שמואל ב כג
תנ"ך > שמואל ב > א ב ג ד ה ו ז ח ט י יא יב יג יד טו טז יז יח יט כ כא כב כג כד
לחץ כאן להצגת התוכן ↓
א ואלה דברי דוד האחרנים נאם דוד בן ישי ונאם הגבר הקם על משיח אלהי יעקב ונעים זמרות ישראל ב רוח יהוה דבר בי ומלתו על לשוני ג אמר אלהי ישראל לי דבר צור ישראל מושל באדם צדיק מושל יראת אלהים ד וכאור בקר יזרח שמש בקר לא עבות מנגה ממטר דשא מארץ ה כי לא כן ביתי עם אל כי ברית עולם שם לי ערוכה בכל ושמרה כי כל ישעי וכל חפץ כי לא יצמיח ו ובליעל כקוץ מנד כלהם כי לא ביד יקחו ז ואיש יגע בהם ימלא ברזל ועץ חנית ובאש שרוף ישרפו בשבת
ח אלה שמות הגברים אשר לדוד ישב בשבת תחכמני ראש השלשי הוא עדינו העצנו [העצני] על שמנה מאות חלל בפעם אחד [אחת] ט ואחרו [ואחריו] אלעזר בן דדי [דדו] בן אחחי בשלשה גברים [הגברים] עם דוד בחרפם בפלשתים נאספו שם למלחמה ויעלו איש ישראל י הוא קם ויך בפלשתים עד כי יגעה ידו ותדבק ידו אל החרב ויעש יהוה תשועה גדולה ביום ההוא והעם ישבו אחריו אך לפשט יא ואחריו שמא בן אגא הררי ויאספו פלשתים לחיה ותהי שם חלקת השדה מלאה עדשים והעם נס מפני פלשתים יב ויתיצב בתוך החלקה ויצילה ויך את פלשתים ויעש יהוה תשועה גדולה יג וירדו שלשים [שלשה] מהשלשים ראש ויבאו אל קציר אל דוד אל מערת עדלם וחית פלשתים חנה בעמק רפאים יד ודוד אז במצודה ומצב פלשתים אז בית לחם טו ויתאוה דוד ויאמר מי ישקני מים מבאר בית לחם אשר בשער טז ויבקעו שלשת הגברים במחנה פלשתים וישאבו מים מבאר בית לחם אשר בשער וישאו ויבאו אל דוד ולא אבה לשתותם ויסך אתם ליהוה יז ויאמר חלילה לי יהוה מעשתי זאת הדם האנשים ההלכים בנפשותם ולא אבה לשתותם אלה עשו שלשת הגברים יח ואבישי אחי יואב בן צרויה הוא ראש השלשי [השלשה] והוא עורר את חניתו על שלש מאות חלל ולו שם בשלשה יט מן השלשה הכי נכבד ויהי להם לשר ועד השלשה לא בא כ ובניהו בן יהוידע בן איש חי [חיל] רב פעלים מקבצאל הוא הכה את שני אראל מואב והוא ירד והכה את האריה [הארי] בתוך הבאר ביום השלג כא והוא הכה את איש מצרי אשר [איש] מראה וביד המצרי חנית וירד אליו בשבט ויגזל את החנית מיד המצרי ויהרגהו בחניתו כב אלה עשה בניהו בן יהוידע ולו שם בשלשה הגברים כג מן השלשים נכבד ואל השלשה לא בא וישמהו דוד אל משמעתו כד עשה אל אחי יואב בשלשים אלחנן בן דדו בית לחם כה שמה החרדי אליקא החרדי כו חלץ הפלטי עירא בן עקש התקועי כז אביעזר הענתתי מבני החשתי כח צלמון האחחי מהרי הנטפתי כט חלב בן בענה הנטפתי אתי בן ריבי מגבעת בני בנימן ל בניהו פרעתני הדי מנחלי געש לא אבי עלבון הערבתי עזמות הברחמי לב אליחבא השעלבני בני ישן יהונתן לג שמה ההררי אחיאם בן שרר האררי לד אליפלט בן אחסבי בן המעכתי אליעם בן אחיתפל הגלני לה חצרו [חצרי] הכרמלי פערי הארבי לו יגאל בן נתן מצבה בני הגדי לז צלק העמני נחרי הבארתי נשאי [נשא] כלי יואב בן צריה לח עירא היתרי גרב היתרי לט אוריה החתי כל שלשים ושבעה
א וְאֵלֶּה דִּבְרֵי דָוִד הָאַחֲרֹנִים נְאֻם דָּוִד בֶּן יִשַׁי וּנְאֻם הַגֶּבֶר הֻקַם עָל מְשִׁיחַ אֱלֹהֵי יַעֲקֹב וּנְעִים זְמִרוֹת יִשְׂרָאֵל. ב רוּחַ יְהוָה דִּבֶּר בִּי וּמִלָּתוֹ עַל לְשׁוֹנִי. ג אָמַר אֱלֹהֵי יִשְׂרָאֵל לִי דִבֶּר צוּר יִשְׂרָאֵל מוֹשֵׁל בָּאָדָם צַדִּיק מוֹשֵׁל יִרְאַת אֱלֹהִים. ד וּכְאוֹר בֹּקֶר יִזְרַח שָׁמֶשׁ בֹּקֶר לֹא עָבוֹת מִנֹּגַהּ מִמָּטָר דֶּשֶׁא מֵאָרֶץ. ה כִּי לֹא כֵן בֵּיתִי עִם אֵל כִּי בְרִית עוֹלָם שָׂם לִי עֲרוּכָה בַכֹּל וּשְׁמֻרָה כִּי כָל יִשְׁעִי וְכָל חֵפֶץ כִּי לֹא יַצְמִיחַ. ו וּבְלִיַּעַל כְּקוֹץ מֻנָד כֻּלָּהַם כִּי לֹא בְיָד יִקָּחוּ. ז וְאִישׁ יִגַּע בָּהֶם יִמָּלֵא בַרְזֶל וְעֵץ חֲנִית וּבָאֵשׁ שָׂרוֹף יִשָּׂרְפוּ בַּשָּׁבֶת.
