ביאור:סטיה ועונש בחיי אחאב מלך ישראל
| הבהרה: | ||
|---|---|---|
|
סטיה ועונש בחיי...אַחְאָב מֶלֶךְ יִשְׂרָאֵל
מבוא:
1.
"בִּשְׁנַת עֶשְׂרִים וָשֶׁבַע שָׁנָה לְאָסָא מֶלֶךְ יְהוּדָה"
"מָלַךְ זִמְרִי שִׁבְעַת יָמִים בְּתִרְצָה"
"וְהָעָם חֹנִים עַל-גִּבְּתוֹן אֲשֶׁר לַפְּלִשְׁתִּים"
"וַיִּשְׁמַע הָעָם הַחֹנִים לֵאמֹר קָשַׁר זִמְרִי וְגַם הִכָּה אֶת-הַמֶּלֶךְ" >>(אֵלָה בֶן-בַּעְשָׁא)<<
"וַיַּמְלִכוּ כָל-יִשְׂרָאֵל אֶת-עָמְרִי שַׂר-צָבָא עַל-יִשְׂרָאֵל בַּיּוֹם הַהוּא--בַּמַּחֲנֶה"...
(מלכים א' טז' 15-16)
2.
"אָז יֵחָלֵק הָעָם יִשְׂרָאֵל לַחֵצִי"
"חֲצִי הָעָם הָיָה אַחֲרֵי תִבְנִי בֶן-גִּינַת לְהַמְלִיכוֹ"
"וְהַחֲצִי אַחֲרֵי עָמְרִי"
"וַיֶּחֱזַק הָעָם אֲשֶׁר אַחֲרֵי עָמְרִי אֶת-הָעָם אֲשֶׁר אַחֲרֵי תִּבְנִי בֶן-גִּינַת"
"וַיָּמָת תִּבְנִי"
"וַיִּמְלֹךְ עָמְרִי"...
(מלכים א' טז' 21-22)
3.
"בִּשְׁנַת שְׁלֹשִׁים וְאַחַת שָׁנָה לְאָסָא מֶלֶךְ יְהוּדָה"
"מָלַךְ עָמְרִי עַל-יִשְׂרָאֵל שְׁתֵּים עֶשְׂרֵה שָׁנָה"
"בְּתִרְצָה מָלַךְ שֵׁשׁ-שָׁנִים"
"וַיִּקֶן אֶת-הָהָר שֹׁמְרוֹן מֵאֶת שֶׁמֶר--בְּכִכְּרַיִם כָּסֶף"
"וַיִּבֶן אֶת-הָהָר"
"וַיִּקְרָא אֶת-שֵׁם הָעִיר אֲשֶׁר בָּנָה עַל שֶׁם-שֶׁמֶר אֲדֹנֵי הָהָר שֹׁמְרוֹן"...
(מלכים א' טז' 23-24)
4.
"וַיַּעֲשֶׂה עָמְרִי הָרַע בְּעֵינֵי יְהוָה"
"וַיָּרַע מִכֹּל אֲשֶׁר לְפָנָיו"...
(מלכים א' טז' 25)
משמעות השם "אַחְאָב" מעלה את האפשרות כי "עָמְרִי" הוליד את בנו זה לאחותו...
ואם-כן...אם אכן, היה "עָמְרִי" גם "אָח" לבנו כאחיה של אשתו וגם "אָב" לבנם זה "אַחְאָב"...
זה המעשה הרע ביותר אשר עשה "עָמְרִי"...כמתועד:
א)
"עֶרְוַת אֲחוֹתְךָ בַת-אָבִיךָ אוֹ בַת-אִמֶּךָ מוֹלֶדֶת בַּיִת אוֹ מוֹלֶדֶת חוּץ--לֹא תְגַלֶּה עֶרְוָתָן"...
(ויקרא יח' 9)
ב)
"אָרוּר שֹׁכֵב עִם-אֲחֹתוֹ--בַּת-אָבִיו אוֹ בַת-אִמּוֹ"
"וְאָמַר כָּל-הָעָם אָמֵן"...
(דברים כז' 22)
ג)
"עֶרְוַת-אָב גִּלָּה-בָךְ"
"טְמֵאַת הַנִּדָּה עִנּוּ-בָךְ"
"וְאִישׁ אֶת-אֵשֶׁת רֵעֵהוּ עָשָׂה תּוֹעֵבָה"
"וְאִישׁ אֶת-כַּלָּתוֹ טִמֵּא בְזִמָּה"
"וְאִישׁ אֶת-אֲחֹתוֹ בַת-אָבִיו עִנָּה-בָךְ"...
(יחזקאל כב' 10-11)
>"וְאַחְאָב בֶּן-עָמְרִי מָלַךְ עַל-יִשְׂרָאֵל"
ואלה חטאיו הבולטים:
א) התחתן עם אִיזֶבֶל בַּת-אֶתְבַּעַל...המכשפה ומלכת נביאי הַבַּעַל...
ב) עבד את הַבַּעַל...
ג) בנה "בַּיִת" ומזבח לַבַּעַל...
ד) עשה את סטיות הָאֲשֵׁרָה להביא פריון...
