174
איס לה פואירטה די ה׳, לוס גﬞוסטוס אינטראראן אין אילייה׃ 21 טי לוארי, פורקי מי ריספונדיסטי, אי פﬞואיסטי פור סאלבﬞאסייון פארה מי׃ 22 לה פיידﬞרה קי לוס פﬞראגואדﬞוריס דיזיגﬞארון פﬞואי פור קאבﬞיסה די ארינקון׃ 23 די ה׳ פﬞואי איסטו. אילייה איס קוזה מאראבﬞילייוזה אין נואיסטרוס אוזﬞוס׃ 24 איסטי איס איל דיאה קי ה׳ איזו, גוזימוסנוס אי אליגרימוסנוס אין איל!׃ 25 רוגו ה׳, סאלבﬞה אגורה! רוגו ה׳, דה אגורה פרוספירידﬞאדﬞ׃ 26 בינדיגﬞו סיאס איל קי בﬞייני אין איל נומברי די ה׳, בﬞוס בינדיזימוס די לה די לה קאזה די ה׳׃ 27 איל דייו איס ה׳, אי נוס אלומברו. אטאדﬞ איל קארנירו קון קואירדאס אה לוס קורניזﬞאליס די לה ארה׃ 28 מי דייו איריס טו, אי טי לוארי. מי דייו, אי טי אינאלטיסירי׃ 29 לואדﬞ אה ה׳, פורקי איל איס בואינו. פורקי פארה סיימפרי איס סו מירסידﬞ׃
קיט
1 בייניאבﬞינטוראדﬞוס לוס פריניזמוס די קארירה, קי אנדאן אין לה ליי די ה׳: 2 בייניאבﬞינטוראדﬞוס לוס קי גוארדאן סוס טיסטימונייוס. קי קון טודﬞו קוראסון לו בושﬞקאן: 3 קי טאמביין נו אובﬞראן טורטורה. מה אין סוס קאריראס אנדאן: 4 טו אינקומינדאסטי טוס אינקומינדאנסאס פארה קי פﬞוא סון גוארדאדﬞאס קון טיגו מוגﬞו: 5 או קי סיאן אפﬞירמאדﬞאס מיס קאריראס פארה גוארדאד
