בְּפֶשַׁע וְאַל תִּתְּנִי מְנוּחָה וְקִינָה עַל שְׁפָיִים שְׂאִי מֵרֺב מְעַנָּיִךְ:

אֶרֶץ צְבִי צִבְאוֹת קִינָה וְנֶהִי תְּעוֹרֲרִי אַל שְׁפָיִים הֲלֹא תַּחַת שְׂשׂוֹנָיִךְ:

קוֹנְנוּ מְלָכִים וְהֵילִילוּ קְצִינִים וְכָל מִזְרַח וְכָל מַעֲרָב עַל שִׂמְלוֹנָיִךְ:

פָּשְּׁטִי מְעִילֵךְ וְהַשְׁלִיכִי לְאֶרֶץ וְחִגְרִי שַׂק וְגַם תֶּהֱמִי תַּחַת סְדִינָיִךְ:

בָּחוּר וְזָקֵן וְגַם עוֹלֵל וְיוֹנֵק שְׂאוּ תַּמְרוּר לְנֶפֶשׁ לְעֵינֵי כָּל זְקֵנָיִךְ:

צִיּוֹן שְׂשׂוֹנֵךְ הֲלֹא עָבַר כְּקוֹצִים עֲלֵי מַיִם וְנֶהֶפְכוּ מֵרֺב זְדוֹנָיִךְ:

חָשְׁכוּ מְאוֹרוֹת וְגַם כָּל הַשְּׁחָקִים וְכָל דֶּרֶךְ מְאֺד נַחֱשַׁךְ סָתוּם לְפָנָיִך:

כִּי הַשְּׁחָקִים מְאֺד זֺרוּ וְאָסְפוּ לְאוֹרָם לִפְנֵי כָּל שְׁאוֹן עַל רֺב יְגוֹנָיִךְ:

צִיּוֹן בְּשׁוֹפָר תְּקַע עַל הַר וְגַבַע רְאִי צָרְחִי בְּמַר וּבְכִי עַל מוֹת סְרָנָיִךְ:

שִׁלְחוּ שְׁלָלֵךְ בְּאֵשׁ צִיּוֹן לְמִרְמָס הֲלֹא טָבְעוּ שְׁעָרֵךְ בְּתוֹךְ אֶרֶץ אֲדָנָיִךְ:

הִנֵּה לְמִרְמָס נְתוּנָה בַּת יְהוּדָה וְאֵין מֵשִׁיב לְנַפְשָׁהּ עֲלֵי שׁוֹמֲמוֹת שְׁמָנָיִךְ:

צִיּוֹן בְּמַר תִּבְכִּי מֵאֵין מְנַחֵם אֲשֶׁר רָחַק מְאֺד מִקְּרוֹב נַחֵם בְּחוּנָיִךְ:

קוֹלֵךְ כְּקוֹל יָם וְגַם תַּנִּין וְיַעֲנָה וְקוֹל נֶהִי וּבֶכִי אֲשֶׁר תַּחַת סְלוֹנָיִךְ:

צִיּוֹן לְמָרוֹם שְׂאִי עֵינֵךְ וְגַם תִּרְאִי סִפְדִי וְהֵילְלִי עֲלֵי עָזְבֵךְ תְּאֵנָיִךְ:

צִיּוֹן תְּקוֹנְנִי אֱלֵי אָבוֹת ושַׁאֲלִי מְכוֹן בֵּיתֵךְ וְגַם עֶזְרֵךְ חֺסֶן קְצִינָיִךְ:

אֶל הַמְּעָרָה לְכִי צָרְחִי בְּמַר וּבְכִי עִנּוּ בְנוֹתֵךְ וּבָנַיִךְ וְנִינָיִךְ:

שָׂרָה כְּשָׁמְעַה לְקוֹלֵךְ גַּם מְבַכָּה עַלֵי בָנִים אֲשֶׁר נִשְׁבּוּ אֶל כָּל שְׁכֵנָיִךְ:

רָחֵל וְלֵאָה בְּכוּ בִּלְהָה וְזִלפָּה הֲלֹא קוֹנְנוּ וְקִרְאוּ בְּקוֹל מָחִי בְּפָנָיִךְ:

כִּי הָאֱלֹהִים הֲלֹא נֶצַח וְלֹא יִזְנַח כִּי תִקְוָה הִיא וְרֺב שָׁלוֹם לְבָנָיִךְ: