1 וַיְהִי בִּימֵי אַנְטְיוּכַס מֶֽלֶךְ יָוָן מֶֽלֶךְ גָּדוֹל וְחָזָק הָיָה וְתַקִּיף בְּמֶמְשַׁלְתּוֹ וְכָל־הַמְּלָכִים יִשְׁמְעוּ לוֹ׃
2 וְהוּא כָבַשׁ מְדִינוֹת רַבּוֹת וּמְלָכִים חֲזָקִים וְהֶחֱרִיב טִירוֹתָם וְהֵיכְלֵיהֶם שָׂרַף בָּאֵשׁ וְאַנְשֵׁיהֶם בְּבֵית הָאֲסוּרִים אָסָר׃
3 מִימֵי אַלֵכְּסַנְדְּרוֹס הַמֶּֽלֶךְ לֹא קָם מֶֽלֶך כָּמֹֽהוּ בְּכָל־עֵֽבֶר הַנָּהָר׃
4 וְהוּא בָנָה מְדִינָה גְדוֹלָה עַל־חוֹף הַיָּם לִהְיוֹת לוֹ לְבֵית מַלְכוּת וַיִקְרָא־לָהּ מְדִינַת אַנְטִיּוֹכְיָא עַל־שְׁמוֹ׃
5 וְגַם בַּגְרִיס מִשְׁנֵֽהוּ בָּנָה מְדִינָה אַחֶרֶת לְנֶגְדָּהּ וַיִּקְרָא־לָהּ בַּגְרִיס עַל־שְׁמוֹ וְכֵן שְׁמוֹתָן עַד הַיּוֹם הַזֶּה׃ ס
6 בִּשְׁנַת עֶשְׂרִים וְשָׁלוֹשׁ שָׁנִים לְמָלְכוֹ הִיא שְנַת מָאתַֽיִם וּשְׁלוֹשׁ עֶשְׂרֵה שָׁנִים לְבִנְיַן בֵּית הָאֱלֹהִים שָׂם פָּנָיו לַעֲלוֹת לִירוּשָׁלָֽיִם׃
7 וַיַּעַן וַיֹּאמֶר לְשָׂרָיו הֲלֹא יְדַעְתֶּם כִּי יֵשׁ עַם הַיְּהוּדיִם אֲשֶׁר בִירוּשָׁלָֽיִם בֵּינֵֽינוּ:
8 לֵאלֹהֵֽינוּ אֵינָם מַקְרִיבִים וְדָתֵֽינוּ אֵינָם עוֹשִׂים וְדָתֵי הַמֶּֽלֶךְ עוֹזְבִים, לַעֲשׂוֹת דָּתָם׃
9 וְגַם הֵם מְיַחֲלִים לְיוֹם שִׁבְרוֹן הַמְּלָכִים וְהַשִּׁלְטוֹנִים וְאוֹמְרִים מָתַי יִמְלֹךְ עָלֵֽינוּ מַלְכֵּֽנוּ וְנִשְׁלוֹט בַּיָּם וּבַיַּבָּשָׁה וְכָל־הָעוֹלָם יִנָּתֵן בְּיָדֵֽנוּ׃
אֵין כָּבוֹד לְמַלְכוּת לְהַנִּיחַ אֵלֶּה עַל ֿפְּנֵי הָאֲדָמָה׃ עַתָּה בֽוֹאוּ וְנַעֲלֶה עֲלֵיהֶם וּנְבַטֵּל מָהֵם אֶת הַבְּרִית אֲשֶׁר כֹּרַת לָהֶם שַׁבָּת רֹאשׁ חֽׂדֶשׁ וּמִילָה׃ וְיִיטַב הַדָּבָר בְּעֵינִי שָׂרָיו וּבְעֵינִי כָל חֵילוֹ׃ בְּאוֹתָהּ שָׁעָה קָם אַנְטְיוּכַס הַמֶּֽלֶךְ וְיִשְׁלַח אֵת נִיקָנוֹר מִשְׁנֵהוּ בְּחַיִל גָדוֹל וְעַם רָב וַיָבֹא לְעִיר יְהוּדָה לִירוּשָׁלַיִם׃ וְיַהֲרוֹג בָּהּ הֶרֶג רַב וַיִּבֶן בָּמָּה בְּבֵית הַמְּקַדֵּשׁ בִּמְקוֹם אֲשֶׁר אָמַר אֱלֹהֵי יִשְׂרָאֵל לַעֲבָדָיו הַנְּבִיאִים שָׂם אֲשַׁכֵּן שְׁכִינָתִי לְעוֹלָם בְּמָּקוֹם הַהוּא שָׁחֲטוּ אֶת הַחֲזִיר וְיָבִיאוּ אֶת דָּמּוֹ לַעֲזָרַת הַקֹּדֶשׁ׃ וּבִהְיוֹת זֶה כַּאֲשֶׁר שָׁמַע יוֹחָנָן בֵּן מַתִּתְיָה כֹּהֵן גָּדוֹל כִּי זֶה הַמַּעֲשֶׂה נַעֲשֶׂה נִמְלָא קֶצֶף וְחֵמָה וְזִיו פָּנָיו נִשְׁתַּנֶּה וַיִּוָּעַץ בְּלִבּוֹ מָה שֶׁיּוּכַל לַעֲשׂוֹת עַל זֶה׃ וְאָז יוֹחָנָן בֵּן מַתִּתְיָה עָשָׂה לוֹ חֶרֶב שְׁתֵּי זְרָתוֹת אָרְכָּהּ וְזֶרֶת אַחַת רָחְבָּהּ תַּחַת בְּגָדָיו עֲטוּפָה׃ וְיָבוֹא לִירוּשָׁלַיִם וַיַּעֲמֹד בְּשַׁעַר הַמֶּֽלֶךְ וְיִקְרָא לְשׁוֹעֲרִים וַיֹּאמֶר לָהֶם