תהלים קמג

קיצור דרך: t26e3

תנ"ך > תהלים > א • ב • ג • ד • ה • ו • ז • ח • ט • י • יא • יב • יג • יד • טו • טז • יז • יח • יט • כ • כא • כב • כג • כד • כה • כו • כז • כח • כט • ל • לא • לב • לג • לד • לה • לו • לז • לח • לט • מ • מא • מב • מג • מד • מה • מו • מז • מח • מט • נ • נא • נב • נג • נד • נה • נו • נז • נח • נט • ס • סא • סב • סג • סד • סה • סו • סז • סח • סט • ע • עא • עב • עג • עד • עה • עו • עז • עח • עט • פ • פא • פב • פג • פד • פה • פו • פז • פח • פט • צ • צא • צב • צג • צד • צה • צו • צז • צח • צט • ק • קא • קב • קג • קד • קה • קו • קז • קח • קט • קי • קיא • קיב • קיג • קיד • קטו • קטז • קיז • קיח • קיט • קכ • קכא • קכב • קכג • קכד • קכה • קכו • קכז • קכח • קכט • קל • קלא • קלב • קלג • קלד • קלה • קלו • קלז • קלח • קלט • קמ • קמא • קמב • קמג • קמד • קמה • קמו • קמז • קמח • קמט • קנ

<< | ספר תהלים • פרק קמ"ג | >>

הפרק במהדורה המוטעמת

קמג א מִזְמ֗וֹר לְדָ֫וִ֥ד
יְהֹוָ֤ה ׀ שְׁמַ֬ע תְּפִלָּתִ֗י
  הַאֲזִ֥ינָה אֶל־תַּחֲנוּנַ֑י
    בֶּאֱמֻנָתְךָ֥ עֲ֝נֵ֗נִי בְּצִדְקָתֶֽךָ׃
ב וְאַל־תָּב֣וֹא בְ֭מִשְׁפָּט אֶת־עַבְדֶּ֑ךָ
  כִּ֤י לֹֽא־יִצְדַּ֖ק לְפָנֶ֣יךָ כׇל־חָֽי׃
ג כִּ֥י רָ֘דַ֤ף אוֹיֵ֨ב ׀ נַפְשִׁ֗י
  דִּכָּ֣א לָ֭אָרֶץ חַיָּתִ֑י
    הוֹשִׁבַ֥נִי בְ֝מַחֲשַׁכִּ֗ים כְּמֵתֵ֥י עוֹלָֽם׃
ד וַתִּתְעַטֵּ֣ף עָלַ֣י רוּחִ֑י
  בְּ֝תוֹכִ֗י יִשְׁתּוֹמֵ֥ם לִבִּֽי׃
ה זָ֘כַ֤רְתִּי יָמִ֨ים ׀ מִקֶּ֗דֶם
  הָגִ֥יתִי בְכׇל־פׇּעֳלֶ֑ךָ
    בְּֽמַעֲשֵׂ֖ה יָדֶ֣יךָ אֲשׂוֹחֵֽחַ׃
ו פֵּרַ֣שְׂתִּי יָדַ֣י אֵלֶ֑יךָ
  נַפְשִׁ֓י ׀ כְּאֶרֶץ־עֲיֵפָ֖ה לְךָ֣ סֶֽלָה׃
ז מַ֘הֵ֤ר עֲנֵ֨נִי ׀ יְהֹוָה֮ כָּלְתָ֢ה ר֫וּחִ֥י
  אַל־תַּסְתֵּ֣ר פָּנֶ֣יךָ מִמֶּ֑נִּי
    וְ֝נִמְשַׁ֗לְתִּי עִם־יֹ֥רְדֵי בֽוֹר׃
ח הַשְׁמִ֘יעֵ֤נִי בַבֹּ֨קֶר ׀ חַסְדֶּךָ֮ כִּֽי־בְךָ֢ בָ֫טָ֥חְתִּי
  הוֹדִיעֵ֗נִי דֶּרֶךְ־ז֥וּ אֵלֵ֑ךְ
    כִּי־אֵ֝לֶ֗יךָ נָשָׂ֥אתִי נַפְשִֽׁי׃
ט הַצִּילֵ֖נִי מֵאֹיְבַ֥י ׀ יְהֹוָ֗ה
  אֵלֶ֥יךָ כִסִּֽתִי׃
י לַמְּדֵ֤נִי ׀ לַ֥עֲשׂ֣וֹת רְצוֹנֶךָ֮ כִּֽי־אַתָּ֢ה אֱל֫וֹהָ֥י
  רוּחֲךָ֥ טוֹבָ֑ה
  תַּ֝נְחֵ֗נִי בְּאֶ֣רֶץ מִישֽׁוֹר׃
יא לְמַעַן־שִׁמְךָ֣ יְהֹוָ֣ה תְּחַיֵּ֑נִי
  בְּצִדְקָתְךָ֓ ׀ תּוֹצִ֖יא מִצָּרָ֣ה נַפְשִֽׁי׃
יב וּֽבְחַסְדְּךָ֮ תַּצְמִ֢ית אֹ֫יְבָ֥י
  וְֽ֭הַאֲבַדְתָּ כׇּל־צֹרְﬞרֵ֣י נַפְשִׁ֑י
    כִּ֗֝י אֲנִ֣י עַבְדֶּֽךָ׃

