פסוק המתחיל ומסתיים באות כ כ
- כִּי יָדַע עַבְדְּךָ כִּי אֲנִי חָטָאתִי וְהִנֵּה־בָאתִי הַיּוֹם רִאשׁוֹן לְכָל־בֵּית יוֹסֵף לָרֶדֶת לִקְרַאת אֲדֹנִי הַמֶּלֶך
- כִּי לֹא הָיָה כָּל־בֵּית אָבִי כִּי אִם־אַנְשֵׁי־מָוֶת לַאדֹנִי הַמֶּלֶךְ וַתָּשֶׁת אֶת־עַבְדְּךָ בְּאֹכְלֵי שֻׁלְחָנֶךָ וּמַה־יֶּשׁ־לִי עוֹד צְדָקָה וְלִזְעֹק עוֹד אֶל־הַמֶּלֶך
- כִּי־יֵצֵא עַמְּךָ לַמִּלְחָמָה עַל־אֹיְבוֹ בַּדֶּרֶךְ אֲשֶׁר תִּשְׁלָחֵם וְהִתְפַּלְלוּ אֶל־יְהוָה דֶּרֶךְ הָעִיר אֲשֶׁר בָּחַרְתָּ בָּהּ וְהַבַּיִת אֲשֶׁר־בָּנִתִי לִשְׁמֶך
- כי אם־מאן אתה לשלח את־עמי הנני מביא מחר ארבה בגבלך
- כבד את־אביך ואת־אמך למען יארכון ימיך על האדמה אשר־יהוה אלהיך נתן לך
- כי אם־שמע תשמע בקלו ועשית כל אשר אדבר ואיבתי את־איביך וצרתי את־צרריך
- כשכיר כתושב יהיה עמך עד־שנת היבל יעבד עמך
- כשכיר שנה בשנה יהיה עמו לא־ירדנו בפרך לעיניך
- כל תרומת הקדשים אשר ירימו בני־ישראל ליהוה נתתי לך ולבניך ולבנתיך אתך לחק־עולם ברית מלח עולם הוא לפני יהוה לך ולזרעך אתך
- כי אם־יהיה לבער קין עד־מה אשור תשבך
- כבד את־אביך ואת־אמך כאשר צוך יהוה אלהיך למען יאריכן ימיך ולמען ייטב לך על האדמה אשר־יהוה אלהיך נתן לך
- כי יביאך יהוה אלהיך אל־הארץ אשר־אתה בא־שמה לרשתה ונשל גוים־רבים מפניך החתי והגרגשי והאמרי והכנעני והפרזי והחוי והיבוסי שבעה גוים רבים ועצומים ממך
- כי לא־באתם עד־עתה אל־המנוחה ואל־הנחלה אשר־יהוה אלהיך נתן לך
- כי אם־במקום אשר־יבחר יהוה באחד שבטיך שם תעלה עלתיך ושם תעשה כל אשר אנכי מצוך
- כי אם־לפני יהוה אלהיך תאכלנו במקום אשר יבחר יהוה אלהיך בו אתה ובנך ובתך ועבדך ואמתך והלוי אשר בשעריך ושמחת לפני יהוה אלהיך בכל משלח ידך
- כי־ירחק ממך המקום אשר יבחר יהוה אלהיך לשום שמו שם וזבחת מבקרך ומצאנך אשר נתן יהוה לך כאשר צויתך ואכלת בשעריך בכל אות נפשך
- כי יסיתך אחיך בן־אמך או־בנך או־בתך או אשת חיקך או רעך אשר כנפשך בסתר לאמר נלכה ונעבדה אלהים אחרים אשר לא ידעת אתה ואבתיך
- כי תשמע בקול יהוה אלהיך לשמר את־כל־מצותיו אשר אנכי מצוך היום לעשות הישר בעיני יהוה אלהיך
- כי לא־יחדל אביון מקרב הארץ על־כן אנכי מצוך לאמר פתח תפתח את־ידך לאחיך לעניך ולאבינך בארצך
- כי־ימכר לך אחיך העברי או העבריה ועבדך שש שנים ובשנה השביעת תשלחנו חפשי מעמך
- כל־הבכור אשר יולד בבקרך ובצאנך הזכר תקדיש ליהוה אלהיך לא תעבד בבכר שורך ולא תגז בכור צאנך
- כי־תועבת יהוה כל־עשה אלה ובגלל התועבת האלה יהוה אלהיך מוריש אותם מפניך
- כי הגוים האלה אשר אתה יורש אותם אל־מעננים ואל־קסמים ישמעו ואתה לא כן נתן לך יהוה אלהיך
- כי־החרם תחרימם החתי והאמרי הכנעני והפרזי החוי והיבוסי כאשר צוך יהוה אלהיך
- כי יהוה אלהיך מתהלך בקרב מחנך להצילך ולתת איביך לפניך והיה מחניך קדוש ולא־יראה בך ערות דבר ושב מאחריך
- כי תבא בקמת רעך וקטפת מלילת בידך וחרמש לא תניף על קמת רעך