ח אֵלֶּה שְׁמוֹת הַגִּבֹּרִים אֲשֶׁר לְדָוִד יֹשֵׁב בַּשֶּׁבֶת תַּחְכְּמֹנִי רֹאשׁ הַשָּׁלִשִׁי הוּא עֲדִינוֹ העצנו [הָעֶצְנִי] עַל שְׁמֹנֶה מֵאוֹת חָלָל בְּפַעַם אחד [אֶחָת]. ט ואחרו [וְאַחֲרָיו] אֶלְעָזָר בֶּן דדי [דֹּדוֹ] בֶּן אֲחֹחִי בִּשְׁלֹשָׁה גברים [הַגִּבֹּרִים] עִם דָּוִד בְּחָרְפָם בַּפְּלִשְׁתִּים נֶאֶסְפוּ שָׁם לַמִּלְחָמָה וַיַּעֲלוּ אִישׁ יִשְׂרָאֵל. י הוּא קָם וַיַּךְ בַּפְּלִשְׁתִּים עַד כִּי יָגְעָה יָדוֹ וַתִּדְבַּק יָדוֹ אֶל הַחֶרֶב וַיַּעַשׂ יְהוָה תְּשׁוּעָה גְדוֹלָה בַּיּוֹם הַהוּא וְהָעָם יָשֻׁבוּ אַחֲרָיו אַךְ לְפַשֵּׁט. יא וְאַחֲרָיו שַׁמָּא בֶן אָגֵא הָרָרִי וַיֵּאָסְפוּ פְלִשְׁתִּים לַחַיָּה וַתְּהִי שָׁם חֶלְקַת הַשָּׂדֶה מְלֵאָה עֲדָשִׁים וְהָעָם נָס מִפְּנֵי פְלִשְׁתִּים. יב וַיִּתְיַצֵּב בְּתוֹךְ הַחֶלְקָה וַיַּצִּילֶהָ וַיַּךְ אֶת פְּלִשְׁתִּים וַיַּעַשׂ יְהוָה תְּשׁוּעָה גְדוֹלָה. יג וַיֵּרְדוּ שלשים [שְׁלֹשָׁה] מֵהַשְּׁלֹשִׁים רֹאשׁ וַיָּבֹאוּ אֶל קָצִיר אֶל דָּוִד אֶל מְעָרַת עֲדֻלָּם וְחַיַּת פְּלִשְׁתִּים חֹנָה בְּעֵמֶק רְפָאִים. יד וְדָוִד אָז בַּמְּצוּדָה וּמַצַּב פְּלִשְׁתִּים אָז בֵּית לָחֶם. טו וַיִּתְאַוֶּה דָוִד וַיֹּאמַר מִי יַשְׁקֵנִי מַיִם מִבֹּאר בֵּית לֶחֶם אֲשֶׁר בַּשָּׁעַר. טז וַיִּבְקְעוּ שְׁלֹשֶׁת הַגִּבֹּרִים בְּמַחֲנֵה פְלִשְׁתִּים וַיִּשְׁאֲבוּ מַיִם מִבֹּאר בֵּית לֶחֶם אֲשֶׁר בַּשַּׁעַר וַיִּשְׂאוּ וַיָּבִאוּ אֶל דָּוִד וְלֹא אָבָה לִשְׁתּוֹתָם וַיַּסֵּךְ אֹתָם לַיהוָה. יז וַיֹּאמֶר חָלִילָה לִּי יְהוָה מֵעֲשֹׂתִי זֹאת הֲדַם הָאֲנָשִׁים הַהֹלְכִים בְּנַפְשׁוֹתָם וְלֹא אָבָה לִשְׁתּוֹתָם אֵלֶּה עָשׂוּ שְׁלֹשֶׁת הַגִּבֹּרִים. יח וַאֲבִישַׁי אֲחִי יוֹאָב בֶּן צְרוּיָה הוּא רֹאשׁ השלשי [הַשְּׁלֹשָׁה] וְהוּא עוֹרֵר אֶת חֲנִיתוֹ עַל שְׁלֹשׁ מֵאוֹת חָלָל וְלוֹ שֵׁם בַּשְּׁלֹשָׁה. יט מִן הַשְּׁלֹשָׁה הֲכִי נִכְבָּד וַיְהִי לָהֶם לְשָׂר וְעַד הַשְּׁלֹשָׁה לֹא בָא. כ וּבְנָיָהוּ בֶן יְהוֹיָדָע בֶּן אִישׁ חי [חַיִל] רַב פְּעָלִים מִקַּבְצְאֵל הוּא הִכָּה אֵת שְׁנֵי אֲרִאֵל מוֹאָב וְהוּא יָרַד וְהִכָּה אֶת האריה [הָאֲרִי] בְּתוֹךְ הַבֹּאר בְּיוֹם הַשָּׁלֶג. כא וְהוּא הִכָּה אֶת אִישׁ מִצְרִי אשר [אִישׁ] מַרְאֶה וּבְיַד הַמִּצְרִי חֲנִית וַיֵּרֶד אֵלָיו בַּשָּׁבֶט וַיִּגְזֹל אֶת הַחֲנִית מִיַּד הַמִּצְרִי וַיַּהַרְגֵהוּ בַּחֲנִיתוֹ. כב אֵלֶּה עָשָׂה בְּנָיָהוּ בֶּן יְהוֹיָדָע וְלוֹ שֵׁם בִּשְׁלֹשָׁה הַגִּבֹּרִים. כג מִן הַשְּׁלֹשִׁים נִכְבָּד וְאֶל הַשְּׁלֹשָׁה לֹא בָא וַיְשִׂמֵהוּ דָוִד אֶל מִשְׁמַעְתּוֹ. כד עֲשָׂה אֵל אֲחִי יוֹאָב בַּשְּׁלֹשִׁים אֶלְחָנָן בֶּן דֹּדוֹ בֵּית לָחֶם. כה שַׁמָּה הַחֲרֹדִי אֱלִיקָא הַחֲרֹדִי. כו חֶלֶץ הַפַּלְטִי עִירָא בֶן עִקֵּשׁ הַתְּקוֹעִי. כז אֲבִיעֶזֶר הָעַנְּתֹתִי מְבֻנַּי הַחֻשָׁתִי. כח צַלְמוֹן הָאֲחֹחִי מַהְרַי הַנְּטֹפָתִי. כט חֵלֶב בֶּן בַּעֲנָה הַנְּטֹפָתִי אִתַּי בֶּן רִיבַי מִגִּבְעַת בְּנֵי בִנְיָמִן. ל בְּנָיָהוּ פִּרְעָתֹנִי הִדַּי מִנַּחֲלֵי גָעַשׁ. לא אֲבִי עַלְבוֹן הָעַרְבָתִי עַזְמָוֶת הַבַּרְחֻמִי. לב אֶלְיַחְבָּא הַשַּׁעַלְבֹנִי בְּנֵי יָשֵׁן יְהוֹנָתָן. לג שַׁמָּה הַהֲרָרִי אֲחִיאָם בֶּן שָׁרָר הָארָרִי. לד אֱלִיפֶלֶט בֶּן אֲחַסְבַּי בֶּן הַמַּעֲכָתִי אֱלִיעָם בֶּן אֲחִיתֹפֶל הַגִּלֹנִי. לה חצרו [חֶצְרַי] הַכַּרְמְלִי פַּעֲרַי הָאַרְבִּי. לו יִגְאָל בֶּן נָתָן מִצֹּבָה בָּנִי הַגָּדִי. לז צֶלֶק הָעַמֹּנִי נַחְרַי הַבְּאֵרֹתִי נשאי [נֹשֵׂא] כְּלֵי יוֹאָב בֶּן צְרֻיָה. לח עִירָא הַיִּתְרִי גָּרֵב הַיִּתְרִי. לט אוּרִיָּה הַחִתִּי כֹּל שְׁלֹשִׁים וְשִׁבְעָה.
