איכה ה/רכיבים

מתוך ויקיטקסט, מאגר הטקסטים החופשי
<< | ספר איכהפרק ה' • מהדורת הרכיבים |


מפרשי איכה ה

א ב ג ד ה



א זְכֹ֤ר יְהוָה֙ מֶֽה־הָ֣יָה לָ֔/נוּ הביט [הַבִּ֖יטָ/ה] וּ/רְאֵ֥ה אֶת־חֶרְפָּתֵֽ/נוּ׃ ב נַחֲלָתֵ֙/נוּ֙ נֶֽהֶפְכָ֣ה לְ/זָרִ֔ים בָּתֵּ֖י/נוּ לְ/נָכְרִֽים׃ ג יְתוֹמִ֤ים הָיִ֙ינוּ֙ אין [וְ/אֵ֣ין] אָ֔ב אִמֹּתֵ֖י/נוּ כְּ/אַלְמָנֽוֹת׃ ד מֵימֵ֙י/נוּ֙ בְּ/כֶ֣סֶף שָׁתִ֔ינוּ עֵצֵ֖י/נוּ בִּ/מְחִ֥יר יָבֹֽאוּ׃ ה עַ֤ל צַוָּארֵ֙/נוּ֙ נִרְדָּ֔פְנוּ יָגַ֖עְנוּ לא [וְ/לֹ֥א] הֽוּנַֽח־לָֽ/נוּ׃ ו מִצְרַ֙יִם֙ נָתַ֣נּוּ יָ֔ד אַשּׁ֖וּר לִ/שְׂבֹּ֥עַֽ לָֽחֶם׃ ז אֲבֹתֵ֤י/נוּ חָֽטְאוּ֙ אינ/ם אנחנו [וְ/אֵינָ֔/ם וַ/אֲנַ֖חְנוּ] עֲו‍ֹנֹתֵי/הֶ֥ם סָבָֽלְנוּ׃ ח עֲבָדִים֙ מָ֣שְׁלוּ בָ֔/נוּ פֹּרֵ֖ק אֵ֥ין מִ/יָּדָֽ/ם׃ ט בְּ/נַפְשֵׁ֙/נוּ֙ נָבִ֣יא לַחְמֵ֔/נוּ מִ/פְּנֵ֖י חֶ֥רֶב הַ/מִּדְבָּֽר׃ י עוֹרֵ֙/נוּ֙ כְּ/תַנּ֣וּר נִכְמָ֔רוּ מִ/פְּנֵ֖י זַלְעֲפ֥וֹת רָעָֽב׃ יא נָשִׁים֙ בְּ/צִיּ֣וֹן עִנּ֔וּ בְּתֻלֹ֖ת בְּ/עָרֵ֥י יְהוּדָֽה׃ יב שָׂרִים֙ בְּ/יָדָ֣/ם נִתְל֔וּ פְּנֵ֥י זְקֵנִ֖ים לֹ֥א נֶהְדָּֽרוּ׃ יג בַּחוּרִים֙ טְח֣וֹן נָשָׂ֔אוּ וּ/נְעָרִ֖ים בָּ/עֵ֥ץ כָּשָֽׁלוּ׃ יד זְקֵנִים֙ מִ/שַּׁ֣עַר שָׁבָ֔תוּ בַּחוּרִ֖ים מִ/נְּגִינָתָֽ/ם׃ טו שָׁבַת֙ מְשׂ֣וֹשׂ לִבֵּ֔/נוּ נֶהְפַּ֥ךְ לְ/אֵ֖בֶל מְחֹלֵֽ/נוּ׃ טז נָֽפְלָה֙ עֲטֶ֣רֶת רֹאשֵׁ֔/נוּ אֽוֹי־נָ֥א לָ֖/נוּ כִּ֥י חָטָֽאנוּ׃ יז עַל־זֶ֗ה הָיָ֤ה דָוֶה֙ לִבֵּ֔/נוּ עַל־אֵ֖לֶּה חָשְׁכ֥וּ עֵינֵֽי/נוּ׃ יח עַ֤ל הַר־צִיּוֹן֙ שֶׁ/שָּׁמֵ֔ם שׁוּעָלִ֖ים הִלְּכוּ־בֽ/וֹ׃

יט אַתָּ֤ה יְהוָה֙ לְ/עוֹלָ֣ם תֵּשֵׁ֔ב כִּסְאֲ/ךָ֖ לְ/דֹ֥ר וָ/דֽוֹר׃ כ לָ֤/מָּה לָ/נֶ֙צַח֙ תִּשְׁכָּחֵ֔/נוּ תַּֽעַזְבֵ֖/נוּ לְ/אֹ֥רֶךְ יָמִֽים׃ כא הֲשִׁיבֵ֨/נוּ יְהוָ֤ה׀ אֵלֶ֙י/ךָ֙ ו/נשוב [וְֽ/נָשׁ֔וּבָה] חַדֵּ֥שׁ יָמֵ֖י/נוּ כְּ/קֶֽדֶם׃ כב כִּ֚י אִם־מָאֹ֣ס מְאַסְתָּ֔/נוּ קָצַ֥פְתָּ עָלֵ֖י/נוּ עַד־מְאֹֽד׃