4
איסקאמיסירה אה אילייום׃ 5 אינטונסיס ליס אבﬞלארה אין סו פﬞולור. אי אין סו איריסימיינטו לוס אטורבﬞארה׃ 6 אי דירה, ייו אעסינייוריאי אה מי ריי סובﬞרי ציון מי מונטי סאנטו׃ 7 לו ריקונטארי פור פﬞואירו. ה׳ דישﬞו אה מי, מי איזו איריס טו. אויי טי אינגﬞינדרי׃ 8 דימאנדה די מי. אי טי דארי גﬞינטיס פור אירידﬞאדﬞ. אי פור פוסיסייון טוייה לוס אטימוס די לה טיירה׃ 9 לוס קיבﬞראראס קון בﬞארה די פﬞיירו. קומו אטואינדו די אוליירו לוס דיספידﬞאסאראס׃ 10 אי אגורה רייאיס, אינטינדידﬞ! סידﬞ קאסטיגאדוס, גﬞואיזיס די לה טיירה!׃ 11 סירבﬞידﬞ אה ה׳ קון טימור. אי גוזאדﬞבﬞוס קון ריטימבלה׃ 12 ביזאדﬞ אל איזﬞו. נון סיאה קי סי אינסאניי. אי קי בﬞוס דיפירדאאישﬞ אין לה קארירה, קואנדו סי אינסינדיירי קומו פוקו סו פﬞולור. ביינאבﬞינטוראדﬞוס טודﬞוס אבריגאדﬞוס אין איל׃
ג
1 סאלמו די דויד. קואנדו פﬞוייו דילאנטי לי אבשﬞלום סו איזﬞו׃ 2 ה׳, קואנטו סי מוגﬞיגואן מיס אנגוסטייאדﬞוריס! מוגﬞוס סי אליבﬞאנטאן קונטרה מי׃ 3 מוגﬞוס דיזין פור מי אלמה. נון איי סאלבﬞאסייון פארה אילייה קון איל דייו. סלה׃ 4 מה טו ה׳ איריס מאמפארו אה מי. מי אונרה אי איל קי אינאלטיסי מי קאבﬞיסה׃ 5 קון מי בוז אה ה׳ לייאמו. אי איל מי ריספונדי די סו מונטי
