תהלים קמח
קיצור דרך: t26e8
תנ"ך > תהלים > א ב ג ד ה ו ז ח ט י יא יב יג יד טו טז יז יח יט כ כא כב כג כד כה כו כז כח כט ל לא לב לג לד לה לו לז לח לט מ מא מב מג מד מה מו מז מח מט נ נא נב נג נד נה נו נז נח נט ס סא סב סג סד סה סו סז סח סט ע עא עב עג עד עה עו עז עח עט פ פא פב פג פד פה פו פז פח פט צ צא צב צג צד צה צו צז צח צט ק קא קב קג קד קה קו קז קח קט קי קיא קיב קיג קיד קטו קטז קיז קיח קיט קכ קכא קכב קכג קכד קכה קכו קכז קכח קכט קל קלא קלב קלג קלד קלה קלו קלז קלח קלט קמ קמא קמב קמג קמד קמה קמו קמז קמח קמט קנ
לחץ למטה על [הראה] להצגת התוכן ↓
א הללו יה הללו את יהוה מן השמים הללוהו במרומים
ב הללוהו כל מלאכיו הללוהו כל
צבאו [צבאיו]
ג הללוהו שמש וירח הללוהו כל כוכבי אור
ד הללוהו שמי השמים והמים אשר מעל השמים
ה יהללו את שם יהוה כי הוא צוה ונבראו
ו ויעמידם לעד לעולם חק נתן ולא יעבור
ז הללו את יהוה מן הארץ תנינים וכל תהמות
ח אש וברד שלג וקיטור רוח סערה עשה דברו
ט ההרים וכל גבעות עץ פרי וכל ארזים
י החיה וכל בהמה רמש וצפור כנף
יא מלכי ארץ וכל לאמים שרים וכל שפטי ארץ
יב בחורים וגם בתולות זקנים עם נערים
יג יהללו את שם יהוה כי נשגב שמו לבדו הודו על ארץ ושמים
יד וירם קרן לעמו תהלה לכל חסידיו לבני ישראל עם קרבו הללו יה
א הַלְלוּ יָהּ הַלְלוּ אֶת יְהוָה מִן הַשָּׁמַיִם הַלְלוּהוּ בַּמְּרוֹמִים.
ב הַלְלוּהוּ כָל מַלְאָכָיו הַלְלוּהוּ כָּל
צבאו [צְבָאָיו].
ג הַלְלוּהוּ שֶׁמֶשׁ וְיָרֵחַ הַלְלוּהוּ כָּל כּוֹכְבֵי אוֹר.
ד הַלְלוּהוּ שְׁמֵי הַשָּׁמָיִם וְהַמַּיִם אֲשֶׁר מֵעַל הַשָּׁמָיִם.
ה יְהַלְלוּ אֶת שֵׁם יְהוָה כִּי הוּא צִוָּה וְנִבְרָאוּ.
ו וַיַּעֲמִידֵם לָעַד לְעוֹלָם חָק נָתַן וְלֹא יַעֲבוֹר.
ז הַלְלוּ אֶת יְהוָה מִן הָאָרֶץ תַּנִּינִים וְכָל תְּהֹמוֹת.
ח אֵשׁ וּבָרָד שֶׁלֶג וְקִיטוֹר רוּחַ סְעָרָה עֹשָׂה דְבָרוֹ.
ט הֶהָרִים וְכָל גְּבָעוֹת עֵץ פְּרִי וְכָל אֲרָזִים.
י הַחַיָּה וְכָל בְּהֵמָה רֶמֶשׂ וְצִפּוֹר כָּנָף.
יא מַלְכֵי אֶרֶץ וְכָל לְאֻמִּים שָׂרִים וְכָל שֹׁפְטֵי אָרֶץ.
יב בַּחוּרִים וְגַם בְּתוּלוֹת זְקֵנִים עִם נְעָרִים.
יג יְהַלְלוּ אֶת שֵׁם יְהוָה כִּי נִשְׂגָּב שְׁמוֹ לְבַדּוֹ הוֹדוֹ עַל אֶרֶץ וְשָׁמָיִם.
יד וַיָּרֶם קֶרֶן לְעַמּוֹ תְּהִלָּה לְכָל חֲסִידָיו לִבְנֵי יִשְׂרָאֵל עַם קְרֹבוֹ הַלְלוּ יָהּ.
(א) הַלְלוּ יָהּ הַלְלוּ אֶת יְהוָה מִן הַשָּׁמַיִם הַלְלוּהוּ בַּמְּרוֹמִים.
