23
פריניזמו: 34 איגואלאנדו מיס פייס אה לאס די לאס סיירבﬞאס. אי סובﬞרי מיס אלטוראס מי אזי איסטאר: 35 איל אמביזה מיס מאנוס אה לה פיליאה. אי און ארקו די אזירו איס קורבﬞאדﬞו פור מיס בראסוס: 36 אי מי דיסטי איל איסקודﬞו די טו סאלבﬞאסייון. אי טו דיריגﬞה מי אסופﬞרייו. אי טו אומילדאנסה מי אינגראנדיסייו: 37 אינסאנגﬞאסטי מיס פאטאדﬞאס דיבאשﬞו די מי אי נון סי ריספﬞויירון מיס טודﬞילייוס: 38 פירסיגירי אה מיס אינימיגוס אי לוס אלקאנסארי. אי נון טורנארי, אסטה קי לוס אטימי: 39 לוס לייאגארי אי נון פודﬞראן אליבﬞאנטארסי. קאאיראן דיבאשﬞו די מיס פייס: 40 אי טו קי מי סינייסטי די פﬞואירסה פארה לה פיליאה. קיבﬞראנטאראס דיבאשﬞו די מי אה לוס קי סי ליבﬞאנטאן קונטרה מי: 41 אי דיסטי אה מי לה סירבﬞיז די מיס אינימיגוס. אי אה מיס אבוריסידﬞוריס לוס טאזﬞארי: 42 איסקלאמאראן, אי נון אבﬞרה סאלבﬞאדﬞור. אה ה׳, אי נון ליס ריספונדירה: 43 אי לוס מולירי קומו פולבﬞו דילאנטי דיל בﬞיינטו. קומו לודﬞו די לאס קאלייס לוס בﬞאסייארי: 44 מי איסקאפאראס די לאס באראזﬞאס דיל פואיבﬞלו. מי פונדראס פור קאבﬞיסירה די לאס גﬞינטיס. און פואיבﬞלו קי נון קונוסקו מי סירביראן: 45 אה אונה אואידﬞה די לה אוריזﬞה מי אובﬞידﬞיסיראן. איזﬞוס איסטראנייוס מי אקאריסייאראן:
