הדף הזה עבר הגהה
287
לליל שבת
לְאַהֲבָתֶֽךָ, וְאָז אֶשְׁמֹר פִּקּוּדֶֽיךָ וְחֻקֶּֽיךָ בְּלִי עֶֽצֶב, וְאֶתְפַּלֵּל כַּדָּת, כָּרָאוּי וּכְנָכוֹן. מַלְאֲכֵי הַשָּׁלוֹם, בּוֹאֲכֶם לְשָׁלוֹם, בָּרְכֽוּנִי לְשָׁלוֹם, וְאִמְרוּ בָּרוּךְ לְשֻׁלְחָנִי הֶעָרוּךְ, וְצֵאתְכֶם לְשָׁלוֹם, מֵעַתָּה וְעַד עוֹלָם, אָמֵן סֶֽלָה.
אֵֽשֶׁת חַֽיִל מִי יִמְצָא וְרָחֹק מִפְּנִינִים מִכְרָהּ.בָּֽטַח בָּהּ לֵב בַּעְלָהּ וְשָׁלָל לֹא יֶחְסָר.
גְּמָלַֽתְהוּ טוֹב וְלֹא רָע כֹּל יְמֵי חַיֶּֽיהָ.
דָּרְשָׁה צֶֽמֶר וּפִשְׁתִּים וַתַּֽעַשׂ בְּחֵֽפֶץ כַּפֶּֽיהָ.
הָיְתָה כׇּאֳנִיּוֹת סוֹחֵר מִמֶּרְחָק תָּבִיא לַחְמָהּ.
וַתָּֽקׇם בְּעוֹד לַֽיְלָה וַתִּתֵּן טֶֽרֶף לְבֵיתָהּ
וְחֹק לְנַעֲרֹתֶֽיהָ.
זָמְמָה שָׂדֶה וַתִּקָּחֵֽהוּ מִפְּרִי כַפֶּֽיהָ נָֽטְעָה כָּֽרֶם.
חָגְרָ֣ה בְעוֹז מׇתְנֶֽיהָ וַתְּאַמֵּץ זְרוֹעֹתֶֽיהָ.
טָעֲמָה כִּי טוֹב סַחְרָהּ לֹא יִכְבֶּה בַלַּֽיְלָה נֵרָהּ.
יָדֶֽיהָ שִׁלְּחָה בַכִּישׁוֹר וְכַפֶּֽיהָ תָּמְכוּ פָֽלֶךְ.
כַּפָּהּ פָּרְשָׂה לֶעָנִי וְיָדֶֽיהָ שִׁלְּחָה לָאֶבְיוֹן.
לֹא תִירָא לְבֵיתָהּ מִשָּֽׁלֶג כִּי כׇל בֵּיתָהּ לָבֻשׁ שָׁנִים.
מַרְבַדִּים עָשְׂתָה לָּהּ שֵׁשׁ וְאַרְגָּמָן לְבוּשָׁהּ.
נוֹדָע בַּשְּׁעָרִים בַּעְלָהּ בְּשִׁבְתּוֹ עִם זִקְנֵי־אָֽרֶץ.
סָדִין עָשְׂתָה וַתִּמְכֹּר וַחֲגוֹר נָתְנָה לַכְּנַעֲנִי.
עֹז וְהָדָר לְבוּשָׁהּ וַתִּשְׂחַק לְיוֹם אַחֲרוֹן.