א וְאֵ֛לֶּה דִּבְרֵ֥י דָוִ֖ד הָאַֽחֲרֹנִ֑ים נְאֻ֧ם דָּוִ֣ד בֶּן־יִשַׁ֗י וּנְאֻ֤ם הַגֶּ֙בֶר֙ הֻ֣קַם עָ֔ל מְשִׁ֙יחַ֙ אֱלֹהֵ֣י יַֽעֲקֹ֔ב וּנְעִ֖ים זְמִר֥וֹת יִשְׂרָאֵֽל׃ ב ר֥וּחַ יְהוָ֖ה דִּבֶּר־בִּ֑י וּמִלָּת֖וֹ עַל־לְשׁוֹנִֽי׃ ג אָמַר֙ אֱלֹהֵ֣י יִשְׂרָאֵ֔ל לִ֥י דִבֶּ֖ר צ֣וּר יִשְׂרָאֵ֑ל מוֹשֵׁל֙ בָּאָדָ֔ם צַדִּ֕יק מוֹשֵׁ֖ל יִרְאַ֥ת אֱלֹהִֽים׃ ד וּכְא֥וֹר בֹּ֖קֶר יִזְרַח־שָׁ֑מֶשׁ בֹּ֚קֶר לֹ֣א עָב֔וֹת מִנֹּ֥גַהּ מִמָּטָ֖ר דֶּ֥שֶׁא מֵאָֽרֶץ׃ ה כִּֽי־לֹא־כֵ֥ן בֵּיתִ֖י עִם־אֵ֑ל כִּי֩ בְרִ֨ית עוֹלָ֜ם שָׂ֣ם לִ֗י עֲרוּכָ֤ה בַכֹּל֙ וּשְׁמֻרָ֔ה כִּֽי־כָל־יִשְׁעִ֥י וְכָל־חֵ֖פֶץ כִּֽי־לֹ֥א יַצְמִֽיחַ׃ ו וּבְלִיַּ֕עַל כְּק֥וֹץ מֻנָ֖ד כֻּלָּ֑הַם כִּֽי־לֹ֥א בְיָ֖ד יִקָּֽחוּ׃ ז וְאִישׁ֙ יִגַּ֣ע בָּהֶ֔ם יִמָּלֵ֥א בַרְזֶ֖ל וְעֵ֣ץ חֲנִ֑ית וּבָאֵ֕שׁ שָׂר֥וֹף יִשָּׂרְפ֖וּ בַּשָּֽׁבֶת׃
ח אֵ֛לֶּה שְׁמ֥וֹת הַגִּבֹּרִ֖ים אֲשֶׁ֣ר לְדָוִ֑ד יֹשֵׁ֨ב בַּשֶּׁ֜בֶת תַּחְכְּמֹנִ֣י׀ רֹ֣אשׁ הַשָּׁלִשִׁ֗י ה֚וּא עֲדִינ֣וֹ העצנו [הָֽעֶצְנִ֔י] עַל־שְׁמֹנֶ֥ה מֵא֛וֹת חָלָ֖ל בְּפַ֥עַם אחד [אֶחָֽת]׃ ט ואחרו [וְאַחֲרָ֛יו] אֶלְעָזָ֥ר בֶּן־דדי [דֹּד֖וֹ] בֶּן־אֲחֹחִ֑י בִּשְׁלֹשָׁ֨ה גברים [הַגִּבֹּרִ֜ים] עִם־דָּוִ֗ד בְּחָֽרְפָ֤ם בַּפְּלִשְׁתִּים נֶאֶסְפוּ־שָׁ֣ם לַמִּלְחָמָ֔ה וַֽיַּעֲל֖וּ אִ֥ישׁ יִשְׂרָאֵֽל׃ י ה֣וּא קָם֩ וַיַּ֨ךְ בַּפְּלִשְׁתִּ֜ים עַ֣ד׀ כִּֽי־יָגְעָ֣ה יָד֗וֹ וַתִּדְבַּ֤ק יָדוֹ֙ אֶל־הַחֶ֔רֶב וַיַּ֧עַשׂ יְהוָ֛ה תְּשׁוּעָ֥ה גְדוֹלָ֖ה בַּיּ֣וֹם הַה֑וּא וְהָעָ֛ם יָשֻׁ֥בוּ אַחֲרָ֖יו אַךְ־לְפַשֵּֽׁט׃ יא וְאַחֲרָ֛יו שַׁמָּ֥א בֶן־אָגֵ֖א הָרָרִ֑י וַיֵּאָסְפ֨וּ פְלִשְׁתִּ֜ים לַחַיָּ֗ה וַתְּהִי־שָׁ֞ם חֶלְקַ֤ת הַשָּׂדֶה֙ מְלֵאָ֣ה עֲדָשִׁ֔ים וְהָעָ֥ם נָ֖ס מִפְּנֵ֥י פְלִשְׁתִּֽים׃ יב וַיִּתְיַצֵּ֤ב בְּתוֹךְ־הַֽחֶלְקָה֙ וַיַּצִּילֶ֔הָ וַיַּ֖ךְ אֶת־פְּלִשְׁתִּ֑ים וַיַּ֥עַשׂ יְהוָ֖ה תְּשׁוּעָ֥ה גְדוֹלָֽה׃ יג וַיֵּרְד֨וּ שלשים [שְׁלֹשָׁ֜ה] מֵהַשְּׁלֹשִׁ֣ים רֹ֗אשׁ וַיָּבֹ֤אוּ אֶל־קָצִיר֙ אֶל־דָּוִ֔ד אֶל־מְעָרַ֖ת עֲדֻלָּ֑ם וְחַיַּ֣ת פְּלִשְׁתִּ֔ים חֹנָ֖ה בְּעֵ֥מֶק רְפָאִֽים׃ יד וְדָוִ֖ד אָ֣ז בַּמְּצוּדָ֑ה וּמַצַּ֣ב פְּלִשְׁתִּ֔ים אָ֖ז בֵּ֥ית לָֽחֶם׃ טו וַיִּתְאַוֶּ֥ה