(ב) הַלְלוּהוּ כָל מַלְאָכָיו הַלְלוּהוּ כָּל צבאו [צְבָאָיו].
(ג) הַלְלוּהוּ שֶׁמֶשׁ וְיָרֵחַ הַלְלוּהוּ כָּל כּוֹכְבֵי אוֹר.
(ד) הַלְלוּהוּ שְׁמֵי הַשָּׁמָיִם וְהַמַּיִם אֲשֶׁר מֵעַל הַשָּׁמָיִם.
(ה) יְהַלְלוּ אֶת שֵׁם יְהוָה כִּי הוּא צִוָּה וְנִבְרָאוּ.
(ו) וַיַּעֲמִידֵם לָעַד לְעוֹלָם חָק נָתַן וְלֹא יַעֲבוֹר.
(ז) הַלְלוּ אֶת יְהוָה מִן הָאָרֶץ תַּנִּינִים וְכָל תְּהֹמוֹת.
(ח) אֵשׁ וּבָרָד שֶׁלֶג וְקִיטוֹר רוּחַ סְעָרָה עֹשָׂה דְבָרוֹ.
(ט) הֶהָרִים וְכָל גְּבָעוֹת עֵץ פְּרִי וְכָל אֲרָזִים.
(י) הַחַיָּה וְכָל בְּהֵמָה רֶמֶשׂ וְצִפּוֹר כָּנָף.
(יא) מַלְכֵי אֶרֶץ וְכָל לְאֻמִּים שָׂרִים וְכָל שֹׁפְטֵי אָרֶץ.
(יב) בַּחוּרִים וְגַם בְּתוּלוֹת זְקֵנִים עִם נְעָרִים.
(יג) יְהַלְלוּ אֶת שֵׁם יְהוָה כִּי נִשְׂגָּב שְׁמוֹ לְבַדּוֹ הוֹדוֹ עַל אֶרֶץ וְשָׁמָיִם.
(יד) וַיָּרֶם קֶרֶן לְעַמּוֹ תְּהִלָּה לְכָל חֲסִידָיו לִבְנֵי יִשְׂרָאֵל עַם קְרֹבוֹ הַלְלוּ יָהּ.
קמח א הַ֥לְﬞלוּ־יָ֨הּ ׀
הַֽלְﬞל֣וּ אֶת־יְ֭הֹוָה מִן־הַשָּׁמַ֑יִם
הַֽ֝לְﬞל֗וּהוּ בַּמְּרוֹמִֽים׃
ב הַֽלְﬞל֥וּהוּ כׇל־מַלְאָכָ֑יו
הַ֝לְל֗וּהוּ כׇּל־צְבָאָֽו׃
ג הַֽ֭לְﬞלוּהוּ שֶׁ֣מֶשׁ וְיָרֵ֑חַ
הַֽ֝לְﬞל֗וּהוּ כׇּל־כּ֥וֹכְבֵי אֽוֹר׃
ד הַֽ֭לְﬞלוּהוּ שְׁמֵ֣י הַשָּׁמָ֑יִם
וְ֝הַמַּ֗יִם אֲשֶׁ֤ר ׀ מֵעַ֬ל הַשָּׁמָֽיִם׃
ה יְֽ֭הַלְﬞלוּ אֶת־שֵׁ֣ם יְהֹוָ֑ה
כִּ֤י ה֖וּא צִוָּ֣ה וְנִבְרָֽאוּ׃
ו וַיַּעֲמִידֵ֣ם לָעַ֣ד לְעוֹלָ֑ם
חׇק־נָ֝תַ֗ן וְלֹ֣א יַעֲבֽוֹר׃
ז הַֽלְﬞל֣וּ אֶת־יְ֭הֹוָה מִן־הָאָ֑רֶץ
תַּ֝נִּינִ֗ים וְכׇל־תְּהֹמֽוֹת׃
ח אֵ֣שׁ וּ֭בָרָד שֶׁ֣לֶג וְקִיט֑וֹר
ר֥וּחַ סְ֝עָרָ֗ה עֹשָׂ֥ה דְבָרֽוֹ׃
ט הֶהָרִ֥ים וְכׇל־גְּבָע֑וֹת
עֵ֥ץ פְּ֝רִ֗י וְכׇל־אֲרָזִֽים׃
י הַחַיָּ֥ה וְכׇל־בְּהֵמָ֑ה
רֶ֗֝מֶשׂ וְצִפּ֥וֹר כָּנָֽף׃
יא מַלְכֵי־אֶ֭רֶץ וְכׇל־לְאֻמִּ֑ים
שָׂ֝רִ֗ים וְכׇל־שֹׁ֥פְטֵי אָֽרֶץ׃
יב בַּחוּרִ֥ים וְגַם־בְּתוּל֑וֹת
זְ֝קֵנִ֗ים עִם־נְעָרִֽים׃
יג יְהַלְﬞל֤וּ ׀ אֶת־שֵׁ֬ם יְהֹוָ֗ה