- כי־ימצא איש גנב נפש מאחיו מבני ישראל והתעמר־בו ומכרו ומת הגנב ההוא ובערת הרע מקרבך
- כי תקצר קצירך בשדך ושכחת עמר בשדה לא תשוב לקחתו לגר ליתום ולאלמנה יהיה למען יברכך יהוה אלהיך בכל מעשה ידיך
- כי תשמע בקול יהוה אלהיך לשמר מצותיו וחקתיו הכתובה בספר התורה הזה כי תשוב אל־יהוה אלהיך בכל־לבבך ובכל־נפשך
- כל־ישבי ההר מן־הלבנון עד־משרפת מים כל־צידנים אנכי אורישם מפני בני ישראל רק הפלה לישראל בנחלה כאשר צויתיך
- ככל־המעשים אשר־עשו מיום העלתי אתם ממצרים ועד־היום הזה ויעזבני ויעבדו אלהים אחרים כן המה עשים גם־לך
- כי חטאת־קסם מרי ואון ותרפים הפצר יען מאסת את־דבר יהוה וימאסך ממלך
- כאשר יאמר משל הקדמני מרשעים יצא רשע וידי לא תהיה־בך
- כי־יתפש איש באחיו בית אביו שמלה לכה קצין תהיה־לנו והמכשלה הזאת תחת ידך
- כי־עם בציון ישב בירושלם בכו לא־תבכה חנון יחנך לקול זעקך כשמעתו ענך
- כי לא שאול תודך מות יהללך לא־ישברו יורדי־בור אל־אמתך
- כי אני יהוה אלהיך מחזיק ימינך האמר לך אל־תירא אני עזרתיך
- כי־תעבר במים אתך־אני ובנהרות לא ישטפוך כי־תלך במו־אש לא תכוה ולהבה לא תבער־בך
- כי אני יהוה אלהיך קדוש ישראל מושיעך נתתי כפרך מצרים כוש וסבא תחתיך
- כי אצק־מים על־צמא ונזלים על־יבשה אצק רוחי על־זרעך וברכתי על־צאצאיך
- כן היו־לך אשר יגעת סחריך מנעוריך איש לעברו תעו אין מושיעך
- כה־אמר יהוה גאלך קדוש ישראל אני יהוה אלהיך מלמדך להועיל מדריכך בדרך תלך
- כה אמר־יהוה גאל ישראל קדושו לבזה־נפש למתעב גוי לעבד משלים מלכים יראו וקמו שרים וישתחוו למען יהוה אשר נאמן קדש ישראל ויבחרך
- כי חרבתיך ושממתיך וארץ הרסתיך כי עתה תצרי מיושב ורחקו מבלעיך
- כי־כאשה עזובה ועצובת רוח קראך יהוה ואשת נעורים כי תמאס אמר אלהיך
- כי־מי נח זאת לי אשר נשבעתי מעבר מי־נח עוד על־הארץ כן נשבעתי מקצף עליך ומגער־בך
- כי־לי איים יקוו ואניות תרשיש בראשנה להביא בניך מרחוק כספם וזהבם אתם לשם יהוה אלהיך ולקדוש ישראל כי פארך
- כי־יבעל בחור בתולה יבעלוך בניך ומשוש חתן על־כלה ישיש עליך אלהיך
- כי־אתה אבינו כי אברהם לא ידענו וישראל לא יכירנו אתה יהוה אבינו גאלנו מעולם שמך
- כבסי מרעה לבך ירושלם למען תושעי עד־מתי תלין בקרבך מחשבות אונך
- כה אמר יהוה עמדו על־דרכים וראו ושאלו לנתבות עולם אי־זה דרך הטוב ולכו־בה ומצאו מרגוע לנפשכם ויאמרו לא נלך
- כי מי־יחמל עליך ירושלם ומי ינוד לך ומי יסור לשאל לשלם לך
- כל־רעיך תרעה־רוח ומאהביך בשבי ילכו כי אז תבשי ונכלמת מכל רעתך
- כה־אמר יהוה אלי עשה לך מוסרות ומטות ונתתם על־צוארך
- כי־אתך אני נאם־יהוה להושיעך כי אעשה כלה בכל־הגוים אשר הפצותיך שם אך אתך לא־אעשה כלה ויסרתיך למשפט ונקה לא אנקך
- כי כה אמר יהוה אנוש לשברך נחלה מכתך
- כל־מאהביך שכחוך אותך לא ידרשו כי מכת אויב הכיתיך מוסר אכזרי על רב עונך עצמו חטאתיך
- כה־אמר יהוה אלהי ישראל עליך ברוך
- כי כה אמר אדני יהוה חרב מלך־בבל תבואך