דָוִ֖ד וַיֹּאמַ֑ר מִ֚י יַשְׁקֵ֣נִי מַ֔יִם מִבֹּ֥אר בֵּֽית־לֶ֖חֶם אֲשֶׁ֥ר בַּשָּֽׁעַר׃ טז וַיִּבְקְעוּ֩ שְׁלֹ֨שֶׁת הַגִּבֹּרִ֜ים בְּמַחֲנֵ֣ה פְלִשְׁתִּ֗ים וַיִּֽשְׁאֲבוּ־מַ֙יִם֙ מִבֹּ֤אר בֵּֽית־לֶ֙חֶם֙ אֲשֶׁ֣ר בַּשַּׁ֔עַר וַיִּשְׂא֖וּ וַיָּבִ֣אוּ אֶל־דָּוִ֑ד וְלֹ֤א אָבָה֙ לִשְׁתּוֹתָ֔ם וַיַּסֵּ֥ךְ אֹתָ֖ם לַֽיהוָֽה׃ יז וַיֹּ֡אמֶר חָלִילָה֩ לִּ֨י יְהוָ֜ה מֵעֲשֹׂ֣תִי זֹ֗את הֲדַ֤ם הָֽאֲנָשִׁים֙ הַהֹלְכִ֣ים בְּנַפְשׁוֹתָ֔ם וְלֹ֥א אָבָ֖ה לִשְׁתּוֹתָ֑ם אֵ֣לֶּה עָשׂ֔וּ שְׁלֹ֖שֶׁת הַגִּבֹּרִֽים׃ יח וַאֲבִישַׁ֞י אֲחִ֣י׀ יוֹאָ֣ב בֶּן־צְרוּיָ֗ה ה֚וּא רֹ֣אשׁ השלשי [הַשְּׁלֹשָׁ֔ה] וְהוּא֙ עוֹרֵ֣ר אֶת־חֲנִית֔וֹ עַל־שְׁלֹ֥שׁ מֵא֖וֹת חָלָ֑ל וְלוֹ־שֵׁ֖ם בַּשְּׁלֹשָֽׁה׃ יט מִן־הַשְּׁלֹשָׁה֙ הֲכִ֣י נִכְבָּ֔ד וַיְהִ֥י לָהֶ֖ם לְשָׂ֑ר וְעַד־הַשְּׁלֹשָׁ֖ה לֹא־בָֽא׃ כ וּבְנָיָ֨הוּ בֶן־יְהוֹיָדָ֧ע בֶּן־אִֽישׁ־חי [חַ֛יִל] רַב־פְּעָלִ֖ים מִֽקַּבְצְאֵ֑ל ה֣וּא הִכָּ֗ה אֵ֣ת שְׁנֵ֤י אֲרִאֵל֙ מוֹאָ֔ב וְ֠הוּא יָרַ֞ד וְהִכָּ֧ה אֶֽת־האריה [הָאֲרִ֛י] בְּת֥וֹךְ הַבֹּ֖אר בְּי֥וֹם הַשָּֽׁלֶג׃ כא וְהוּא־הִכָּה֩ אֶת־אִ֨ישׁ מִצְרִ֜י אשר [אִ֣ישׁ] מַרְאֶ֗ה וּבְיַ֤ד הַמִּצְרִי֙ חֲנִ֔ית וַיֵּ֥רֶד אֵלָ֖יו בַּשָּׁ֑בֶט וַיִּגְזֹ֤ל אֶֽת־הַחֲנִית֙ מִיַּ֣ד הַמִּצְרִ֔י וַיַּהַרְגֵ֖הוּ בַּחֲנִיתֽוֹ׃ כב אֵ֣לֶּה עָשָׂ֔ה בְּנָיָ֖הוּ בֶּן־יְהוֹיָדָ֑ע וְלוֹ־שֵׁ֖ם בִּשְׁלֹשָׁ֥ה הַגִּבֹּרִֽים׃ כג מִן־הַשְּׁלֹשִׁ֣ים נִכְבָּ֔ד וְאֶל־הַשְּׁלֹשָׁ֖ה לֹא־בָ֑א וַיְשִׂמֵ֥הוּ דָוִ֖ד אֶל־מִשְׁמַעְתּֽוֹ׃ כד עֲשָׂה־אֵ֥ל אֲחִֽי־יוֹאָ֖ב בַּשְּׁלֹשִׁ֑ים אֶלְחָנָ֥ן בֶּן־דֹּד֖וֹ בֵּ֥ית לָֽחֶם׃ כה שַׁמָּה֙ הַֽחֲרֹדִ֔י אֱלִיקָ֖א הַחֲרֹדִֽי׃ כו חֶ֚לֶץ הַפַּלְטִ֔י עִירָ֥א בֶן־עִקֵּ֖שׁ הַתְּקוֹעִֽי׃ כז אֲבִיעֶ֙זֶר֙ הָֽעַנְּתֹתִ֔י מְבֻנַּ֖י הַחֻשָׁתִֽי׃ כח צַלְמוֹן֙ הָֽאֲחֹחִ֔י מַהְרַ֖י הַנְּטֹפָתִֽי׃ כט חֵ֥לֶב בֶּֽן־בַּעֲנָ֖ה הַנְּטֹפָתִ֑י אִתַּי֙ בֶּן־רִיבַ֔י מִגִּבְעַ֖ת בְּנֵ֥י בִנְיָמִֽן׃ ל בְּנָיָ֙הוּ֙ פִּרְעָ֣תֹנִ֔י הִדַּ֖י מִנַּ֥חֲלֵי גָֽעַשׁ׃ לא אֲבִֽי־עַלְבוֹן֙ הָֽעַרְבָתִ֔י עַזְמָ֖וֶת הַבַּרְחֻמִֽי׃ לב אֶלְיַחְבָּא֙ הַשַּׁ֣עַלְבֹנִ֔י בְּנֵ֥י יָשֵׁ֖ן יְהוֹנָתָֽן׃ לג שַׁמָּה֙ הַֽהֲרָרִ֔י אֲחִיאָ֥ם בֶּן־שָׁרָ֖ר הָארָרִֽי׃ לד אֱלִיפֶ֥לֶט בֶּן־אֲחַסְבַּ֖י בֶּן־הַמַּֽעֲכָתִ֑י אֱלִיעָ֥ם בֶּן־אֲחִיתֹ֖פֶל הַגִּלֹנִֽי׃ לה חצרו [חֶצְרַי֙] הַֽכַּרְמְלִ֔י פַּעֲרַ֖י הָאַרְבִּֽי׃ לו יִגְאָ֤ל בֶּן־נָתָן֙ מִצֹּבָ֔ה בָּנִ֖י הַגָּדִֽי׃ לז צֶ֖לֶק הָעַמֹּנִ֑י נַחְרַי֙ הַבְּאֵ֣רֹתִ֔י נשאי [נֹשֵׂ֕א] כְּלֵ֖י יוֹאָ֥ב בֶּן־צְרֻיָֽה׃ לח עִירָא֙ הַיִּתְרִ֔י גָּרֵ֖ב הַיִּתְרִֽי׃ לט אֽוּרִיָּה֙ הַֽחִתִּ֔י כֹּ֖ל שְׁלֹשִׁ֥ים וְשִׁבְעָֽה׃
תוכן עניינים |
דברי דוד האחרונים
- א וְאֵלֶּה דִּבְרֵי דָוִד הָאַחֲרֹנִים:
- נְאֻם דָּוִד בֶּן יִשַׁי,
- וּנְאֻם הַגֶּבֶר הֻקַם עָלאשר מונה להיות מְשִׁיחַ אֱלֹהֵי יַעֲקֹב וּנְעִים זְמִרוֹת יִשְׂרָאֵל.
-
- ב רוּחַ יְהוָה דִּבֶּר בִּי, וּמִלָּתוֹ - עַל לְשׁוֹנִי.
- ג אָמַר אֱלֹהֵי יִשְׂרָאֵל לִי, דִבֶּרדיבר אלי צוּר יִשְׂרָאֵל, מוֹשֵׁל בָּאָדָםבבני האדם, בבני ישראל צַדִּיקאדם צדיק, מוֹשֵׁל יִרְאַת אֱלֹהִיםאדם ירא ה':
- ד וּכְאוֹרממשלתו של המושל ירא ה' תהיה כאור בֹּקֶר יִזְרַח שָׁמֶשׁ, בֹּקֶר לֹא עָבוֹתמעונן... מִנֹּגַהּ מִמָּטָרמהחושך שיוצר הגשם דֶּשֶׁאהיורד על צמחיית מֵאָרֶץ...
- ה כִּי לֹא כֵןלא כך היא (כמו בוקר מעונן) בֵּיתִי עִם אֵלשאני גר בו עם ה'!
- כִּי בְרִית עוֹלָם שָׂםה' הכין לִי, - עֲרוּכָה בַכֹּל וּשְׁמֻרָה.
- כִּי כָלוהברית היא שאתה כל - יִשְׁעִימקור הישועה שלי, וְכָל חֵפֶץוכל החפץ לקחת ממני את המלכות, בטוח אני - כִּי לֹא יַצְמִיחַיצליח להגיע לגדולה.
- ו וּבְלִיַּעַלובני הבליעל יהיו כְּקוֹץ מֻנָדשנעקר ומועף על ידי הרוח כֻּלָּהַםכולם (כל בני הבליעל), כִּי לֹא בְיָד יִקָּחוּשלא אוחזים בהם (בקוצים) ביד חשופה (אלא בכלי ברזל, כמו שמפורט בפסוק הבא).
- ז וְאִישׁ יִגַּעאם ירצה לגעת בָּהֶם יִמָּלֵאיאחז בידו ב בַרְזֶל וְעֵץ חֲנִית, וּבָאֵשׁ שָׂרוֹף יִשָּׂרְפוּ בַּשָּׁבֶתוישבו להתחמם לידה.
{פ}
גיבורי דוד
עדינו העצני
- ח אֵלֶּה שְׁמוֹת הַגִּבֹּרִים אֲשֶׁר לְדָוִד:
- יֹשֵׁב בַּשֶּׁבֶת תַּחְכְּמֹנִישל של אחד מהלוחמים רֹאשׁ הַשָּׁלִשִׁילשלישים, למפקדים - הוּא עֲדִינוֹ (העצנו) הָעֶצְנִישם נוסף של "יושב בשבת תחכמוני"
- עַל שְׁמֹנֶה מֵאוֹת חָלָלהוא הרג 800 חיילים בְּפַעַם (אחד) אֶחָת.
