אלוהי בשם קדשך

==מוחרך / רבי אברהם אבן עזרא==

אֱלֹהַי, בְּשֵׁם קָדְשְׁךָ עַתָּה עָזְרֵנִי / וְאִם תָּעִיתִי אֲנִי – אַתָּה הוֹרֵנִי

בַּמָּה אֲקַדֵּם וּמָה אֹמַר אֵלֶיךָ –

וּמִסַּפֵּר עָצְמוּ כָל תַּגְמוּלֶיךָ?

וּמַה יָכֹלְתִּי עֲשׂוֹת כִּי אִם לְהַלְלֶךָ?

הֲטִיבוֹתָ לְבַדָּךְ וְאֵין עִמָּךְ שֵׁנִי / וְאִם אוֹדֶה בִלְתָּךְ – אַל תּוֹשִׁיעֵנִי!

רָאִיתָ כָל אֲשֶׁר הֶעֱוָה עַבְדְּךָ,

כִּי כָל דְּרָכַי וּמַחְשְְׁבוֹתַי נֶגְדְּךָ,

וְכִסִּיתָם מֵאֱנוֹשׁ לְמַעַן חַסְדְּךָ;

עִם מִי אֶתְוַכְּחָה וּמִי יוֹכִיחֵנִי – / וְלִבִּי בִי יַעֲנֶה וּפִי יַרְשִׁיעֵנִי?

הֵן לוּ אֶמְצָא אֱנוֹשׁ כָּמוֹנִי חָטָא –

הִרְחַקְתִּיו, כִּי מְאֹד מִדַּרְכְּךָ נָטָה;

אֵיךְ מִמְּךָ אֶבְרְחָה וְאָן אִמָּלְטָה?

עַל נֶפֶשׁ אֶאֱבַל – תָּסֹב תְּנַחֲמֵנִי, / אֲנִי עֲזָבְתִּיךְ – וְאַתְּ אַל תַּעַזְבֵנִי!

מִסְפַּר יְמוֹתַי אֲשֶׁר עָבְרוּ יָדַעְתִּי –

וְלֹא אֵדַע מֶחְקָרֵי פְשָׁעִים פָּשַׁעְתִּי,

וְלֹא אֶמְצָא לִי צֳרִי כִּי אִם נִכְנַעְתִּי.

וְיָרַדְתִּי עַד תְּהוֹם – תָּשׁוּב תַּעֲלֵנִי, / בָּאתִי בְשַׁעֲרֵי שְׁאוֹל – תָּשׁוּב תְּחַיֵּינִי!

טקסט זה הועתק מפרויקט בן-יהודה (הקישור המקורי).