ארך אפים אתה
מסגרת סליחות ליום כיפור בסידור רב סעדיה גאון[1]
אֶרֶךְ אַפַּיִם אַתָּה
בַּעַל הָרַחֲמִים נִקְרֵאתָ
גְּדֻלַּת רַחֲמֶיךָ וְחַסְדֶּךָ
דָּע עָנָו מִקֶּדֶם
וְכֵן כָּתוּב בְּתוֹרָתְךָ: וַיֵּ֤רֶד יְהוָה֙ בֶּעָנָ֔ן וַיִּתְיַצֵּ֥ב עִמּ֖וֹ שָׁ֑ם וַיִּקְרָ֥א בְשֵׁ֖ם יְהוָֽה: וַיַּעֲבֹ֨ר יְהוָ֥ה ׀ עַל־פָּנָיו֘ וַיִּקְרָא֒ יְהוָ֣ה ׀ יְהוָ֔ה אֵ֥ל רַח֖וּם וְחַנּ֑וּן אֶ֥רֶךְ אַפַּ֖יִם וְרַב־חֶ֥סֶד וֶאֱמֶֽת: נֹצֵ֥ר חֶ֙סֶד֙ לָאֲלָפִ֔ים נֹשֵׂ֥א עָוֺ֛ן וָפֶ֖שַׁע וְחַטָּאָ֑ה וְנַקֵּה֙. חָטָאנוּ צוּרֵנוּ סְלַח לָנוּ יוֹצְרֵנוּ.
(אומרים כאן שאר סליחות) והציבור עונה אחר כל אלף-בית ויעבור, ואחר כל הסליחות אומרים את הדברים האלה והם המשך האלף-בית:
הִרְבִּינוּ לִפְשֹׁעַ
וּבִקֵּשׁ צִיר בַּעֲדֵנוּ
זָעַק לְפָנֶיךָ ״סְלַח נָא״
חֲנַנְתּוֹ ״סָלַחְתִּי״
כַּדָּבָר שֶׁנֶּאֱמַר: סְלַֽח־נָ֗א לַעֲוֺ֛ן הָעָ֥ם הַזֶּ֖ה כְּגֹ֣דֶל חַסְדֶּ֑ךָ וְכַאֲשֶׁ֤ר נָשָׂ֙אתָה֙ לָעָ֣ם הַזֶּ֔ה מִמִּצְרַ֖יִם וְעַד־הֵֽנָּה׃ וְאַף אַתָּה שָׁמַעְתָּ תְּפִלָּתוֹ עָשִׂיתָ בַּקָּשָׁתוֹ הֲשֵׁבֹתוֹ כְּדַרְכֵי טוּבְךָ חֲנַנְתּוֹ וּבְשָׂרָתוֹ וְאָמַרְתָּ לוֹ סָלַחְתִּי כִּדְבָרֶיךָ כַּדָּבָר שֶׁנֶּאֱמַר: וַיֹּ֣אמֶר יְהֹוָ֔ה סָלַ֖חְתִּי כִּדְבָרֶֽךָ׃
טָרַדְתָּ רַבָּתִי עָם
יָשְׁבָה בָּדָד
כִּי הֵעִיזָה מֵצַח
לֵאמֹר לֹא חָטָאתִי
וְאָנוּ בּוֹשִׁים בְּמַעֲשֵׂינוּ נִכְלָמִים בְּעוֹנוֹתֵינוּ נָמַס לִבֵּנוּ מִפְּנֵי חֲטָאֵינוּ נִכְפְּפָה קוֹמָתֵנוּ מִפְּנֵי אַשְׁמָתֵנוּ אֵין לָנוּ פֶּה לְהָשִׁיב וְלֹא מֵצַח לְהָרִים רֹאשׁ הֵיאַךְ אָנוּ יְכוֹלִין שֶׁנָּעִיז אֶת פָּנֵינוּ וְנָקְשָׁה אֶת עָרְפֵּנוּ וְנִפְתַּח פִּנּוּ וְנֹאמַר