כִּֽי־נִשְׂגָּ֣ב שְׁמ֣וֹ לְבַדּ֑וֹ
ה֝וֹד֗וֹ עַל־אֶ֥רֶץ וְשָׁמָֽיִם׃
יד וַיָּ֤רֶם קֶ֨רֶן ׀ לְעַמּ֡וֹ תְּהִלָּ֤ה לְֽכׇל־חֲסִידָ֗יו
לִבְנֵ֣י יִ֭שְׂרָאֵל עַ֥ם קְרֹב֗וֹ
הַֽלְﬞלוּ־יָֽהּ׃
א הַלְלוּ יָהּ,
- הַלְלוּ אֶת יְהוָה מִן הַשָּׁמַיִם כל היצורים השוכנים בשמים: המלאכים וכו', הַלְלוּהוּ בַּמְּרוֹמִים.
- ב הַלְלוּהוּ כָל מַלְאָכָיו, הַלְלוּהוּ כָּל (צבאו) צְבָאָיו צבאות ה', המלאכים שנזכרו לעיל, והכוכבים שלהלן (בדומה ל-"וַיְכֻלּוּ הַשָּׁמַיִם וְהָאָרֶץ וְכָל צְבָאָם" - בראשית ב א).
- ג הַלְלוּהוּ שֶׁמֶשׁ וְיָרֵחַ, הַלְלוּהוּ כָּל כּוֹכְבֵי אוֹר.
- ד הַלְלוּהוּ שְׁמֵי הַשָּׁמָיִם השמים העליונים, וְהַמַּיִם אֲשֶׁר מֵעַל הַשָּׁמָיִם "הַמַּיִם אֲשֶׁר מֵעַל לָרָקִיעַ" (בראשית א ז).
- ז הַלְלוּ אֶת יְהוָה מִן הָאָרֶץ, תַּנִּינִים ראה בראשית א כא וְכָל תְּהֹמוֹת הקיים במעמקי הים.
- ח אֵשׁ ברקים וּבָרָד, שֶׁלֶג וְקִיטוֹר ועשן, ערפל הנראה כעשן, רוּחַ סְעָרָה עֹשָׂה דְבָרוֹ.
- ט הֶהָרִים וְכָל גְּבָעוֹת, עֵץ פְּרִי וְכָל אֲרָזִים עצי ארז (מובא כדוגמה לאילן סרק).
- י הַחַיָּה וְכָל בְּהֵמָה, רֶמֶשׂ הזוחלים וְצִפּוֹר כָּנָף.
- יא מַלְכֵי אֶרֶץ וְכָל לְאֻמִּים, שָׂרִים וְכָל שֹׁפְטֵי אָרֶץ.
- יב בַּחוּרִים וְגַם בְּתוּלוֹת, זְקֵנִים עִם נְעָרִים.
- יג יְהַלְלוּ אֶת שֵׁם יְהוָה, כִּי ויאמרו ש- נִשְׂגָּב מרומם שְׁמוֹ לְבַדּוֹ רק ה' מרומם לעומת כל יתר היצורים, הוֹדוֹ כבודו פרוש עַל אֶרֶץ וְשָׁמָיִם.
- יד וַיָּרֶם קֶרֶן ביסס שילטון לְעַמּוֹ, תְּהִלָּה כבוד (על ידי כך שראו האומות את שלטון ישראל בארצו, נשתבחו ישראל על ידם) לְכָל חֲסִידָיו, לִבְנֵי יִשְׂרָאֵל עַם קְרֹבוֹ העם הקרוב אליו ;הַלְלוּ יָהּ.
פירושים ומאמרים באתר דעת • מקראות גדולות על פרק זה • מקראות גדולות הכתר • מ"ג הכתר צילום כתר אר"צ • מקראות גדולות "על־התורה" • מקראות גדולות "ספריא" • האזנה לפרק זה • הרשימה המלאה של דפים מכל רחבי ויקיטקסט שמקשרים לפרק זה
