173
איס סו מירסידﬞ׃ 5 די לה אנגוסטייה לייאמי אה ה׳. אי ה׳ מי ריספונדייו אין לה אנגﬞורה׃ 6 ה׳ איס קונמיגו. נו איספאנטארי. קי מי ארה בﬞארון?׃ 7 ה׳ איס קונמיגו אינטרי מיס אייודﬞאדﬞוריס. אי ייו מירארי סובﬞרי מיס אבוריסידﬞוריס׃ 8 מיזﬞור איס אבריגארסי אין ה׳, מאס קי אינפﬞיגוזייארסי אין איל אומברי׃ 9 מיזﬞור איס אבריגארסי אין ה׳, מאס קי אינפﬞיגוזייארסי אין שﬞאריפﬞיס׃ 10 טודﬞאס לאס גﬞינטיס מי רודﬞיאן. מה אין אין נומברי די ה׳ לוס טאזﬞארי׃ 11 מי רודﬞיאן, טאמביין מי אינסירקאן, מה אין איל נומברי די ה׳ לוס טאזﬞארי׃ 12 מי רודﬞיאן קומו אביזבאס, סון אמאטאדﬞוס קומו פﬞואיגו אינטרי איספינאס. מה אין איל נומברי די ה׳ לוס טאזﬞארי׃ 13 אימפושﬞאנדו מי אימפושﬞאסטי פארה קי קאייגה, אי ה׳ מי אייודﬞו׃ 14 מי פﬞורטאליזה אי מי אלאבﬞאנסה איס ה׳. אי פﬞואי סאלבﬞאסייון פארה מי׃ 15 לה בוז די קאנטאר אי די סאלבﬞאסייון אין לאס טיינדאס די לוס גﬞוסטוס. לה דיריגﬞה די ה׳ אזי פﬞואירסה׃ 16 לה דיריגﬞה די ה׳ איס אינאלטיסידﬞה. לה דיריגﬞה די ה׳ אזי פﬞואירסה׃ 17 נו מורירי, מה ביבﬞירי אי ריקונטארי לאס אובﬞראס די ה׳׃ 18 קאסטיגאנדו מי קאסטיגו ה׳. מה נו מי אינטריגו אה לה מואירטי׃ 19 אבﬞרידﬞמי לאס פואירטאס די לה גﬞוסטידﬞאדﬞ. אינטרארי אין אילייאס, לוארי אה ה׳׃ 20 איסטה