"בִּשְׁנַת שְׁלֹשִׁים וּשְׁמֹנֶה שָׁנָה לְאָסָא מֶלֶךְ יְהוּדָה"
"וַיִּמְלֹךְ אַחְאָב בֶּן-עָמְרִי עַל-יִשְׂרָאֵל בְּשֹׁמְרוֹן"
"עֶשְׂרִים וּשְׁתַּיִם שָׁנָה"
"וַיַּעַשׂ אַחְאָב בֶּן-עָמְרִי הָרַע בְּעֵינֵי יְהוָה"
"מִכֹּל אֲשֶׁר לְפָנָיו"
"וַיְהִי הֲנָקֵל לֶכְתּוֹ בְּחַטֹּאות יָרָבְעָם בֶּן-נְבָט"
"וַיִּקַּח אִשָּׁה אֶת-אִיזֶבֶל בַּת-אֶתְבַּעַל מֶלֶךְ צִידֹנִים"
"וַיֵּלֶךְ וַיַּעֲבֹד אֶת-הַבַּעַל וַיִּשְׁתַּחוּ לוֹ"
"וַיָּקֶם מִזְבֵּחַ לַבָּעַל בֵּית הַבַּעַל אֲשֶׁר בָּנָה בְּשֹׁמְרוֹן"
"וַיַּעַשׂ אַחְאָב אֶת-הָאֲשֵׁרָה"
"וַיּוֹסֶף אַחְאָב לַעֲשׂוֹת לְהַכְעִיס אֶת-יְהוָה אֱלֹהֵי יִשְׂרָאֵל"
"מִכֹּל מַלְכֵי יִשְׂרָאֵל אֲשֶׁר הָיוּ לְפָנָיו"...
(מלכים א' טז' 29-33)
>אֵלִיָּהוּ הַנָּבִיא...אויבו הראשי של אַחְאָב:
"וַיְהִי כִּרְאוֹת אַחְאָב אֶת-אֵלִיָּהוּ"
"וַיֹּאמֶר אַחְאָב אֵלָיו"
"הַאַתָּה זֶה עֹכֵר יִשְׂרָאֵל"
"וַיֹּאמֶר לֹא עָכַרְתִּי אֶת-יִשְׂרָאֵל"
"כִּי אִם-אַתָּה וּבֵית אָבִיךָ"
"בַּעֲזָבְכֶם אֶת-מִצְוֹת יְהוָה"
"וַתֵּלֶךְ אַחֲרֵי הַבְּעָלִים"...
(מלכים א' יח' 17-18)
>אֵלִיָּהוּ הַנָּבִיא...עַל הַר הַכַּרְמֶל...
"וַיְהִי בַּעֲלוֹת הַמִּנְחָה וַיִּגַּשׁ אֵלִיָּהוּ הַנָּבִיא וַיֹּאמַר"
"יְהוָה אֱלֹהֵי אַבְרָהָם יִצְחָק וְיִשְׂרָאֵל"
"הַיּוֹם יִוָּדַע כִּי-אַתָּה אֱלֹהִים בְּיִשְׂרָאֵל וַאֲנִי עַבְדֶּךָ"
"וּבִדְבָרְךָ עָשִׂיתִי אֵת כָּל-הַדְּבָרִים הָאֵלֶּה"
"עֲנֵנִי יְהוָה עֲנֵנִי"
"וְיֵדְעוּ הָעָם הַזֶּה כִּי-אַתָּה יְהוָה הָאֱלֹהִים"
"וְאַתָּה הֲסִבֹּתָ אֶת-לִבָּם אֲחֹרַנִּית"
"וַתִּפֹּל אֵשׁ-יְהוָה"
"וַתֹּאכַל אֶת-הָעֹלָה וְאֶת-הָעֵצִים וְאֶת-הָאֲבָנִים וְאֶת-הֶעָפָר וְאֶת-הַמַּיִם אֲשֶׁר-בַּתְּעָלָה לִחֵכָה"
"וַיַּרְא כָּל-הָעָם וַיִּפְּלוּ עַל-פְּנֵיהֶם"
"וַיֹּאמְרוּ--יְהוָה הוּא הָאֱלֹהִים"
"יְהוָה הוּא הָאֱלֹהִים"...
(מלכים א' טז' 36-39)
>אִיזֶבֶל...וְאֵלִיָּהוּ
"וַתִּשְׁלַח אִיזֶבֶל מַלְאָךְ אֶל-אֵלִיָּהוּ לֵאמֹר"
"כֹּה-יַעֲשׂוּן אֱלֹהִים וְכֹה יוֹסִפוּן"
"כִּי-כָעֵת מָחָר אָשִׂים אֶת-נַפְשְׁךָ כְּנֶפֶשׁ אַחַד מֵהֶם"...
(מלכים א' יט' 2)
>אֵלִיָּהוּ...בְּהַר הָאֱלֹהִים חֹרֵב..."קוֹל דְּמָמָה דַקָּה"
"וְהִנֵּה יְהוָה עֹבֵר"
"וְרוּחַ גְּדוֹלָה וְחָזָק מְפָרֵק הָרִים וּמְשַׁבֵּר סְלָעִים לִפְנֵי יְהוָה"
"לֹא בָרוּחַ יְהוָה"
"וְאַחַר הָרוּחַ רַעַשׁ"
"לֹא בָרַעַשׁ יְהוָה"
"וְאַחַר הָרַעַשׁ אֵשׁ"
"לֹא בָאֵשׁ יְהוָה"
"וְאַחַר הָאֵשׁ"
"קוֹל דְּמָמָה דַקָּה"
"וַיְהִי כִּשְׁמֹעַ אֵלִיָּהוּ"
"וַיָּלֶט פָּנָיו בְּאַדַּרְתּוֹ"
"וַיֵּצֵא וַיַּעֲמֹד פֶּתַח הַמְּעָרָה"...
