25
לוס סיילוס איס סו סאלידﬞה. אי סו רודﬞיאו אסטה סוס קאבﬞוס. אי נון איי קוזה אינקובﬞיירטה די סו קאלור: 8 לה ליי די ה׳ איס פריניזמה, טורנאנדו לה אלמה. איל טיסטימונייו די ה׳ איס פﬞיאיל, אזיינדו סאבﬞייו אל טורפי: 9 לוס מאנדאמיינטוס די ה׳ סון דיריגﬞוס, אליגראנדו איל קוראסון. לה אינקומינדאנסה די ה׳ איס קלארה, אלומבראנדו לוס אוזﬞוס: 10 איל טימור די ה׳ איס לימפייו, פאראדﬞו פארה סיימפרי. לוס גﬞואיסייוס די ה׳ סון בﬞירדאדﬞ, סון גﬞוסטוס אאונה: 11 אילייוס סון קובﬞדיסייאבﬞליס מאס קי אורו, אי מאס קי אורו מויי פﬞינו. אי דולסיס מאס קי מייל אי גוטה די פאנאליס: 12 טאמביין פור אילייוס טו סיירבﬞו איס אקאבﬞידﬞאדﬞו. אין גוארדארלוס איי פריסייו גראנדי: 13 קיין קונוסי טודﬞוס לוס יירוס? די לוס אינקובﬞיירטוס לימפייאמי: 14 טאמביין די לוס פיקאדﬞוס די סובﬞירבﬞייה דיבﬞידﬞה אה טו סיירבﬞו, פארה קי נון טינגאן פודﬞיר אין מי. אינטונסיס סירי פריניזמו, אי סירי לימפייו די ריבﬞילייו גראנדי: 15 סיאן לוס דיגﬞוס די מי בוקה אי איל פינסאמיינטו די מי קוראסון אגראדﬞאבﬞליס דילאנטי די טי, ה׳ מי פינייה אי מי ריגמידﬞור:
כ
1 אל פרימיר קאנטאדﬞור. סאלמו די דויד: 2 ה׳ ריספונדאטי אין איל דיאה די לה אנגוסטייה. איל נומברי
