24
46 איזﬞוס איסטראנייוס סי קאאין, אי סי איסטרימיסין אין סוס קארסיליס: 47 ה׳ ביבﬞי. אי בינדיגﬞו סיאה מי פינייה. אי סי אינאלטיסקה איל דייו די מי סאלבﬞאסייון: 48 איל דייו קי מי דה בﬞינגאנסאס. אי קיבﬞראנטה לוס פואיבﬞלוס דיבאשﬞו די מי: 49 קי מי איסקאפה די מיס אינימיגוס. טאמביין די לוס קי סי ליבﬞאנטאן קונטרה מי מי אינאלטיסיס. דיל בﬞארון די אדﬞולמי מי איסקאפאסטי: 50 פור איסטו טי לוארי אינטרי לאס גﬞינטיס, או ה׳! אי אה טו נומברי סאלמיארי: 51 איל קי אינגראנדיסי לה סאלבﬞאסייון די סו ריי אי קי אזי מירסידﬞ אה סו אונטאדﬞו, אה דויד אי אה סו סימין פארה סיימפרי:
יט
1 אל פרימיר קאנטאדﬞור. סאלמו די דויד: 2 לוס סיילוס ריקונטאן לה אונרה דיל דייו. אי לה איספאנדידﬞורה דינונסייה איל איגﬞו די סוס מאנוס: 3 די דיאה אה דיאה פאסה איל דיגﬞו, אי נוגﬞי אה נוגﬞי דינונסייה איל סאבﬞיר: 4 נון איי דיגﬞו, אי נון איי פאלאבﬞראס. נון איס אואידﬞה סו בוז: 5 אימפירו סו קואירדה סאלי פור טודﬞה לה טיירה, אי סוס פאלאבﬞראס אל קאבﬞו דיל מונדו. אל סול פוזו טיינדה אין אילייוס: 6 אי איל איס קומו נובﬞייו, קי סאלי די סו טאלאמו. סי אגוזה קומו באראגאן פארה קוריר איל קאמינו: 7 דיל קאבﬞו די