(מלכים א' יט' 11-13)
>אַחְאָב - נֶגֶד - נָבוֹת הַיִּזְרְעֵאלִי
א)
"וַיְהִי אַחַר הַדְּבָרִים הָאֵלֶּה"
"כֶּרֶם הָיָה לְנָבוֹת הַיִּזְרְעֵאלִי אֲשֶׁר בְּיִזְרְעֶאל"
"אֵצֶל הֵיכַל אַחְאָב מֶלֶךְ שֹׁמְרוֹן"
"וַיְדַבֵּר אַחְאָב אֶל-נָבוֹת לֵאמֹר"
"תְּנָה-לִּי אֶת-כַּרְמְךָ וִיהִי-לִי לְגַן-יָרָק"
"כִּי הוּא קָרוֹב אֵצֶל בֵּיתִי"
"וְאֶתְּנָה לְךָ תַּחְתָּיו כֶּרֶם טוֹב מִמֶּנּוּ"
"אִם טוֹב בְּעֵינֶיךָ אֶתְּנָה-לְךָ כֶסֶף מְחִיר זֶה"
"וַיֹּאמֶר נָבוֹת אֶל-אַחְאָב"
"חָלִילָה לִּי מֵיְהוָה מִתִּתִּי אֶת-נַחֲלַת אֲבֹתַי לָךְ"...
(מלכים א' כא' 1-3)
ב)
"וַיַּעֲשׂוּ אַנְשֵׁי עִירוֹ הַזְּקֵנִים וְהַחֹרִים"
"אֲשֶׁר הַיֹּשְׁבִים בְּעִירוֹ"
"כַּאֲשֶׁר שָׁלְחָה אֲלֵיהֶם אִיזָבֶל"
"כַּאֲשֶׁר כָּתוּב בַּסְּפָרִים אֲשֶׁר שָׁלְחָה אֲלֵיהֶם"
"קָרְאוּ צוֹם וְהֹשִׁיבוּ אֶת-נָבוֹת בְּרֹאשׁ הָעָם"
"וַיָּבֹאוּ שְׁנֵי הָאֲנָשִׁים בְּנֵי-בְלִיַּעַל"
"וַיֵּשְׁבוּ נֶגְדּוֹ"
"וַיְעִדֻהוּ אַנְשֵׁי הַבְּלִיַּעַל אֶת-נָבוֹת נֶגֶד הָעָם לֵאמֹר"
"בֵּרַךְ נָבוֹת אֱלֹהִים וָמֶלֶךְ"
"וַיֹּצִאֻהוּ מִחוּץ לָעִיר"
"וַיִּסְקְלֻהוּ בָאֲבָנִים וַיָּמֹת"...
(מלכים א' כא' 11-13)
"כֹּה אָמַר יְהוָה"
"הֲרָצַחְתָּ וְגַם-יָרָשְׁתָּ"...
(מלכים א' כא' 19)
>"כִּי הַמִּשְׁפָּט לֵאלֹהִים הוּא"...(דברים א' 17)
"מַתָּן בַּסֵּתֶר" הוא המשל...והנמשל הוא "שֹׁחַד בַּחֵק"...
פסולה האפשרות כי באמצעות "מתן בסתר" יכפר שופט המתחרט על חטאו כי לקח שוחד...ויזכה בכפרה... גם אם פסק דינו לא גרם נזק לאף אחד מבעלי הדין...
הלא וודאי שופט...ככל האדם מְצֻוֶּה לנהוג כמנהג האלהים...
והלא בזאת גדולת האלהים:
"כִּי יְהוָה אֱלֹהֵיכֶם--הוּא אֱלֹהֵי הָאֱלֹהִים וַאֲדֹנֵי הָאֲדֹנִים"
"הָאֵל הַגָּדֹל הַגִּבֹּר וְהַנּוֹרָא"
"אֲשֶׁר לֹא-יִשָּׂא פָנִים"
"וְלֹא יִקַּח שֹׁחַד"...
(דברים י' 17)
להלן מצוות השופט:
"שֹׁפְטִים וְשֹׁטְרִים"
"תִּתֶּן-לְךָ בְּכָל-שְׁעָרֶיךָ אֲשֶׁר יְהוָה אֱלֹהֶיךָ נֹתֵן לְךָ לִשְׁבָטֶיךָ"
"וְשָׁפְטוּ אֶת-הָעָם מִשְׁפַּט-צֶדֶק"
"לֹא-תַטֶּה מִשְׁפָּט"
"לֹא תַכִּיר פָּנִים"
"וְלֹא-תִקַּח שֹׁחַד"
"כִּי הַשֹּׁחַד יְעַוֵּר עֵינֵי חֲכָמִים"
"וִיסַלֵּף דִּבְרֵי צַדִּיקִם"
"צֶדֶק צֶדֶק תִּרְדֹּף"
"לְמַעַן תִּחְיֶה"
"וְיָרַשְׁתָּ אֶת-הָאָרֶץ אֲשֶׁר-יְהוָה אֱלֹהֶיךָ נֹתֵן לָךְ"...