לְפָנֶיךָ צַדִּיקִים אֲנַחְנוּ וְלֹא חָטָאנוּ אֲבָל חָטָאנוּ עָוִינוּ פָּשַׁעְנוּ מָרַדְנוּ וְסַרְנוּ מִמַּצּוֹתֶיךָ וּמִמִּשְׁפָּטֶיךָ הַטּוֹבִים וְלֹא שָׁוָה לָנוּ וְאַתָּ֣ה צַדִּ֔יק עַ֖ל כָּל־הַבָּ֣א עָלֵ֑ינוּ כִּֽי־אֱמֶ֥ת עָשִׂ֖יתָ וַאֲנַ֥חְנוּ הִרְשָֽׁעְנוּ:
מֶלֶךְ הַכָּבוֹד
נְצֹר זֹאת לָעַד
שִׂיחַת אִישׁ חֲמוּדוֹת
עַל עִירְךָ וְעַל עַמֶּךָ
כַּדָּבָר שֶׁנֶּאֱמַר: הַטֵּ֨ה אֱלֹהַ֥י ׀ אָזְנְךָ֘ וּֽשֲׁמָע֒ (פְּקַ֣חה) פְּקַ֣ח עֵינֶ֗יךָ וּרְאֵה֙ שֹֽׁמְמֹתֵ֔ינוּ וְהָעִ֕יר אֲשֶׁר־נִקְרָ֥א שִׁמְךָ֖ עָלֶ֑יהָ כִּ֣י׀ לֹ֣א עַל־צִדְקֹתֵ֗ינוּ אֲנַ֨חְנוּ מַפִּילִ֤ים תַּחֲנוּנֵ֙ינוּ֙ לְפָנֶ֔יךָ כִּ֖י עַל־רַחֲמֶ֥יךָ הָרַבִּֽים: אֲדנָ֤י ׀ שְׁמָ֙עָה֙ אֲדנָ֣י ׀ סְלָ֔חָה אֲדנָ֛י הַֽקְשִׁ֥יבָה וַעֲשֵׂ֖ה אַל־תְּאַחַ֑ר לְמַעַנְךָ֣ אֱלֹהַ֔י כִּֽי־שִׁמְךָ֣ נִקְרָ֔א עַל־עִירְךָ֖ וְעַל־עַמֶּֽךָ: עַמְּךָ רְעֵבֵי טוּבְךָ צְמָאִי צִדְקֶךָ מְחַכֵּי יִשְׁעֶךָ יַכִּירוּ וְיֵדְעוּ כִּי לַה׳ אֱלֹהֵינוּ הָרַחֲמִים וְהַסְּלִחוֹת.
פָּנַי מָכְלָמוֹת
צָעַק סוֹפֵר
קוֹל וִדּוּי עָרַךְ
רַבּוּ פְּשָׁעֵינוּ לְמַעְלָה רֹּאשׁ
כַּדָּבָר שֶׁנֶּאֱמַר: אֱלֹהַי֙ בֹּ֣שְׁתִּי וְנִכְלַ֔מְתִּי לְהָרִ֧ים אֱלֹהַ֛י פָּנַ֖י אֵלֶ֑יךָ כִּ֣י עֲוֺנֹתֵ֤ינוּ רָבוּ֙ לְמַ֣עְלָה רֹּ֔אשׁ וְאַשְׁמָתֵ֥נוּ גָדְלָ֖ה עַ֥ד לַשָּׁמָֽיִם: וְאַתָּה֩ אֱל֨וֹהַּ סְלִיח֜וֹת [חַנּ֧וּן וְרַח֛וּם] אֶֽרֶךְ־אַפַּ֥יִם וְרַב־חֶ֖סֶד וְלֹ֥א עֲזַבְתָּֽם אַל תַּעַזְבֵנוּ אָבִינוּ וְאַל תִּטְּשֵׁנוּ מַלְכֵּנוּ וְאַל תִּזְנָחֵנוּ אֱלֹהֵינוּ וְאַל תַּעַשׂ עִמָּנוּ כָּלָה כַּחֲטָאֵינוּ, עֲשֵׂה עִמָּנוּ כְּרֹב צִדְקוֹתֶיךָ, וּכְרַחֲמֶיךָ הָרַבִּים רַחֵם עָלֵינוּ.