{ס}
אלעזר בן (דדו) אחוח
-
- ט (ואחרו) וְאַחֲרָיושני לו בדרגות הפיקוד: אֶלְעָזָר בֶּן (דדי) דֹּדוֹ בֶּן אֲחֹחִיממשפחה בשם "אחוח",
- - בִּשְׁלֹשָׁההוא היה עם השלושה (עדינו אלעזר ושמה) (גברים) הַגִּבֹּרִים עִם דָּוִד, בְּחָרְפָםבחרפם את נפשם למות (כאשר נלחמו באומץ למרות סכנת מות) בַּפְּלִשְׁתִּים נֶאֶסְפוּ שָׁם לַמִּלְחָמָה, וַיַּעֲלוּהלכו (ברחו) משדה הקרב, כל אִישׁ יִשְׂרָאֵל.
- י הוּאולמרות שכל ישראל ברחו, הוא קָם - וַיַּךְ בַּפְּלִשְׁתִּים! עַד כִּי יָגְעָההתעייפה יָדוֹ, וַתִּדְבַּקעל ידי דם ההרוגים יָדוֹ אֶל הַחֶרֶב.
- וַיַּעַשׂ יְהוָה תְּשׁוּעָה גְדוֹלָה בַּיּוֹם הַהוּא, וְהָעָם יָשֻׁבוּ אַחֲרָיו אַךְ לְפַשֵּׁטרק כדי להפשיט את ההרוגים מדברי הערך שעליהם (לא נשאר להם צורך להלחם כי אלעזר כבר הרג את כולם).
{ס}
שמא בן אגא הררי
-
- יא וְאַחֲרָיומתחת לאלעזר (בדרגות הפיקוד): שַׁמָּא בֶן אָגֵא הָרָרִי:
- - וַיֵּאָסְפוּ פְלִשְׁתִּים לַחַיָּהלתקוף (כמו חיות)
- וַתְּהִי שָׁם חֶלְקַת הַשָּׂדֶה מְלֵאָה עֲדָשִׁיםגדיש של עדשים (והפלישתים באו לבזוז אותם) וְהָעָם נָס מִפְּנֵי פְלִשְׁתִּים.
- יב וַיִּתְיַצֵּב בְּתוֹךְ הַחֶלְקָה וַיַּצִּילֶהָ,
- וַיַּךְ אֶת פְּלִשְׁתִּים - וַיַּעַשׂ יְהוָה תְּשׁוּעָה גְדוֹלָה.
{ס}
מים לדוד - שלש הגיבורים
- יג וַיֵּרְדוּ (שלשים) שְׁלֹשָׁה מֵהַשְּׁלֹשִׁים רֹאשׁאשר עמדו בראש ה"שלושים" המוזכרים להלן, וַיָּבֹאוּ אֶל קָצִירבעת הקציר (כאשר פלישתים נהגו לבזוז את הגרנות) אֶל דָּוִד אֶל מְעָרַת עֲדֻלָּם,
- וְחַיַּת פְּלִשְׁתִּים - חֹנָה בְּעֵמֶק רְפָאִים.
- יד וְדָוִד - אָז בַּמְּצוּדָהבמצודה שליד מערת עדולם,
- וּמַצַּבמחנה פְּלִשְׁתִּים אָזישב אז באיזור - בֵּית לָחֶם.
- טו וַיִּתְאַוֶּה דָוִד וַיֹּאמַר:
- מִי יַשְׁקֵנִי מַיִם מִבֹּאר בֵּית לֶחֶם, אֲשֶׁר בַּשָּׁעַרשנמצא ליד שער העיר?
- טז וַיִּבְקְעוּפרצו דרך שְׁלֹשֶׁת הַגִּבֹּרִים בְּמַחֲנֵה פְלִשְׁתִּים
- וַיִּשְׁאֲבוּ מַיִם מִבֹּאר בֵּית לֶחֶם אֲשֶׁר בַּשַּׁעַר,
- וַיִּשְׂאוּ וַיָּבִאוּ אֶל דָּוִד.
- - וְלֹא אָבָה לִשְׁתּוֹתָם, וַיַּסֵּךְניסך על מזבח לה' אֹתָם לַיהוָה.
- יז וַיֹּאמֶר:
- חָלִילָה לִּי יְהוָה מֵעֲשֹׂתִי זֹאת!
- הֲדַם הָאֲנָשִׁים הַהֹלְכִים בְּנַפְשׁוֹתָםהאם אשתה את דם המתים (ואת דם הגיבורים, שהרי סיכנו את נפשם)?!
- וְלֹא אָבָה לִשְׁתּוֹתָם...
- אֵלֶּה עָשׂוּ שְׁלֹשֶׁת הַגִּבֹּרִים.
{ס}
אבישי בן צרויה (ראש השלשה)
-
- יח וַאֲבִישַׁי אֲחִי יוֹאָב בֶּן צְרוּיָה הוּא רֹאשׁ (השלשי) הַשְּׁלֹשָׁה,
וְהוּא עוֹרֵרהניף במהירות אֶת חֲנִיתוֹ עַל שְׁלֹשׁ מֵאוֹת חָלָל,
-
- וְלוֹ שֵׁםוהוא מפורסם בַּשְּׁלֹשָׁהביל שלושת הגיבורים שהביאו את המים לדוד לעיל.