מהדורות נוספות

לחץ למטה על [הראה] להצגת התוכן    ↓   

כתיב (אותיות בלבד)

א מזמור לדוד יהוה שמע תפלתי האזינה אל תחנוני באמנתך ענני בצדקתך ב ואל תבוא במשפט את עבדך כי לא יצדק לפניך כל חי ג כי רדף אויב נפשי דכא לארץ חיתי הושיבני במחשכים כמתי עולם ד ותתעטף עלי רוחי בתוכי ישתומם לבי ה זכרתי ימים מקדם הגיתי בכל פעלך במעשה ידיך אשוחח ו פרשתי ידי אליך נפשי כארץ עיפה לך סלה ז מהר ענני יהוה כלתה רוחי אל תסתר פניך ממני ונמשלתי עם ירדי בור ח השמיעני בבקר חסדך כי בך בטחתי הודיעני דרך זו אלך כי אליך נשאתי נפשי ט הצילני מאיבי יהוה אליך כסתי י למדני לעשות רצונך כי אתה אלוהי רוחך טובה תנחני בארץ מישור יא למען שמך יהוה תחיני בצדקתך תוציא מצרה נפשי יב ובחסדך תצמית איבי והאבדת כל צררי נפשי כי אני עבדך

מנוקד

א מִזְמוֹר לְדָוִד יְהוָה שְׁמַע תְּפִלָּתִי הַאֲזִינָה אֶל תַּחֲנוּנַי בֶּאֱמֻנָתְךָ עֲנֵנִי בְּצִדְקָתֶךָ. ב וְאַל תָּבוֹא בְמִשְׁפָּט אֶת עַבְדֶּךָ כִּי לֹא יִצְדַּק לְפָנֶיךָ כָל חָי. ג כִּי רָדַף אוֹיֵב נַפְשִׁי דִּכָּא לָאָרֶץ חַיָּתִי הוֹשִׁיבַנִי בְמַחֲשַׁכִּים כְּמֵתֵי עוֹלָם. ד וַתִּתְעַטֵּף עָלַי רוּחִי בְּתוֹכִי יִשְׁתּוֹמֵם לִבִּי. ה זָכַרְתִּי יָמִים מִקֶּדֶם הָגִיתִי בְכָל פָּעֳלֶךָ בְּמַעֲשֵׂה יָדֶיךָ אֲשׂוֹחֵחַ. ו פֵּרַשְׂתִּי יָדַי אֵלֶיךָ נַפְשִׁי כְּאֶרֶץ עֲיֵפָה לְךָ סֶלָה. ז מַהֵר עֲנֵנִי יְהוָה כָּלְתָה רוּחִי אַל תַּסְתֵּר פָּנֶיךָ מִמֶּנִּי וְנִמְשַׁלְתִּי עִם יֹרְדֵי בוֹר. ח הַשְׁמִיעֵנִי בַבֹּקֶר חַסְדֶּךָ כִּי בְךָ בָטָחְתִּי הוֹדִיעֵנִי דֶּרֶךְ זוּ אֵלֵךְ כִּי אֵלֶיךָ נָשָׂאתִי נַפְשִׁי. ט הַצִּילֵנִי מֵאֹיְבַי יְהוָה אֵלֶיךָ כִסִּתִי. י לַמְּדֵנִי לַעֲשׂוֹת רְצוֹנֶךָ כִּי אַתָּה אֱלוֹהָי רוּחֲךָ טוֹבָה תַּנְחֵנִי בְּאֶרֶץ מִישׁוֹר. יא לְמַעַן שִׁמְךָ יְהוָה תְּחַיֵּנִי בְּצִדְקָתְךָ תוֹצִיא מִצָּרָה נַפְשִׁי. יב וּבְחַסְדְּךָ תַּצְמִית אֹיְבָי וְהַאֲבַדְתָּ כָּל צֹרֲרֵי נַפְשִׁי כִּי אֲנִי עַבְדֶּךָ.