שִׁוַּע אֵלֶיךָ
אִישׁ נְבוֹן דָּבָר
תְּחִלַּת שִׁמְךָ קָרָא
רַחוּם וְחַנּוּן סְלָחָה
כַּדָּבָר שֶׁנֶּאֱמַר: רַח֣וּם וְחַנּ֣וּן יְהוָ֑ה אֶ֖רֶךְ אַפַּ֣יִם וְרַב־חָֽסֶד: לֹא־לָנֶ֥צַח יָרִ֑יב וְלֹ֖א לְעוֹלָ֣ם יִטּֽוֹר: לֹ֣א כַ֭חֲטָאֵינוּ עָ֣שָׂה לָ֑נוּ וְלֹ֥א כַ֝עֲוֺנֹתֵ֗ינוּ גָּמַ֥ל עָלֵֽינוּ: כִּ֤י כִגְבֹ֣הַּ שָׁ֭מַיִם עַל־הָאָ֑רֶץ גָּבַ֥ר חַ֝סְדּ֗וֹ עַל־יְרֵאָֽיו: כִּרְחֹ֣ק מִ֭זְרָח מִֽמַּעֲרָ֑ב הִֽרְחִ֥יק מִ֝מֶּ֗נּוּ אֶת־פְּשָׁעֵֽינוּ: כְּרַחֵ֣ם אָ֭ב עַל־בָּנִ֑ים רַחֵם אַתָּה עָלֵינוּ.
דָּוִיד מְשִׁיחַ צִדְקְךָ אָמַר לְפָנֶיךָ אִם־עֲוֺנ֥וֹת תִּשְׁמָר־יָ֑הּ אֲ֝דנָ֗י מִ֣י יַעֲמֹֽד: כִּֽי־עִמְּךָ֥ הַסְּלִיחָ֑ה לְ֝מַ֗עַן תִּוָּרֵֽא: דִּבְרֵי עֲוֹנוֹת גָּבְרוּ מֶנּוּ פְּשָׁעֵינוּ אַתָּה תְּכַפְּרֵם.
תְּחַטְּאֵנוּ בְאֵזוֹב וְנִטְהַר תְּכַבְּסֵנוּ וּמִשֶּׁלֶג נַלְבִּין. הַסֹּלֵ֥חַ לְכָל־עֲוֺנֵ֑כִי הָ֝רֹפֵ֗א לְכָל־תַּחֲלוּאָֽיְכִי: הַגּוֹאֵ֣ל מִשַּׁ֣חַת חַיָּ֑יְכִי הַֽ֝מְעַטְּרֵ֗כִי חֶ֣סֶד וְרַחֲמִֽים: הַמַּשְׂבִּ֣יעַ בַּטּ֣וֹב עֶדְיֵ֑ךְ תִּתְחַדֵּ֖שׁ כַּנֶּ֣שֶׁר נְעוּרָֽיְכִי: ונאמר: וְה֤וּא רַח֨וּם׀ יְכַפֵּ֥ר עָוֺן֮ וְֽלֹא־יַֽ֫שְׁחִ֥ית וְ֭הִרְבָּה לְהָשִׁ֣יב אַפּ֑וֹ וְלֹא־יָ֝עִ֗יר כָּל־חֲמָתֽוֹ: ונאמר: שְׁגִיא֥וֹת מִֽי־יָבִ֑ין מִֽנִּסְתָּר֥וֹת נַקֵּֽנִי: נַקֵּנוּ יְיָ אֱלֹהֵינוּ מִכָּל פְּשָׁעֵינוּ וְטַהֲרֵנוּ מִטֻּמְאוֹתֵינוּ וּזְרֹק עָלֵינוּ מַיִם טְהוֹרִים וְטַהֵר גְּוִיָּתֵנוּ מִכָּל דָּבָר רַע הִרְהוּר עֲבֵרָה וְעָוֹן כַּדָּבָר שֶׁנֶּאֱמַר: וְזָרַקְתִּ֧י עֲלֵיכֶ֛ם מַ֥יִם טְהוֹרִ֖ים וּטְהַרְתֶּ֑ם מִכֹּ֧ל טֻמְאוֹתֵיכֶ֛ם וּמִכָּל־גִּלּ֥וּלֵיכֶ֖ם אֲטַהֵ֥ר אֶתְכֶֽם:
