14
פארה סיימפרי אי סיימפרי. סי דיפיירדין לאס גﬞינטיס די סו טיירה׃ 17 ה׳, טו אואיסטי איל דיזיאו די לוס אומילדיס. טו אפﬞירמאראס סו קוראסון. טו אוריזﬞה איסקוגﬞארה׃ 18 פארה גﬞוזגאר אל גואירפﬞאנו אי אל פרובﬞי. נון קונטינארה מאס איל אומברי טומאדﬞו די לה טיירה, די איספאנטאר סו קומפאניירו׃
יא
1 אל פרימיר קאנטאדﬞור. די דויד. אין ה׳ מי אבריגו. קומו דיזישﬞ אה מי אלמה, איסמובﬞיטי קומו פאשﬞארו אה בﬞואיסטרו מונטי?׃
2 פורקי איק לוס מאלוס ארמאן ארקוס. אפאריזאן סוס פﬞליגﬞאס סובﬞרי לאס קואירדאס. פארה ארוזארלאס אין לה איסקורידﬞאדﬞ אה לוס דיריגﬞוס די קוראסון׃
3 פורקי לוס סימיינטוס סון דירוקאדﬞוס. איל גﬞוסטו קי פודﬞרה אזיר?׃
4 ה׳ איסטה אין סו פאלאסייו סאנטו. ה׳ טייני סו סילייה אין לוס סיילוס. סוס אוזﬞוס בﬞין. סוס פארפארוס פריבﬞאן אה לוס איזﬞוס די אומברי׃
5 ה׳ פריבﬞה אל גﬞוסטו. אי סו אלמה אבוריסי אל מאלו אי אה איל קי אמה אדﬞולמי׃
6 איל ארה לייובﬞיר סובﬞרי לוס מאלוס לאזוס, פﬞואיגו אי אשﬞופﬞרי. אי בﬞיינטו ארדיינטי סירה לה דאדﬞיבﬞה די סו בﬞאזו׃
7 פורקי ה׳ איס גﬞוסטו, אי אמה גﬞוסטידﬞאדﬞיס. סוס פﬞאסיס מיראן אל דיריגﬞו׃