מנוקד ובשורות

(א) מִזְמוֹר לְדָוִד יְהוָה שְׁמַע תְּפִלָּתִי הַאֲזִינָה אֶל תַּחֲנוּנַי בֶּאֱמֻנָתְךָ עֲנֵנִי בְּצִדְקָתֶךָ.

(ב) וְאַל תָּבוֹא בְמִשְׁפָּט אֶת עַבְדֶּךָ כִּי לֹא יִצְדַּק לְפָנֶיךָ כָל חָי.

(ג) כִּי רָדַף אוֹיֵב נַפְשִׁי דִּכָּא לָאָרֶץ חַיָּתִי הוֹשִׁיבַנִי בְמַחֲשַׁכִּים כְּמֵתֵי עוֹלָם.

(ד) וַתִּתְעַטֵּף עָלַי רוּחִי בְּתוֹכִי יִשְׁתּוֹמֵם לִבִּי.

(ה) זָכַרְתִּי יָמִים מִקֶּדֶם הָגִיתִי בְכָל פָּעֳלֶךָ בְּמַעֲשֵׂה יָדֶיךָ אֲשׂוֹחֵחַ.

(ו) פֵּרַשְׂתִּי יָדַי אֵלֶיךָ נַפְשִׁי כְּאֶרֶץ עֲיֵפָה לְךָ סֶלָה.

(ז) מַהֵר עֲנֵנִי יְהוָה כָּלְתָה רוּחִי אַל תַּסְתֵּר פָּנֶיךָ מִמֶּנִּי וְנִמְשַׁלְתִּי עִם יֹרְדֵי בוֹר.

(ח) הַשְׁמִיעֵנִי בַבֹּקֶר חַסְדֶּךָ כִּי בְךָ בָטָחְתִּי הוֹדִיעֵנִי דֶּרֶךְ זוּ אֵלֵךְ כִּי אֵלֶיךָ נָשָׂאתִי נַפְשִׁי.

(ט) הַצִּילֵנִי מֵאֹיְבַי יְהוָה אֵלֶיךָ כִסִּתִי.

(י) לַמְּדֵנִי לַעֲשׂוֹת רְצוֹנֶךָ כִּי אַתָּה אֱלוֹהָי רוּחֲךָ טוֹבָה תַּנְחֵנִי בְּאֶרֶץ מִישׁוֹר.

(יא) לְמַעַן שִׁמְךָ יְהוָה תְּחַיֵּנִי בְּצִדְקָתְךָ תוֹצִיא מִצָּרָה נַפְשִׁי.

(יב) וּבְחַסְדְּךָ תַּצְמִית אֹיְבָי וְהַאֲבַדְתָּ כָּל צֹרֲרֵי נַפְשִׁי כִּי אֲנִי עַבְדֶּךָ.

עם ביאור

קישור לפרק זה במהדורה המבוארת

א מִזְמוֹר לְדָוִד:

תחילת המזמור עם איור של דוד המלך מתפלל להצלה, מתוך ספר השעות המפורסם ביותר הנקרא "השעות העשירות מאוד של דוכס ברי"

יְהוָה, שְׁמַע תְּפִלָּתִי, הַאֲזִינָה אֶל תַּחֲנוּנַי, בֶּאֱמֻנָתְךָ בנאמנותך אלי עֲנֵנִי בְּצִדְקָתֶךָ על פי מדת הצדק שלך.

ב וְאַל תָּבוֹא בְמִשְׁפָּט תדון אֶת עַבְדֶּךָ, כִּי לֹא יִצְדַּק לְפָנֶיךָ כָל חָי בכל אחד תמצא עוון.