- יט מִן הַשְּׁלֹשָׁה הֲכִיהוא הכי, ויש מפרשים: אף על פי שאינו נכבד נִכְבָּד וַיְהִי לָהֶם לְשָׂר, וְעַד הַשְּׁלֹשָׁהאבל לגבורת שלושת הגיבורים (עדינו, אלעזר ושמה) לֹא בָא.
{ס}
בניהו בן יהוידע
-
- כ וּבְנָיָהוּ בֶן יְהוֹיָדָע בֶּן אִישׁ (חי) חַיִל, רַב פְּעָלִים, מִקַּבְצְאֵל:
- הוּא הִכָּה אֵת שְׁנֵי אֲרִאֵלשרי מוֹאָב,
- וְהוּא יָרַד - וְהִכָּה אֶת (האריה) הָאֲרִי בְּתוֹךְ הַבֹּארשנפל לתוך בור, מלכודת בְּיוֹם הַשָּׁלֶגביום המפורסם בו ירד שלג.
- כא וְהוּא הִכָּה אֶת אִישׁ מִצְרִי, (אשר) אִישׁ מַרְאֶהמרשים במראהו החיצוני. - וּבְיַד הַמִּצְרִי חֲנִית,
- וַיֵּרֶד אֵלָיו בַּשָּׁבֶטעם מקל רועים, וַיִּגְזֹל אֶת הַחֲנִית מִיַּד הַמִּצְרִי וַיַּהַרְגֵהוּ בַּחֲנִיתוֹ.
- כב - אֵלֶּה עָשָׂה בְּנָיָהוּ בֶּן יְהוֹיָדָע, וְלוֹ שֵׁם בִּשְׁלֹשָׁה הַגִּבֹּרִיםבין שלושת הגיבורים שהביאו מים.
- כג מִן הַשְּׁלֹשִׁיםשמפורטים מפסוק הבא ואילך נִכְבָּד, וְאֶל הַשְּׁלֹשָׁהגבורת השלושה (עדינו, אלעזר ושמה) לֹא בָא.
- וַיְשִׂמֵהוּ דָוִד אֶל מִשְׁמַעְתּוֹתחת פיקודו, במשמר המלך.
{ס}
שאר שלשים הגבורים
- כד עֲשָׂה אֵל אֲחִי יוֹאָב בַּשְּׁלֹשִׁיםאחראי על השלושים שלקמן,
- אֶלְחָנָן בֶּן דֹּדוֹ בֵּית לָחֶם.
- כה שַׁמָּה הַחֲרֹדִי
- אֱלִיקָא הַחֲרֹדִי.{ס}
- כו חֶלֶץ הַפַּלְטִי
- עִירָא בֶן עִקֵּשׁ הַתְּקוֹעִי. {ס}
- כז אֲבִיעֶזֶר הָעַנְּתֹתִי
- מְבֻנַּי הַחֻשָׁתִי. {ס}
- כח צַלְמוֹן הָאֲחֹחִי
- מַהְרַי הַנְּטֹפָתִי. {ס}
- כט חֵלֶב בֶּן בַּעֲנָה הַנְּטֹפָתִי, {ס}
- אִתַּי בֶּן רִיבַי מִגִּבְעַת בְּנֵי בִנְיָמִן. {ס}
- ל בְּנָיָהוּ פִּרְעָתֹנִי
- הִדַּי מִנַּחֲלֵי גָעַשׁ. {ס}
- לא אֲבִי עַלְבוֹן הָעַרְבָתִי
- עַזְמָוֶת הַבַּרְחֻמִי. {ס}
- לב אֶלְיַחְבָּא הַשַּׁעַלְבֹנִי - בְּנֵילא ברור מי בנוסף לאליחבא הם בני ישן-יהונתן יָשֵׁן יְהוֹנָתָן. {ס}
- לג שַׁמָּה הַהֲרָרִי
- אֲחִיאָם בֶּן שָׁרָר הָארָרִי. {ס}
- לד אֱלִיפֶלֶט בֶּן אֲחַסְבַּי בֶּן הַמַּעֲכָתִי,{ס}
- אֱלִיעָם בֶּן אֲחִיתֹפֶל הַגִּלֹנִי. {ס}
- לה (חצרו) חֶצְרַי הַכַּרְמְלִי
- פַּעֲרַי הָאַרְבִּי. {ס}
- לו יִגְאָל בֶּן נָתָן מִצֹּבָה {ס}
- בָּנִי הַגָּדִי. {ס}
- לז צֶלֶק הָעַמֹּנִי, {ס}
- נַחְרַי הַבְּאֵרֹתִי (נשאי) - נֹשֵׂא כְּלֵי יוֹאָב בֶּן צְרֻיָה. {ס}
- לח עִירָא הַיִּתְרִי
- גָּרֵב הַיִּתְרִי.{ס}
- לט אוּרִיָּה הַחִתִּי
- כֹּלכל המפורטים לעיל - שְׁלֹשִׁים וְשִׁבְעָהה"שלושים" ועוד 6 גיבורים ודוד.
{פ}