- כה אמר אדני יהוה כשמח כל־הארץ שממה אעשה־לך
- כה הראני אדני יהוה והנה יוצר גבי בתחלת עלות הלקש והנה־לקש אחר גזי המלך
- כה הראני והנה אדני נצב על־חומת אנך ובידו אנך
- כי־קרוב יום־יהוה על־כל־הגוים כאשר עשית יעשה לך גמלך ישוב בראשך
- כוש עצמה ומצרים ואין קצה פוט ולובים היו בעזרתך
- כי אין במות זכרך בשאול מי יודה־לך
- כי־תשיתהו ברכות לעד תחדהו בשמחה את־פניך
- כי־חסדך לנגד עיני והתהלכתי באמתך
- כי־חציך נחתו בי ותנחת עלי ידך
- כל־זאת באתנו ולא שכחנוך ולא־שקרנו בבריתך
- כסאך אלהים עולם ועד שבט מישר שבט מלכותך
- כשמך אלהים כן תהלתך על־קצוי־ארץ צדק מלאה ימינך
- כי־נפשו בחייו יברך ויודך כי־תיטיב לך
- כי־גדל עד־שמים חסדך ועד־שחקים אמתך
- כי־אתה אלהים שמעת לנדרי נתת ירשת יראי שמך
- כן בקדש חזיתיך לראות עזך וכבודך
- כי־טוב חסדך מחיים שפתי ישבחונך
- כי־הנה רחקיך יאבדו הצמתה כל־זונה ממך
- כי־אתה אדני טוב וסלח ורב־חסד לכל־קראיך
- כל־גוים אשר עשית יבואו וישתחוו לפניך אדני ויכבדו לשמך
- כי־גדול אתה ועשה נפלאות אתה אלהים לבדך
- כי־אתה יהוה מחסי עליון שמת מעונך
- כי מלאכיו יצוה־לך לשמרך בכל־דרכיך
- כי־גדול מעל־שמים חסדך ועד־שחקים אמתך
- כרו־לי זדים שיחות אשר לא כתורתך
- כמעט כלוני בארץ ואני לא־עזבתי פקודיך
- כחסדך חיני ואשמרה עדות פיך
- כי־חזק בריחי שעריך ברך בניך בקרבך
- כי לוית חן הם לראשך וענקים לגרגרתיך
- כי אם לבינה תקרא לתבונה תתן קולך
- כי ארך ימים ושנות חיים ושלום יוסיפו לך
- כבד את־יהוה מהונך ומראשית כל־תבואתך
- כל־היום התאוה תאוה וצדיק יתן ולא יחשך
- כי־נעים כי־תשמרם בבטנך יכנו יחדו על־שפתיך
- כי־תשב ללחום את־מושל בין תבין את־אשר לפניך
- כי כמו־שער בנפשו כן־הוא אכל ושתה יאמר לך ולבו בל־עמך
- כי־גאלם חזק הוא־יריב את־ריבם אתך
- כי לא־תהיה אחרית לרע נר רשעים ידעך
- כי טוב אמר־לך עלה הנה מהשפילך לפני נדיב אשר ראו עיניך
- כי גחלים אתה חתה על־ראשו ויהוה ישלם־לך
- כי עם־אבני השדה בריתך וחית השדה השלמה־לך
- כי־שנות מספר יאתיו וארח לא־אשוב אהלך
- כי־שלח ברשת ברגליו ועל־שבכה יתהלך
- כי־אז על־שדי תתענג ותשא אל־אלוה פניך
- כי־אמנם לא־שקר מלי תמים דעות עמך
- כי־חמה פן־יסיתך בספק ורב־כפר אל־יטך
- כחוט השני שפתתיך ומדבריך נאוה כפלח הרמון רקתך מבעד לצמתך
- כלך יפה רעיתי ומום אין בך
- כפלח הרמון רקתך מבעד לצמתך
- כי נמכרנו אני ועמי להשמיד להרוג ולאבד ואלו לעבדים ולשפחות נמכרנו החרשתי כי אין הצר שוה בנזק המלך
- כאשר כתוב בתורת משה את כל־הרעה הזאת באה עלינו ולא־חלינו את־פני יהוה אלהינו לשוב מעוננו ולהשכיל באמתך
- כל־קבל די מן־קדם מלכא ושבעת יעטהי שליח לבקרא על־יהוד ולירושלם בדת אלהך די בידך
- כי אתה אלהי גלית את־אזן עבדך לבנות לו בית על־כן מצא עבדך להתפלל לפניך
- כי־יצא עמך למלחמה על־אויביו בדרך אשר תשלחם והתפללו אליך דרך העיר הזאת אשר בחרת בה והבית אשר־בניתי לשמך