(דברים טז' 18-20)
כלומר...שופט "לֹא יִקַּח שֹׁחַד"...
לפי-כך, אם שופט לקח שוחד...הוא כבר לקח...הוא כבר חטא...אין לו כפרה...כי "צדק" לא רדף...
ובמדידת אבחון הדקויות...אין לו כפרה...כי שופט יכול גם לקחת שוחד מיני...ולא ממון...
מובן כי מעצם הניסיון לשחד את האלהים..."יִדְבַּק בְּיָדְךָ מְאוּמָה" ואכן, על זאת...לא..."יָשׁוּב יְהוָה מֵחֲרוֹן אַפּוֹ"...(דברים יג' 18)
על-אף שהוא האלהים..."אֵל רַחוּם וְחַנּוּן--אֶרֶךְ אַפַּיִם וְרַב-חֶסֶד וֶאֱמֶת"...(שמות לד' 6)
ואמנם "אָף"...יש גם לאלהים להריח בו ריח ניחוח ו/או לבעור בו...אולם "אַפַּיִם"...גם "פָּנִים" הם... ורק שם הסליחה...כי "לֹא-יִשָּׂא פָנִים"...
אם-כן, "מַתָּן בַּסֵּתֶר" הוא המשל...והנמשל הוא "שֹׁחַד בַּחֵק"...
וללא ספק ברור כי "מתן בסתר" כמוהו כנתינת שוחד לאלהים...ועל כך אין כפרה...
מכאן, "מַתָּן בַּסֵּתֶר יִכְפֶּה-אָף"...גורס כי "מתן בסתר" יכפה את זעם אלהים על הנותן בסתר...
כאשר "וְשֹׁחַד בַּחֵק חֵמָה עַזָּה"...גורס כי "שוחד בחיק" יעלה את חמת אלהים עד "חמה עזה" על המוציא מן החיק (בסתר) את השוחד לאלהים...
בזאת נבחנת "תבונת האדם"...
כי אין לאפשר לשופט שכבר לקח וחטא...להחזיר שוחד בדרך של "מַתָּן בַּסֵּתֶר"...
וודאי סליחה וכפרה לא תהיה לשופט שהעדיף קבלת עדות שקר...כי "צֶדֶק" לא שפט...
כדוגמת שופטיו של נָבוֹת הַיִּזְרְעֵאלִי...כי "צֶדֶק" לא שפטו...
>נְבוּאַת אֵלִיָּהוּ לְאַחְאָב
"כֹּה אָמַר יְהוָה"
"בִּמְקוֹם אֲשֶׁר לָקְקוּ הַכְּלָבִים אֶת-דַּם נָבוֹת"
"יָלֹקּוּ הַכְּלָבִים אֶת-דָּמְךָ גַּם-אָתָּה"...
"וְהִכְרַתִּי לְאַחְאָב מַשְׁתִּין בְּקִיר וְעָצוּר וְעָזוּב בְּיִשְׂרָאֵל"...
(מלכים א' כא' 19-21)
"הֲרָאִיתָ כִּי-נִכְנַע אַחְאָב מִלְּפָנָי"
"יַעַן כִּי-נִכְנַע מִפָּנַי"
"לֹא-אָבִי הָרָעָה בְּיָמָיו"
"בִּימֵי בְנוֹ אָבִיא הָרָעָה עַל-בֵּיתוֹ"...
(מלכים א' כא' 29)
>אַחְאָב...וִיְהוֹשָׁפָט מֶלֶךְ-יְהוּדָה
א)
"וַיְהִי לִיהוֹשָׁפָט עֹשֶׁר וְכָבוֹד לָרֹב"
"וַיִּתְחַתֵּן לְאַחְאָב"
"וַיֵּרֶד לְקֵץ שָׁנִים אֶל-אַחְאָב לְשֹׁמְרוֹן"
"וַיִּזְבַּח-לוֹ אַחְאָב צֹאן וּבָקָר לָרֹב"
"וְלָעָם אֲשֶׁר עִמּוֹ"
"וַיְסִיתֵהוּ לַעֲלוֹת אֶל-רָמֹת גִּלְעָד"
"וַיֹּאמֶר אַחְאָב"...
(דבה"י ב' יח' 1-3)
ב)
"וַיֹּאמֶר >>(אַחְאָב)<< מֶלֶךְ-יִשְׂרָאֵל אֶל-עֲבָדָיו"
"הַיְדַעְתֶּם כִּי-לָנוּ רָמֹת גִּלְעָד וַאֲנַחְנוּ מַחְשִׁים--מִקַּחַת אֹתָהּ מִיַּד מֶלֶךְ אֲרָם"
"וַיֹּאמֶר אֶל-יְהוֹשָׁפָט"
"הֲתֵלֵךְ אִתִּי לַמִּלְחָמָה רָמֹת גִּלְעָד"
"וַיֹּאמֶר יְהוֹשָׁפָט אֶל-מֶלֶךְ יִשְׂרָאֵל"
"כָּמוֹנִי כָמוֹךָ כְּעַמִּי כְעַמֶּךָ כְּסוּסַי כְּסוּסֶיךָ"
"וַיֹּאמֶר יְהוֹשָׁפָט אֶל-מֶלֶךְ יִשְׂרָאֵל דְּרָשׁ-נָא כַיּוֹם אֶת-דְּבַר יְהוָה"...
