הדף הזה עבר הגהה
סדר תפלה.
קודם שיכנס לבית הכנסת ישהה מעט בעזרת בית הכנסת ויאמר:
וַאֲנִי בְּרֹב חַסְדְּךָ אָבֹא בֵיתֶֽךָ אֶשְׁתַּחֲוֶה אֶל־הֵיכַל קָדְשְׁךָ בְּיִרְאָתֶֽךָ׃
ויכנס בנחת וביראה ויאמר:
בְּבֵית אֱלֹהִים נְהַלֵּךְ בְּרָֽגֶשׁ׃
כשיכנס לבית הכנסת יאמר:
מַה־טֹּֽבוּ אֹהָלֶֽיךָ יַעֲקֹב מִשְׁכְּנֹתֶֽיךָ יִשְׂרָאֵֽל׃ וַאֲנִי בְּרֹב חַסְדְּךָ אָבוֺא בֵיתֶֽךָ אֶשְׁתַּחֲוֶה אֶל־הֵֽיכַל קָדְשְׁךָ בְּיִרְאָתֶֽךָ׃ יְיָ אָהַֽבְתִּי מְעוֹן בֵּיתֶֽךָ וּמְקוֹם מִשְׁכַּן כְּבוֹדֶֽךָ׃ וַאֲנִי אֶשְׁתַּחֲוֶה וְאֶכְרָֽעָה אֶבְרְכָה לִפְנֵי־יְיָ עֹשִׂי׃ וַאֲנִי תְפִלָּתִי־לְךָ יְיָ עֵת רָצוֹן אֱלֹהִים בְּרָב־חַסְדֶּֽךָ עֲנֵֽנִי בֶּֽאֱמֶת יִשְׁעֶֽךָ׃
קודם תפלת שחרית נוהגים לומר זה:
אֲנִי קְרָאתִֽיךָ כִי־תַעֲנֵֽנִי אֵ֑ל הַט־אָזְנְךָ לִי שְׁמַע אִמְרָתִי׃ וַאֲנִי עָלֶֽיךָ בָטַֽחְתִּי יְיָ֑ אָמַֽרְתִּי אֱלֹהַי אָֽתָּה׃ שְׁמַע קוֹל תַּחֲנוּנַי בְּשַׁוְּעִי אֵלֶֽיךָ בְּנָשְׂאִי יָדַי אֶל־דְּבִיר קָדְשֶֽׁךָ׃ יְיָ אֱלֹהָ֑י שִׁוַּֽעְתִּי אֵלֶֽיךָ וַתִּרְפָּאֵֽנִי׃ אֵלֶֽיךָ יְיָ אֶקְרָא וְאֶל־אֲדֹנָי אֶתְחַנָּן׃ הָאִֽירָה פָנֶֽיךָ עַל־עַבְדֶּֽךָ
