מיס פרומיטאס פאגארי אין פריזינסייה די לוס קי לו טימין׃
27 לוס אומילדיס קומיראן אי סי ארטאראן. אלאבﬞאראן אה ה׳ לוס קי לו ריקירין. ביבﬞה בﬞואיסטרו קוראסון פארה סיימפרי׃
28 סי אקורדאראן אי טורנאראן אה ה׳ טודﬞוס טירמינוס די לה טיירה. אי סי אינקורבﬞאראן דילאנטי די איל טודﬞוס לינאזﬞיס די לאס גינטיס׃
29 פורקי די ה׳ איס איל ריינו. אי איל איס פודﬞיסטאדﬞור אינטרי לאס גינטיס׃
30 קומיראן איס אינקורבﬞאראן טודﬞוס לוס בﬞיסייוזוס די לה טיירה. דילאנטי די איל סי ארודﬞילייאראן טודﬞוס לוס קי דיסיינדין אל פולבﬞו. אי קי נון אבﬞידﬞיגוארון סו פרופייה אלמה׃
31 סימין לי סירבﬞירה. סירה קונטאדﬞו אה ה׳ פור גﬞירינאנסייו׃
32 בﬞינדראן אי דינונסייאראן סו גﬞוסטידﬞאדﬞ אה פואיבﬞלו קי נאסירה. קי איל לו איזו׃
כג
1 סאלמו די דויד. ה׳ איס מי פאסטור. נון מינגוארי׃
2 אין פאסטוס די אירמולייו מי אזי ייאזיר. אה אגואס די אולגאנסה מי גיאה׃
3 אה מי אלמה אזי אולגאר. מי גיאה אין סינדירוס די גﬞוסטידﬞאדﬞ פור אמור די סו נומברי׃
4 אאונקי ייו אנדי אין לה בﬞאליי די טינייבﬞלה די מואירטי. נון טימירי די מאל. פורקי טו איסטאס קונמיגו. טו בﬞארה אי טו בﬞירגה אילייאס מי קונורטאן׃