(מלכים א' כב' 2-5)
ג)
"וַיֹּאמֶר יְהוָה"
"מִי יְפַתֶּה אֶת-אַחְאָב וְיַעַל וְיִפֹּל בְּרָמֹת גִּלְעָד"
"וַיֹּאמֶר זֶה בְּכֹה וְזֶה אֹמֵר בְּכֹה"
"וַיֵּצֵא הָרוּחַ וַיַּעֲמֹד לִפְנֵי יְהוָה וַיֹּאמֶר אֲנִי אֲפַתֶּנּוּ"
"וַיֹּאמֶר יְהוָה אֵלָיו בַּמָּה"
"וַיֹּאמֶר אֵצֵא וְהָיִיתִי רוּחַ שֶׁקֶר בְּפִי כָּל-נְבִיאָיו"
"וַיֹּאמֶר תְּפַתֶּה וְגַם-תּוּכָל--צֵא וַעֲשֵׂה-כֵן"
"וְעַתָּה הִנֵּה נָתַן יְהוָה רוּחַ שֶׁקֶר בְּפִי כָּל-נְבִיאֶיךָ אֵלֶּה"
"וַיהוָה דִּבֶּר עָלֶיךָ רָעָה"...
(מלכים א' כב' 20-23)
ד)
"וַיְהִי כִּרְאוֹת שָׂרֵי הָרֶכֶב אֶת-יְהוֹשָׁפָט"
"וְהֵמָּה אָמְרוּ מֶלֶךְ יִשְׂרָאֵל הוּא"
"וַיָּסֹבּוּ עָלָיו לְהִלָּחֵם"
"וַיִּזְעַק יְהוֹשָׁפָט וַיהוָה עֲזָרוֹ"
"וַיְסִיתֵם אֱלֹהִים מִמֶּנּוּ"
"וַיְהִי כִּרְאוֹת שָׂרֵי הָרֶכֶב כִּי לֹא-הָיָה מֶלֶךְ יִשְׂרָאֵל--וַיָּשׁוּבוּ מֵאַחֲרָיו"...
(דבה"י ב' יח' 31-32)
ה)
"וְאִישׁ מָשַׁךְ בַּקֶּשֶׁת לְתֻמּוֹ"
"וַיַּכֶּה אֶת-מֶלֶךְ יִשְׂרָאֵל בֵּין הַדְּבָקִים וּבֵין הַשִּׁרְיָן"
"וַיֹּאמֶר לְרַכָּבוֹ הֲפֹךְ יָדְךָ וְהוֹצִיאֵנִי מִן-הַמַּחֲנֶה--כִּי הָחֳלֵיתִי"
"וַתַּעֲלֶה הַמִּלְחָמָה בַּיּוֹם הַהוּא"
"וְהַמֶּלֶךְ הָיָה מָעֳמָד בַּמֶּרְכָּבָה נֹכַח אֲרָם וַיָּמָת בָּעֶרֶב"
"וַיִּצֶק דַּם-הַמַּכָּה אֶל-חֵיק הָרָכֶב"
"וַיַּעֲבֹר הָרִנָּה בַּמַּחֲנֶה כְּבֹא הַשֶּׁמֶשׁ לֵאמֹר אִישׁ אֶל-עִירוֹ וְאִישׁ אֶל-אַרְצוֹ"
"וַיָּמָת הַמֶּלֶךְ וַיָּבוֹא שֹׁמְרוֹן"
"וַיִּקְבְּרוּ אֶת-הַמֶּלֶךְ בְּשֹׁמְרוֹן"
"וַיִּשְׁטֹף אֶת-הָרֶכֶב עַל בְּרֵכַת שֹׁמְרוֹן"
"וַיָּלֹקּוּ הַכְּלָבִים אֶת-דָּמוֹ"
"וְהַזֹּנוֹת רָחָצוּ"
"כִּדְבַר יְהוָה אֲשֶׁר דִּבֵּר"...
(מלכים א' כב' 34-38)
>יְהוֹרָם בֶּן יְהוֹשָׁפָט
"וַיָּקָם יְהוֹרָם עַל-מַמְלֶכֶת אָבִיו"
"וַיִּתְחַזַּק וַיַּהֲרֹג אֶת-כָּל-אֶחָיו בֶּחָרֶב" >>(כִּי אִשְׁתּוֹ עֲתַלְיָה בַּת-אַחְאָב יוֹעַצְתּוֹ לְהַרְשִׁיעַ)<<
"וְגַם מִשָּׂרֵי יִשְׂרָאֵל"
"בֶּן-שְׁלֹשִׁים וּשְׁתַּיִם שָׁנָה יְהוֹרָם בְּמָלְכוֹ"
"וּשְׁמוֹנֶה שָׁנִים מָלַךְ בִּירוּשָׁלִָם"
"וַיֵּלֶךְ בְּדֶרֶךְ מַלְכֵי יִשְׂרָאֵל"
"כַּאֲשֶׁר עָשׂוּ בֵּית אַחְאָב"
"כִּי בַּת-אַחְאָב הָיְתָה לּוֹ אִשָּׁה" >>(אֵם אֲחַזְיָהוּ עֲתַלְיָה בַּת-אַחְאָב הָיְתָה לּוֹ לִיְהוֹרָם אִשָּׁה)<<
"וַיַּעַשׂ הָרַע בְּעֵינֵי יְהוָה"
"וְלֹא-אָבָה יְהוָה לְהַשְׁחִית אֶת-בֵּית דָּוִיד"
"לְמַעַן הַבְּרִית אֲשֶׁר כָּרַת לְדָוִיד"
"וְכַאֲשֶׁר אָמַר לָתֵת לוֹ נִיר וּלְבָנָיו--כָּל-הַיָּמִים"...
