8
טודﬞוס לוס קי אובﬞראן טורטורה. פורקי ה׳ אויי לה בוז די מי לייורו׃ 10 ה׳ אויי מי דוגאטיבﬞה. ה׳ ריסיבﬞי מי אוראסייון׃ 11 סי אבﬞירגואינסאראן אי סיראן אטורבﬞאדוס מוגﬞו טודﬞוס מיס אינימיגוס. טורנאראן אטראס. סי אבﬞירגואינסאראן סופיטו׃
ז
1 שׁגיון, די דויד, קי קאנטו אה ה' פור לאס פאלאבﬞראס די כושﬞ בﬞארון די בנימין׃ 2 ה׳ מי דייו, אין טי מי אבריגו. סאלבﬞאמי די טודﬞוס מיס פירסיגידﬞוריס אי איסקאפאמי׃ 3 נון סיאה קי אריבﬞאטין קומו ליאון מי אלמה דיספידﬞאסאנדו, אי נון אבﬞרה קיין מי איסקאפי׃ 4 ה׳ מי דייו! סי ייו איזי איסטו. סי איי טורטורה אין מיס מאנוס׃ 5 סי ייו גואלארדוני מאל אה מי אפאזיגואדﬞו. או איספוזﬞי אה איל קי מי אנגוסטייו סין קאבﬞזה׃ 6 פירסיגה איל אינימיגו מי אלמה אי לה אלקאנסי, אי ריאוליי אה לה טיירה מי בﬞידﬞה, אי אגה מודאר מי אונרה אין איל פולבﬞו. סלה׃ 7 אליבﬞאנטאטי ה׳ אין טו פﬞונור. אינשﬞאלשﬞאטי קונטרה לה סאנייה די מיס אנגוסטייאדﬞוריס. אי דיספיירטאטי פור מי. טו אינקומינדאסטי גﬞואיסייו׃ 8 אי לה קומפאנייה די לוס גﬞינטיאוס טי רודﬞיארה. אי סובﬞרי אילייה טורנה אה לה אלטורה׃ 9 ה׳ גﬞוזגה לוס פואיבﬞלוס. גﬞוזגאמי ה׳, סינון מי גﬞוסטידﬞאדﬞ