ג כִּי רָדַף אוֹיֵב נַפְשִׁי, דִּכָּא לחץ ושבר לָאָרֶץ חַיָּתִי את כח החיים שלי, את נשמתי, הוֹשִׁיבַנִי בְמַחֲשַׁכִּים כְּמֵתֵי עוֹלָם כמו בעולם המתים.

ד וַתִּתְעַטֵּף התעלפה עָלַי רוּחִי, בְּתוֹכִי יִשְׁתּוֹמֵם יתמה על מצבי הרע לִבִּי.

ה זָכַרְתִּי יָמִים מִקֶּדֶם מהעבר, בהם עזרת לנו, הָגִיתִי בְכָל פָּעֳלֶךָ, בְּמַעֲשֵׂה יָדֶיךָ על מעשי ידך בעבר אֲשׂוֹחֵחַ.

ו פֵּרַשְׂתִּי יָדַי אֵלֶיךָ, נַפְשִׁי נפשי חפצה בך כְּאֶרֶץ עֲיֵפָה לְךָ כמו ארץ יבשה הצמאה למים שתתן לה, סֶלָה.

ז מַהֵר עֲנֵנִי יְהוָה, כָּלְתָה רוּחִי, אַל תַּסְתֵּר פָּנֶיךָ מִמֶּנִּי וְנִמְשַׁלְתִּי כי אם תסתיר, אהיה נחשב כמו עִם יֹרְדֵי בוֹר לשאול, למוות.

ח הַשְׁמִיעֵנִי בַבֹּקֶר כבר מחר בבוקר חַסְדֶּךָ את מעשי החסד שלך כִּי בְךָ בָטָחְתִּי, הוֹדִיעֵנִי דֶּרֶךְ זוּ את הדרך בה אֵלֵךְ, כִּי אֵלֶיךָ נָשָׂאתִי נַפְשִׁי.

ט הַצִּילֵנִי מֵאֹיְבַי יְהוָה, אֵלֶיךָ כִסִּתִי הבטחון שלי בך גורם לי להרגיש מכוסה, מוגן.

י לַמְּדֵנִי לַעֲשׂוֹת רְצוֹנֶךָ כִּי אַתָּה אֱלוֹהָי, רוּחֲךָ טוֹבָה רוחך הטובה, אהבתך תַּנְחֵנִי בְּאֶרֶץ מִישׁוֹר ללכת בדרכים ישרות.

יא לְמַעַן שִׁמְךָ יְהוָה תְּחַיֵּנִי, בְּצִדְקָתְךָ תוֹצִיא מִצָּרָה נַפְשִׁי.

יב וּבְחַסְדְּךָ תַּצְמִית תשמיד אֹיְבָי, וְהַאֲבַדְתָּ כָּל צֹרֲרֵי נַפְשִׁי, כִּי אֲנִי עַבְדֶּךָ.

המהדורה המוטעמת מציגה את נוסח המקרא על פי המסורה. יתר מהדורות המקרא בוויקיטקסט מציגות את נוסח כתב יד לנינגרד (מהדורת וסטמינסטר). לפרטים מלאים ראו את ויקיטקסט:מקרא.

פסוקי הפרק

• א • ב • ג • ד • ה • ו • ז • ח • ט • י • יא • יב • 

טקסטים נוספים העוסקים בפרק

• מקראות גדולות על פרק זה
• הרשימה המלאה של דפים מכל רחבי ויקיטקסט שמקשרים לפרק זה

פירושים ומאמרים על הפרק:

תהלים קמג

תהלים קמג

ביאור:תהלים קמג

תהלים קמג/כתיב

מלבי"ם על תהלים קמג

מצודות על תהלים קמג

מ"ג תהלים קמג

תהלים קמג/ניקוד

תהלים קמג/רכיבים

רש"י על תהלים קמג

תהלים קמג/שורות

ביאור:תהלים קמג - מעומד

תהלים קמג/טעמים

קישורים חיצוניים

ערך בוויקיפדיה: תהילים קמ"ג

תמונות ומדיה בוויקישיתוף: Category:Psalm 143

• מקראות גדולות תא שמע
• מקראות גדולות "ספריא"
• מקראות גדולות "על־התורה"
• מקראות גדולות "שיתופתא"
• מקראות גדולות הכתר (צילום כתר אר"צ)
• פירושים ומאמרים באתר דעת
• האזנה לפרק זה, באתר "סנונית"