(דבה"י ב' כא' 4-7)
>מִכְתָּב אֵלִיָּהוּ...לִיְהוֹרָם בֶּן יְהוֹשָׁפָט
"וַיָּבֹא אֵלָיו מִכְתָּב מֵאֵלִיָּהוּ הַנָּבִיא לֵאמֹר"
"כֹּה אָמַר יְהוָה אֱלֹהֵי דָּוִיד אָבִיךָ"
"תַּחַת אֲשֶׁר לֹא-הָלַכְתָּ בְּדַרְכֵי יְהוֹשָׁפָט אָבִיךָ"
"וּבְדַרְכֵי אָסָא מֶלֶךְ-יְהוּדָה"
"וַתֵּלֶךְ בְּדֶרֶךְ מַלְכֵי יִשְׂרָאֵל"
"וַתַּזְנֶה אֶת-יְהוּדָה וְאֶת-יֹשְׁבֵי יְרוּשָׁלִַם כְּהַזְנוֹת בֵּית אַחְאָב"
"וְגַם אֶת-אַחֶיךָ בֵית-אָבִיךָ הַטּוֹבִים מִמְּךָ הָרָגְתָּ"
"הִנֵּה יְהוָה נֹגֵף מַגֵּפָה גְדוֹלָה--ְּעַמֶּךָ"
"וּבְבָנֶיךָ וּבְנָשֶׁיךָ וּבְכָל-רְכוּשֶׁךָ"
"וְאַתָּה בָּחֳלָיִים רַבִּים בְּמַחֲלֵה מֵעֶיךָ"
"עַד-יֵצְאוּ מֵעֶיךָ מִן-הַחֹלִי יָמִים עַל-יָמִים"...
(דבה"י ב' כא' 12-15)
>יֵהוּא...מגשים את...נְבוּאַת אֵלִיָּהוּ לְאַחְאָב
"וְאֵת יֵהוּא בֶן-נִמְשִׁי תִּמְשַׁח לְמֶלֶךְ עַל-יִשְׂרָאֵל"...
(מלכים א' יט' 16)
א)
"וַיִּרְכַּב יֵהוּא וַיֵּלֶךְ יִזְרְעֶאלָה"
"כִּי יוֹרָם שֹׁכֵב שָׁמָּה" >> (יוֹרָם בֶּן-אַחְאָב)...(דבה"י ב' כב' 6)...(וַיָּשָׁב לְהִתְרַפֵּא בְיִזְרְעֶאל)<<
"וַאֲחַזְיָה מֶלֶךְ יְהוּדָה יָרַד לִרְאוֹת אֶת-יוֹרָם"...
(מלכים ב' ט' 16)
ב)
"וְיֵהוּא מִלֵּא יָדוֹ בַקֶּשֶׁת"
"וַיַּךְ אֶת-יְהוֹרָם בֵּין זְרֹעָיו" >> (יְהוֹרָם בֶּן-אַחְאָב)<<
"וַיֵּצֵא הַחֵצִי מִלִּבּוֹ וַיִּכְרַע בְּרִכְבּוֹ"
"וַיֹּאמֶר אֶל-בִּדְקַר שָׁלִשֹׁה"
"שָׂא הַשְׁלִכֵהוּ בְּחֶלְקַת שְׂדֵה נָבוֹת הַיִּזְרְעֵאלִי"
"כִּי-זְכֹר אֲנִי וָאַתָּה אֵת רֹכְבִים צְמָדִים אַחֲרֵי אַחְאָב אָבִיו"
"וַיהוָה נָשָׂא עָלָיו אֶת-הַמַּשָּׂא הַזֶּה"
"אִם-לֹא אֶת-דְּמֵי נָבוֹת וְאֶת-דְּמֵי בָנָיו רָאִיתִי אֶמֶשׁ נְאֻם-יְהוָה"
"וְשִׁלַּמְתִּי לְךָ בַּחֶלְקָה הַזֹּאת נְאֻם-יְהוָה"
"וְעַתָּה שָׂא הַשְׁלִכֵהוּ בַּחֶלְקָה--כִּדְבַר יְהוָה"...
