דיאולייאראס איל קאדﬞילייו די ליאון אי איל קוליבﬞרו׃
14 פורקי קובﬞדיסייו אין מי לו איסקאפארי. לו אינﭏטיסירי, פורקי קונוסי מי נומברי׃
15 מי לייאמארה אי לי דיספונדירי. ייו סירי קון איל לה אנגוסטייה. לו איסקאפארי אי לו אונדאדי׃
16 די לונגורה די דיאס לו ארטארי. אי לי מוסטרארי מי סﭏבﬞאסייון׃
צב
1 סאלמו. קאנטאד. פארא איל דיא די שﬞבת׃
2 בואינו איס לואד אה ה׳, אי סאלמיאר אה טו נומברי, אלטיסימו׃
3 דינונסייאר אין לה מאנייאנא טו מירסידﬞ, אי טו פﬞיאילדאדﬞ אין לאס נוגﬞיס׃
4 סובﬞרי דייז קואירדאס אי סובﬞ לה אלאאודﬞ, סובﬞ מוסיקה קון לה ארפה׃
5 פורקי מי אליגראס קון טו אובﬞרה, או ה׳!, די לוס איגﬞוס די טוס מאנוס קאנטאדי׃
6 קואנטו גראנדיס סון טוס איגﬞוס, או ה׳! טוס פינסאמיינטוס סון מויי אונדוס׃
7 בﬞארון טורפי נו קונוסי, אי איל לוקו נו אינטיינדי איסטו׃
8 קואנדו לוס, מאלוס סי אינבﬞירדיסין קומו לה יירבﬞה, אי סי אינפﬞלוריסין טודﬞוס לוס קי אזין טורטורה. איסטו איס פארא קי סיאן דיסטרואידﬞוס אסטה סיימפרי׃
9 אי טו, ה׳, איסטאס אין לה אלטורה פארא סיימרי׃
10 פורקי איק טוס אינימיגוס, ה, פורקי איק טוס אינימיגוס סי דיפירדיראן, אי טו–