עֲקֹר מִמֶּנּוּ אֶת לֵב הָאֶבֶן וְתֵן לָנוּ לֵב בָּשָׂר לְיִרְאָה אֶת שְׁמֶךָ כַּדָּבָר שֶׁנֶּאֱמַר: וְנָתַתִּ֤י לָכֶם֙ לֵ֣ב חָדָ֔שׁ וְר֥וּחַ חֲדָשָׁ֖ה אֶתֵּ֣ן בְּקִרְבְּכֶ֑ם וַהֲסִ֨רֹתִ֜י אֶת־לֵ֤ב הָאֶ֙בֶן֙ מִבְּשַׂרְכֶ֔ם וְנָתַתִּ֥י לָכֶ֖ם לֵ֥ב בָּשָֽׂר:
מוֹל אֶת לְבָבֵנוּ לְתוֹרָתֶךָ וּלְיִרְאָתֶךָ וּלְאַהֲבָתֶךָ וּכְפֹף אֶת יִצְרֵנוּ לְהִשְׁתַּעְבֵּד לָךְ כַּדָּבָר שֶׁנֶּאֱמַר: וּמָ֨ל יְהוָ֧ה אֱלֹהֶ֛יךָ אֶת־לְבָבְךָ֖ וְאֶת־לְבַ֣ב זַרְעֶ֑ךָ לְאַהֲבָ֞ה אֶת־יְהוָ֧ה אֱלֹהֶ֛יךָ בְּכָל־לְבָבְךָ֥ וּבְכָל־נַפְשְׁךָ֖ לְמַ֥עַן חַיֶּֽיךָ:
פְּאֵרְךָ נָשִׂיחַ
וְעֻזֶּךָ נְרַנֵּן
בְּעֵת יְבֻקַּשׁ
עֲוֹנֵנוּ וְאֵינֶנּוּ
כַּדָּבָר שֶׁנֶּאֱמַר: בַּיָּמִ֣ים הָהֵם֩ וּבָעֵ֨ת הַהִ֜יא נְאֻם־יְהוָ֗ה יְבֻקַּ֞שׁ אֶת־עֲוֺ֤ן יִשְׂרָאֵל֙ וְאֵינֶ֔נּוּ וְאֶת־חַטֹּ֥את יְהוּדָ֖ה וְלֹ֣א תִמָּצֶ֑אינָה כִּ֥י אֶסְלַ֖ח לַאֲשֶׁ֥ר אַשְׁאִֽיר: וְנֶאֱמַר: וְלֹ֧א יְלַמְּד֣וּ ע֗וֹד אִ֣ישׁ אֶת־רֵעֵ֜הוּ וְאִ֤ישׁ אֶת־אָחִיו֙ לֵאמֹ֔ר דְּע֖וּ אֶת־יְהוָ֑ה כִּֽי־כוּלָּם֩ יֵדְע֨וּ אוֹתִ֜י לְמִקְּטַנָּ֤ם וְעַד־גְּדוֹלָם֙ נְאֻם־יְהוָ֔ה כִּ֤י אֶסְלַח֙ לַעֲוֺנָ֔ם וּלְחַטָּאתָ֖ם לֹ֥א אֶזְכָּר־עֽוֹד:
הערות
[עריכה]- ^ מקור הנוסח https://hebrewbooks.org/pdfpager.aspx?req=20685&st=&pgnum=364 על חשיבות הפיוט וסדר הפסוקים הנשלבים בתוכו ראו בוויקיפדיה