(מלכים ב' ט' 24-26)
ג) ...וּכְשָׁפֶיהָ שֶׁל אִיזֶבֶל הָאֲרוּרָה:
"וַיָּבוֹא יֵהוּא יִזְרְעֶאלָה"
"וְאִיזֶבֶל שָׁמְעָה"
"וַתָּשֶׂם בַּפּוּךְ עֵינֶיהָ"
"וַתֵּיטֶב אֶת-רֹאשָׁהּ"
"וַתַּשְׁקֵף בְּעַד הַחַלּוֹן"
"וְיֵהוּא בָּא בַשָּׁעַר"
"וַתֹּאמֶר הֲשָׁלוֹם זִמְרִי הֹרֵג אֲדֹנָיו"
"וַיִּשָּׂא פָנָיו אֶל-הַחַלּוֹן"
"וַיֹּאמֶר מִי אִתִּי מִי"
"וַיַּשְׁקִיפוּ אֵלָיו שְׁנַיִם שְׁלֹשָׁה סָרִיסִים"
"וַיֹּאמֶר שִׁמְטוּהָ וַיִּשְׁמְטוּהָ"
"וַיִּז מִדָּמָהּ אֶל-הַקִּיר וְאֶל-הַסּוּסִים וַיִּרְמְסֶנָּה"
"וַיָּבֹא וַיֹּאכַל וַיֵּשְׁתְּ"
"וַיֹּאמֶר פִּקְדוּ-נָא אֶת-הָאֲרוּרָה הַזֹּאת"
"וְקִבְרוּהָ--כִּי בַת-מֶלֶךְ הִיא"
"וַיֵּלְכוּ לְקָבְרָהּ"
"וְלֹא-מָצְאוּ בָהּ כִּי אִם-הַגֻּלְגֹּלֶת וְהָרַגְלַיִם--וְכַפּוֹת הַיָּדָיִם"
"וַיָּשֻׁבוּ וַיַּגִּידוּ לוֹ"
"וַיֹּאמֶר דְּבַר-יְהוָה הוּא אֲשֶׁר דִּבֶּר בְּיַד-עַבְדּוֹ אֵלִיָּהוּ הַתִּשְׁבִּי לֵאמֹר"
"בְּחֵלֶק יִזְרְעֶאל יֹאכְלוּ הַכְּלָבִים אֶת-בְּשַׂר אִיזָבֶל"
"וְהָיְתָה נִבְלַת אִיזֶבֶל כְּדֹמֶן עַל-פְּנֵי הַשָּׂדֶה--בְּחֵלֶק יִזְרְעֶאל"
"אֲשֶׁר לֹא-יֹאמְרוּ זֹאת אִיזָבֶל"...
(מלכים ב' ט' 30-37)
ד)
"וַיָּבֹא שֹׁמְרוֹן"
"וַיַּךְ אֶת-כָּל-הַנִּשְׁאָרִים לְאַחְאָב בְּשֹׁמְרוֹן"
"עַד-הִשְׁמִדוֹ--כִּדְבַר יְהוָה אֲשֶׁר דִּבֶּר אֶל-אֵלִיָּהוּ"...
(מלכים ב' י' 17)
ה)
"וַיְהִי כְּהִשָּׁפֵט יֵהוּא עִם-בֵּית אַחְאָב"
"וַיִּמְצָא אֶת-שָׂרֵי יְהוּדָה וּבְנֵי אֲחֵי אֲחַזְיָהוּ"
"מְשָׁרְתִים לַאֲחַזְיָהוּ--וַיַּהַרְגֵם"
"וַיְבַקֵּשׁ אֶת-אֲחַזְיָהוּ"
"וַיִּלְכְּדֻהוּ וְהוּא מִתְחַבֵּא בְשֹׁמְרוֹן"
"וַיְבִאֻהוּ אֶל-יֵהוּא וַיְמִיתֻהוּ וַיִּקְבְּרֻהוּ"
>>"וַיַּרְכִּבוּ אֹתוֹ עֲבָדָיו יְרוּשָׁלְָמָה וַיִּקְבְּרוּ אֹתוֹ בִקְבֻרָתוֹ עִם-אֲבֹתָיו בְּעִיר דָּוִד"... (מלכים ב' ט' 28)<<
"כִּי אָמְרוּ בֶּן-יְהוֹשָׁפָט הוּא אֲשֶׁר-דָּרַשׁ אֶת-יְהוָה בְּכָל-לְבָבוֹ"
"וְאֵין לְבֵית אֲחַזְיָהוּ לַעְצֹר כֹּחַ לְמַמְלָכָה"...
(דבה"י ב' כב' 8-9)
>עֲתַלְיָה הַמִּרְשַׁעַת...וַתְּאַבֵּד אֵת כָּל-זֶרַע הַמַּמְלָכָה
"וַעֲתַלְיָה אֵם אֲחַזְיָהוּ"
"רָאֲתָה כִּי מֵת בְּנָהּ"
"וַתָּקָם וַתְּאַבֵּד אֵת כָּל-זֶרַע הַמַּמְלָכָה"
"וַתִּקַּח יְהוֹשֶׁבַע בַּת-הַמֶּלֶךְ-יוֹרָם אֲחוֹת אֲחַזְיָהוּ אֶת-יוֹאָשׁ בֶּן-אֲחַזְיָה"
"וַתִּגְנֹב אֹתוֹ מִתּוֹךְ בְּנֵי-הַמֶּלֶךְ הַמּוּמָתִים"
"אֹתוֹ וְאֶת-מֵינִקְתּוֹ בַּחֲדַר הַמִּטּוֹת"
"וַיַּסְתִּרוּ אֹתוֹ מִפְּנֵי עֲתַלְיָהוּ וְלֹא הוּמָת"
"וַיְהִי אִתָּהּ בֵּית יְהוָה מִתְחַבֵּא שֵׁשׁ שָׁנִים"
"וַעֲתַלְיָה מֹלֶכֶת עַל-הָאָרֶץ"...
