ה' יגוני קראוני אל אבל

יְיָ אֱלֹהֵי יִשְׂרָאֵל. שׁוּב מֵחֲרוֹן אַפֶּךָ, וְהִנָּחֵם עַל הָרָעָה לְעַמֶּךָ׃ ^{(שמות לב יב)}

סימן: יהודה הלוי

יְיָ יְגוֹנַי קְרָאוּנִי אֶל אֵבֶל / יוֹם סָמַךְ מֶלֶךְ בָּבֶל / אֶל יְרוּשָׁלָיִם. ^{(יחזקאל כד ב)}
הֶעֱבִיר הֲמוֹנוֹ / וְעֵרָה גְּאוֹנוֹ / וּבִימִינוֹ הָיָה הַקֶּסֶם בִּיְרוּשָׁלָיִם. ^{(ע"פ יחזקאל כא כז)}
וְעֹשֵׂי מְלֶאכֶת שָׁמַיִם / שָׁפְכוּ דָמָם כַּמַּיִם / סְבִיבוֹת יְרוּשָׁלָיִם. ^{(תהלים עט ג)}
דָּוָה נְתָנַנִי וְגַלְמוּדָה / בְּהַשְׁחִיתוֹ אֶת גְּאוֹן יְהוּדָה / וְאֶת גְּאוֹן יְרוּשָׁלָיִם. ^{(ירמיהו יג ט)}
הִפִּיל מִגְדָּל וְהִשְׁפִּיל אַפִּרְיוֹן / וַיַּצֶּת אֵשׁ בְּצִיּוֹן / וְאָכְלָה אַרְמְנוֹת יְרוּשָׁלָיִם. ^{(ירמיהו יז כז)}
הֵעִיר בְּנֵי בָבֶל עַל בָּנַי / כִּי יָרַד רָע מֵאֵת יְיָ לְשַׁעַרֵי יְרוּשָׁלָיִם. ^{(ע"פ מיכה א יב)}
לְקֵדָר שַׁלֵּם גְּמוּל וְאַל תִּדֹּם / זְכֹר יְיָ לִבְנֵי אֱדוֹם / אֵת יוֹם יְרוּשָׁלָיִם. ^{(תהלים קלז ז)}
וּרְאֵה כִּי אֶפֶס עָזוּב וְעָצוּר / וְאוֹיְבִי עָלַי יָצוּר / כִּי כָשְׁלָה יְרוּשָׁלָיִם. ^{(ישעיהו ג ח)}
יִחַלְנוּ תַּחְבֹּשֶׁת וְהִנֵּה מְחִתָּה / וְעַד מָתַי אַתָּה / לֹא תְרַחֵם אֶת יְרוּשָׁלָיִם. ^{(זכריה א יב)}

שוב מחרון אפך…