א
1 ביינאבﬞינטוראדﬞו איל בﬞארון קי נון אנדה אין קונסיזﬞו די מאלוס. אי אין קארירה די פיקאדﬞוריס נון סי פארה. אי אין אסיינטו די איסקארניסידﬞוריס נון סי אסינטה׃ 2 סינו אין לה ליי די ה׳ איסטה סו בﬞילונטאדﬞ. אי אין סו ליי איסטה מילדאנדו דיאה אי נוגﬞי׃ 3 אי סירה קומו און ארבﬞול פלאנטאדﬞו אה לאם קוריינטיס די אגואס. קי דה סו פרוטו אין סו אורה. אי סו אוזﬞה נון קאאירה. אי טודﬞו לו קי איל אזי פרוספירארה׃ 4 נון אנסי לוס מאלוס. סינו קומו איל טאמו קי לו אימפושﬞה איל בﬞיינטו׃ 5 פור איסטו נון סי לי בﬞאנטאראן לוס מאלוס אין איל גﬞואיסייו. ני לוס פיקאדﬞוריס אין לה קומפאנייה די לוס גﬞוסטוס׃ 6 פורקי ה' קונוסי לה קארירה די לוס גﬞוסטוס. אי לה קארירה די לוס מאלוס סי דיפירדירה׃
ב
1 פורקי סי אפאנייאן לאס גﬞינטיס. אי לוס גﬞינטיאוס פינסאן בﬞאנידﬞאדﬞ?׃ 2 סי פאראן לוס רייאיס די לה טיירה. אי לוס סינייוריס סי אקונסיזﬞאן אאונה קונטרה ה׳ אי קונטרה סו אונטאדﬞו׃ 3 דיזיינדו, אראנקימוס סוס אטאדﬞוראס. אי איגﬞימוס די נוסוטרוס סוס קואירדאס׃ 4 איל אסינטאדﬞו אין לוס סיילוס ריאירה. ה׳