(מלכים ב' יא' 1-3)
>עֲתַלְיָה וּבָנֶיהָ... >>(בָּנֶיהָ כנראה עובדי הבעל)<<
"כִּי עֲתַלְיָהוּ הַמִּרְשַׁעַת"
"בָּנֶיהָ פָרְצוּ אֶת-בֵּית הָאֱלֹהִים"
"וְגַם כָּל-קָדְשֵׁי בֵית-יְהוָה עָשׂוּ לַבְּעָלִים"...
(דבה"י ב' כד' 7)
באותם ימים:
החביא "כֹּהֵן הָרֹאשׁ" אולי "צָדוֹק II" ואולי "שַׁלּוּם" את "סֵפֶר הַתּוֹרָה"...מפני עֲתַלְיָה...
263 שנה אח"כ:
"וַיַּעַן חִלְקִיָּהוּ וַיֹּאמֶר אֶל-שָׁפָן הַסּוֹפֵר סֵפֶר הַתּוֹרָה מָצָאתִי בְּבֵית יְהוָה"...
(דבה"י ב' לד' 15)
>יְהוֹיָדָע הַכֹּהֵן...וְיוֹאָשׁ בֶּן-אֲחַזְיָהוּ
א)
"וּבַשָּׁנָה הַשְּׁבִיעִית"
"שָׁלַח יְהוֹיָדָע וַיִּקַּח אֶת-שָׂרֵי הַמֵּאוֹת לַכָּרִי וְלָרָצִים"
"וַיָּבֵא אֹתָם אֵלָיו בֵּית יְהוָה"
"וַיִּכְרֹת לָהֶם בְּרִית"
"וַיַּשְׁבַּע אֹתָם בְּבֵית יְהוָה"
"וַיַּרְא אֹתָם אֶת-בֶּן-הַמֶּלֶךְ"...
(מלכים ב' יא' 4)
ב)
"וַיּוֹצִא אֶת-בֶּן-הַמֶּלֶךְ"
"וַיִּתֵּן עָלָיו אֶת-הַנֵּזֶר וְאֶת-הָעֵדוּת"
"וַיַּמְלִכוּ אֹתוֹ וַיִּמְשָׁחֻהוּ"
"וַיַּכּוּ-כָף--וַיֹּאמְרוּ יְחִי הַמֶּלֶךְ"...
(מלכים ב' יא' 12)
"וְשֵׁם אִמּוֹ צִבְיָה מִבְּאֵר שָׁבַע"... >>(סוף לתורשת אִיזָבֶל וְאַחְאָב)<< ...>>(בחופף לנבואת שמואל על בֵּית עֵלִי)<<
(מלכים ב' יב' 2)
>קֵץ בֵּית אַחְאָב
"וַתִּשְׁמַע עֲתַלְיָה אֶת-קוֹל הָרָצִין הָעָם"
"וַתָּבֹא אֶל-הָעָם בֵּית יְהוָה"
"וַתֵּרֶא וְהִנֵּה הַמֶּלֶךְ עֹמֵד עַל-הָעַמּוּד כַּמִּשְׁפָּט"
"וְהַשָּׂרִים וְהַחֲצֹצְרוֹת אֶל-הַמֶּלֶךְ"
"וְכָל-עַם הָאָרֶץ שָׂמֵחַ וְתֹקֵעַ בַּחֲצֹצְרוֹת"
"וַתִּקְרַע עֲתַלְיָה אֶת-בְּגָדֶיהָ וַתִּקְרָא קֶשֶׁר קָשֶׁר"
"וַיְצַו יְהוֹיָדָע הַכֹּהֵן אֶת-שָׂרֵי הַמֵּאוֹת פְּקֻדֵי הַחַיִל"
"וַיֹּאמֶר אֲלֵיהֶם"
"הוֹצִיאוּ אֹתָהּ אֶל-מִבֵּית לַשְּׂדֵרֹת"
"וְהַבָּא אַחֲרֶיהָ הָמֵת בֶּחָרֶב"
"כִּי אָמַר הַכֹּהֵן אַל-תּוּמַת בֵּית יְהוָה"
"וַיָּשִׂמוּ לָהּ יָדַיִם"
"וַתָּבוֹא דֶּרֶךְ-מְבוֹא הַסּוּסִים בֵּית הַמֶּלֶךְ וַתּוּמַת שָׁם"...
(מלכים ב' יא' 13-16)
מקורות[עריכה]
על-פי מאמר של רמי ניר שפורסם לראשונה ב אתר הניווט בתנך בתאריך 2007-04-04.
דף זה הוסב אוטומטית מאתר הניווט בתנ"ך. (הקישור המקורי) יתכן שבגלל שגיאה בתוכנת ההסבה נפלו טעויות. אתם מוזמנים לתקן את הטעויות, ולמחוק הודעה זו מהדף.
קיצור דרך: tnk1/messages/sofrim_rami_index_17