עמוד:Ketuvim Aharonim Fraenkel (Leipzig 1830).pdf/177

מתוך ויקיטקסט, מאגר הטקסטים החופשי
הדף הזה עבר הגהה
- 160 -
הדף הזה עבר הגהה
- 160 -

שני אנשים וּשני רחלים לטרף: טו אך בעת ההיא לא נתנוּ להם מאוּמה בלתי דניאל לבדוֹ:

  טז וּבימים ההם היה נביא בּארץ יהוּדה וּשמוֹ חבקוּק: יז ויהי היוֹם ויזד חבקוק נזיד ויתן לחם בכלי להביא לקוֹצרים בשדה: יח ויבא אליו מלאך יי ויאמר: יט הבא נא את המאכל אשר בידך אל־דניאל הנה־הוּא בגוּב האריוֹת אשר בבבל: כ ויען חבקוּק ויּאמר לא ראיתי בבל מימי וגם את־גוּב האריוֹת לא ידעתּי: כא ויּאחזהוּ המלאך בציצת ראשׁוֹ וישאהוּ כרוּח סﬠרה בּבלה ויעמידהוּ אצל גּוּב האריוֹת: כב ויקרא חבקוּק ויּאמר דניאל דניאל קח־נא את המאכל אשר יי אלהים שלח לך: כג ויען דניאל ויּאמר יי אלהים אתה זכרתני וחסדך לא תעזב את מאהביך: כד ויקם דניאל ויאכל והמלאך השיב את־חבקוּק למקוֹמוֹ:

 כה ויהי ביּוֹם השביﬠי ויבא המלך לספד לדניאל ויהי כי־קרב אל־הגּוּב לראוֹת והנה הוּא ישב בין האריות: כו ויקרא המלך בקוֹל גדוֹל ויּאמר אל אלהי דניאל גדוֹל אתה ונוֹרא ואין אלוה מבלעדך: כז ויצו ויריצהוּ מן־הגּוּב וישליכוּ בתוֹכוֹ כל מבקשי נפּשׁ דניאל וכמעט ירדוּ הבּוֹרה ויטרפוּ לעיני המלך:


+++++++++++++

שושנה

 (א) איש היה בעיר בבל ושמו יהויקים: (ב) ויקח־לו אשה שושנה בת־חלקיהו והיא היתה יפת תאר